စိတ်ကောင်းမွေးမြူခြင်းဆိုင်ရာ နည်းပညာ
နည်းပညာ ခေတ်ကြီးတွင် ရုပ်ပိုင်းဆိုင်ရာ ပညာများ အံ့မခန်း တိုးတက် လာသော်လည်း စိတ်ပိုင်းဆိုင်ရာ နည်းပညာများ တိုးတက်မှု အားနည်း နေသည်ကို တွေ့ရသည်။ စိတ်နှင့် ရုပ်ပိုင်းဆိုင်ရာ ဒွန်တွဲလွန်ဆွဲ နေကြရာတွင် စိတ်က အနိုင်ရရှိပြီး စိတ်သွားတိုင်း ကိုယ်ပါ စိတ်ထောင်း ကိုယ်ကြေ ဖြစ်နေကြ ရသည်။
လူ့သဘာဝအရ လူတိုင်း လူတိုင်းတွင် စိတ်အမျိုးမျိုး ပြောင်းလဲ ကွဲပြားတတ်သည်။ ''လူ့စိတ်ဟာ မျောက်စိတ် ဆိုသလို'' မတည်မငြိမ် နိုင်လှကာ အပေါ်ယံ ပြင်ပက ဣနြေ္ဒ သမ္ပတ္တိကြီး ဖြင့် နေသော်လည်း ရင်ထဲရှိစိတ်က တစ်ကိုင်းက လွှဲပြီး တစ်ကိုင်း ကူးသည့် မျောက်ပမာ ယောက်ယက်ခတ် ဖြစ်နေ တတ်သည်။ မိမိစိတ်ကို မိမိပြန်လည် ထိန်းသိမ်းနိုင်ရန် အလွန် အရေးကြီး လှသည်။
ထို့ပြင် လူတိုင်း လူတိုင်းတွင် မွေးကတည်းက ကပ်ပါလာသည့် အခြားသူ ကောင်းစား သည်ကို မနာလို မရှုဆိတ် ဖြစ်တတ်သော စိတ်ရှိ နေတတ်သည်။ အနှီစိတ် ရှိသူသည် သူကိုယ့်သူသာ ပြန်ပြီး ထိခိုက်တတ်ပြီး မနာလို အဖြစ်ခံ ရသူမှာ မည်သို့မျှ ဖြစ်လာမည် မဟုတ်ပေ။ အဆိုပါ စိတ်မျိုး မရှိသင့်သည်မှာ မှန်သော်လည်း ဖျောက်ဖျက်ရန် ခက်သော စိတ်မျိုးဖြစ်သည်။ မည်မျှ သဘောထား ကြီးသည် ဆိုစေကာမူ မနာလိုစိတ်မျိုး ရှိတတ်စမြဲ ဖြစ်သည်။
မနာလိုစိတ်ကို တတ်နိုင်သမျှ ကင်းရှင်းရန် ကြိုးစား အားထုတ်ရာတွင် မုဒိတာတရား ပွားများရမည်။ အခြားသူများ ကောင်းစားသည်ကို ကျေနပ်နှစ်လိုမှု ရှိရန် ကြိုးပမ်းဆည်းပူး ရမည့် တရားမျိုး ဖြစ်သည်။ မနာလိုစိတ် မျိုးသည် လူအများတွင် ရှိတတ် သောကြောင့် မဖြစ်သင့်သည့် ဒုက္ခများဖြင့် ရင်ဆိုင် ကြုံတွေ့ နေကြရသည်။
ကိုယ့်မှာရှိသည့် မနာလိုစိတ်ကို တွန်းလှန်ဖြိုလှဲ ဖျောက်ဖျက်နိုင်ရန် စိတ်ကောင်း မွေးမြူနည်း ကို သိထားကြ ရမည် ဖြစ်သည်။ ဥပမာအားဖြင့် ''ထမင်း စားသည့်အခါ သတ္တဝါ အပေါင်း တို့သည် ငါစားသလို စားနိုင်ကြ ပါစေ။ ငါ့ထက် ကောင်းသော အစားအစာကို စားနိုင်ကြ ပါစေ။ အဝတ်ဝတ် သည့်အခါ သတ္တဝါ အပေါင်းတို့သည် ငါဝတ်ဆင် ရသလို ကောင်းမွန်စွာ ဝတ်ဆင် နိုင်ကြပါစေ။ ငါ့ထက် ကောင်းမွန်စွာ ဝတ်ဆင် နိုင်ကြပါစေ ... '' စသည်ဖြင့် မိမိ စားသောက် နေထိုင် စီးပွားဥစ္စာ ရှာသည့် အခါတိုင်း သတ္တဝါ အနန္တကို မေတ္တာပို့ပေး ရမည် ဖြစ်သည်။
ထိုကဲ့သို့ မေတ္တာ ပို့ပေးသည့်အခါ အသံထွက်၍ စိတ်ပါပါ ပို့ပေးမှသာ ပိုမို ထိရောက် အောင်မြင် တိုးတက် လာမည်ဖြစ်သည်။ စိတ်အာရုံ မပျံ့လွင့်စေဘဲ မေတ္တာပို့ ပေးရပါမည်။ အမြဲထာဝရ လေ့ကျင့်ပေး ရပါမည်။ လေ့ကျင့်မှု များလာလျှင် မနာလိုစိတ်များ ကင်းစင် ပျောက်ကွယ်၍ စိတ်ကောင်း၊ စိတ်မြတ်များ တိုးတက် လာမည် ဖြစ်သည်။
သို့ဖြစ်ရာ လူတိုင်း လူတိုင်းတွင် ဖြစ်တတ်သော မနာလို မရှုဆိတ်များ ဖြစ်သော မကောင်းစိတ်၊ အနုပ်စိတ်၊ အညံ့စိတ်၊ အကုသိုလ်စိတ် တို့သည် ကိုယ့်ကိုယ်ကိုယ် အကျိုးမပြု၊ ကိုယ် မနာလိုမှု ကြောင့် တစ်ဖက်သား တွင်လည်း အကျိုးမမဲ့ စေဘဲ ကိုယ်သာ အကျိုးမဲ့ စေသည်။ ထို့ကြောင့် အကျိုးမဲ့ စေသော မနာလိုစိတ်ကို တွန်းလှန် ဖျောက်ဖျက်၍ စိတ်ကောင်း မွေးမြူနည်းများ ကျင့်ကြံပွားများ နိုင်ပါ စေကြောင်း အကြံပြု ရေးသား လိုက်ရပေသည်။
( အယ်ဒီတာ့အာဘော် )
#Yadanarpondaily
#ရတနာပုံနေ့စဉ်
No comments:
Post a Comment