ပြည်တွင်းထုတ်ရွှေထည်များ
ရန်ကုန် ၊ ၂၈-၁-၂ဝ၁၅
သတ္တုတွင်း ဥပဒေ ပြဋ္ဌာန်းပြီး ပါက ရွှေဒင်္ဂါးပြား နှင့် ရွှေချောင်း များကို နိုင်ငံတကာ သို့ တရားဝင် တင်ပို့ ရောင်းချခြင်း နှင့် တင်သွင်း ဝယ်ယူခြင်း များ ခွင့်ပြု တော့မည် ဖြစ်ကြောင်း ရန်ကုန်တိုင်း ဒေသကြီး ရွှေလုပ်ငန်းရှင် များအသင်း ဥက္ကဋ္ဌ ဦးမျိုးမြင့် က ရန်ကုန်တိုင်း ဒေသကြီး ရွှေလုပ်ငန်းရှင် များအသင်း၏ ဆဋ္ဌမ အကြိမ် နှစ်ပတ်လည် အစည်းအဝေး ၌ ပြောကြား ခဲ့ကြောင်း သိရသည်။
ထိုသို့ ပြည်ပနိုင်ငံ များသို့ တရားဝင် ရွှေတင်ပို့ ရောင်းချခွင့်ပြု မည်ဆိုပါက ပြည်တွင်းရှိ လက်ဝတ် ရတနာ ပြုလုပ်သည့် အသေးစား နှင့် အလတ်စား လုပ်ငန်းများ တိုးတက်လာမည် ဖြစ်သည်။ ထိုသို့ တရားဝင် တင်ပို့ရသည့် အတွက် နယ်စပ် လမ်းကြောင်းမှ တစ်ဆင့် ဝင်ထွက် နေသည့် တရားမဝင် ကုန်သွယ်မှုများ လည်း တရားဝင် ကုန်သွယ်မှု လမ်းကြောင်း ပေါ်သို့ ရောက်ရှိ လာတော့မည် ဖြစ်ကြောင်း သိရသည်။
ထို့ကြောင့် ပြည်တွင်းထုတ် ရွှေထည်များ အနေဖြင့် ပြည်ပ ဈေးကွက်ဝင် ပစ္စည်းများ ဖြစ်လာ နိုင်ကြောင်း ရွှေလုပ်ငန်းရှင် တစ်ဦးက သုံးသပ်သည်။ ထို့အပြင် ရွှေရောင်းဝယ် သည့်ပုံစံကို ကျပ်၊ ပဲ၊ ရွေးစနစ်မှ ဂရမ်၊ အောင်စ စနစ်သို့ ပြောင်းလဲ ကျင့်သုံးခြင်း နှင့် စတော့ရှယ်ယာ ဈေးကွက် စနစ်ကို ကျင့်သုံးခြင်း စသည်တို့မှာ မလွဲမသွေ ဖြစ်လာမည့် အခြေအနေ ကောင်းများ ဖြစ်သဖြင့် ပြောင်းလဲ လာသည့် အခြေအနေနှင့် အညီ နိုင်ငံတကာ နှင့် အရောင်းအဝယ် ပြုလုပ်နိုင်ရန် ကြိုတင် ပြင်ဆင် ထားရမည် ဖြစ်ကြောင်း သိရသည်။
လက်ရှိ ရွှေ အရောင်းအဝယ် ဈေးကွက်တွင် ကမ္ဘာ့ရွှေဈေး မြင့်တက် လာမှုကြောင့် ပြည်တွင်း ရွှေဈေးမှာလည်း လိုက်ပါ မြင့်တက်လျက် ရှိသည်။ ဇန်နဝါရီ ၂၅ ရက်တွင် အခေါက် ရွှေ တစ်ကျပ်သား လျှင် ငွေကျပ် ၆၉၈ဝဝဝ ဝန်းကျင်နှင့် ၁၅ ပဲရည် တစ်ကျပ်သား လျှင် ငွေကျပ် ၆၆ဝဝဝဝ ဝန်းကျင် ပေါက်ဈေး ရှိကြောင်း သိရသည်။(၄၄၇)
#Themyawadydaily
#မြ၀တီနေ့စဉ်
No comments:
Post a Comment