အောင်မြင်လိုလျှင် အမှားပြင်
သရက်တန်း စိုးရွှေ (စိတ်ပညာ)
အဓိပ္ပာယ် မသတ်မှတ်သည့် တိုင်အောင် အဓိပ္ပာယ်ရှိစွာ ရှင်သန်ရမည်ဟု သိထားသင့်သည့် အရာမှာ ဘဝပင် ဖြစ်သည်။ လူအမျိုးမျိုး ဘဝအထွေထွေ ခံယူချက် အသီးသီးကြား အတ္တများစွာ ပေါက်ဖွား ရှင်သန် နေကြ ပေသည်။ အသက်ရှူသွင်းမှု များနှင့် အတူ ''ငါ ငါ ငါ'' ဆိုသော စကားတို့ ပဲ့တင်ထပ် နေကြပေသည်။ မတွေးမိကြ ၍သာ၊ ကမ္ဘာတွင် အပူပြင်းဆုံး ခံစားမှုမှာ ''အမုန်း'' များပင် ဖြစ်ပေသည်။ အမုန်းကို စွဲသုံးမိသူတိုင်း အရှုံးဆိုသည်ကို ရင်ဝယ်ပိုက် ကြရမည် ဖြစ်ပေသည်။
နေ့စဉ်နေ့တိုင်း အရေးကြီးသော အရာတစ်ခုကို ပြပါဟုဆိုလျှင် စိတ်ချမ်းသာရေး က အဓိကဟုပင် ဆိုနိုင် ပါပေသည်။ အမုန်းများစွာကြား အပြုံးများနှင့် နေထိုင်နိုင် သူကို လူတို့လေးစား တတ်ကြ ပေသည်။ လူဟုဆိုသမျှ မျှော်လင့်ချက်၊ ရည်မှန်းချက် ကိုယ်စီ ရှိကြရပေမည်။ လူတစ်ဦး အတွက် ဂရုပြုခံယူ သင့်သောအရာမှာ ရည်မှန်းချက်၊ မျှော်လင့်ချက် တို့ကို ဆုပ်ကိုင်ကာ အမှားများစွာ ထဲမှ ရုန်းထွက်ရန် သာလျှင် ဖြစ်ပေသည်။
ပျော်ရွှင်ခြင်း၊ ငြိမ်းချမ်းခြင်း စစ်စစ်သည် သူတစ်ပါး၏ ပျော်ရွှင် ငြိမ်းချမ်းမှုကို အလေးထား ဆောင်ရွက် ပေးတတ်ခြင်း မှလည်း ရရှိနိုင်ပေသည်။ ချမ်းသာသူ တစ်ဦး ဖြစ်ရေးထက် လူအများ ဝမ်းသာစရာ ဖြစ်အောင် ဖန်တီးပေးနိုင်သည့် အသုံးဝင်သော လူတစ်ဦး ဖြစ်ရန် အရေးကြီး လှပေသည်။ ဘဝကို သောကများစွာ ထမ်းပိုးရင်း လျှောက်လှမ်းခြင်း က လောက အလှတရား များစွာကို ပျက်သုဉ်း စေတတ်ပေသည်။ သို့အတွက် လောက အလှတရားကို မြင်လို ပါသလား။ ဒေါသနှင့် အတ္တများကို လျှော့ထားဟုပင် ဆိုကြ ရပေမည်။
နံပါတ်တစ် ဖြစ်ရေးမှာ ခက်ခဲ သကဲ့သို့ပင် ထို နံပါတ်တစ် နေရာကို ကြာရှည်စွာ ထိန်းနိုင်ရေးက ပို၍ပင် ခက်ခဲ လှပေသည်။ လူသားအားလုံး ထိပ်ဆုံးမှာ မဖြစ်နိုင်သလို နောက်ဆုံး မှာလည်း မဖြစ်နိုင်ပါ။ အခြေအနေ၊ အချိန်အခါ၊ ကြိုးစားမှုအရ ဘဝတို့ ကွာခြားသွား နိုင်ပေသည်။ မည်မျှ ကွာခြားနေ ပါစေ၊ ဘဝတွင် ကောင်းမွန်စွာ ကိုင်ဆွဲထား သင့်သော အရာမှာ အမှားကို ကြာကြာကိုင်စွဲ မထားဘဲ အမှန်ပြင်ရေးပင် ဖြစ်ပေသည်။
လူ့လောကတွင် ရောက်လာပြီး လူ့ဘဝကို ရလာခြင်းကိုက ကောင်းမွန်သော ကံတရားကို ပိုင်ဆိုင်ထားပြီး ဖြစ်နေပေသည်။ ရလာသည့်ဘဝ၊ ရောက်နေသော အချိန်မှစပြီး အောင်မြင်မှု အမှန်တရား ပန်းတိုင်များ ဆီသို့ စတင်လျှောက်လှမ်း ကြရပေမည်။ ဘဝဆိုသော အရာကို လက်တွေ့ကျသော အဓိပ္ပာယ် ဖွင့်ဆိုချက်ဖြင့် ပြောဆိုရပါမူ တိုက်ပွဲဝင်ရာ နေရာဟုပင် ဆိုနိုင်ပေသည်။ ကံတရားက လှေပေးသည် ဆိုလျှင်တောင် ကိုယ်တိုင်က လက်တွေ့ လှော်တက်ရှာကာ လှော်ခတ်ကြ ရမည် ဖြစ်ပေသည်။
အောင်မြင်မှုတိုင်း လွယ်လွယ် မရပါ။ လွယ်လွယ်ရသော အောင်မြင်မှု တိုင်းလည်း အနှစ်သာရ မရှိတတ်ပါ။ အနှစ်မရှိသော အောင်မြင်မှုတိုင်း နက်ရှိုင်းသော ကျေနပ် နှစ်သက်မှု မတွေ့ရတတ်ပါ။ လူ့ဘဝတွင် အပူပြင်းဆုံးနှင့် အပင်ပန်းဆုံး အရာကို ပြပါဟု ဆိုသမျှ လူတစ်ဦး သုိ့မဟုတ် လူအများကို မုန်းတီးသော အရာပင် ဖြစ်သည်။ လူ့ဘဝတွင် အနှစ်သာရ ရှိရှိ ရှင်သန်နိုင်ရေး အတွက် တက်ကြွစွာ လုပ်ဆောင်ကာ လောက၏ အလှဖန်တီးရှင် ဖြစ်အောင် လုပ်နိုင် ပါပေသည်။ ထိုသို့ ပြုလုပ်ရန် လိုက်နာသင့်သော အရာမှာ အလုပ်ကို ပျော်ရွှင်စွာ လုပ်တတ်ရမည်။ တက်ကြွစွာ လုပ်ရမည်။ ပြုံးရွှင်စွာ လုပ်ရမည် ဆိုသော အချက်များပင် ဖြစ်သည်။
အောင်မြင်ခြင်း၊ ကျရှုံးခြင်း ဆိုသည်မှာ ကြိုးစားရုန်းကန် သူနှင့် တိုက်ရိုက် ပတ်သက်နေသော အရာပင် ဖြစ်သည်။ ရှုံးနိမ့်လျှင် ရှုံးနိမ့်ပါစေ။ ထိုရှုံးနိမ့်မှု အတွက် စိတ်ဓာတ် မကျသူ၊ ငိုကြွေးခြင်း မပြုသူဖြစ်ဖို့ လိုအပ်လှ ပေသည်။ ဘဝတွင် နိမ့်ပါးလွန်း၍ ခြေနင်းခံ ရသည့် သဲပုံ၊ သဲမှုန် ဖြစ်ရခြင်းထက် ဘိလပ်မြေနှင့် ပေါင်း၍ လေဒဏ်ကို ကြံ့ကြံ့ခံကာ ကာကွယ် နိုင်သူဖြစ်ဖို့ အရေးကြီး လှပေသည်။ စိမ်းစိုလှသော လွင်ပြင်ကျယ်ကို အပေါ်စီးမှ မြင်လိုသမျှ မြင့်မားသော တောင်တန်းကို တက်ရဲသော သတ္တိ ရှိသင့်လှပေသည်။ သို့ဆိုပါလျှင် အောင်မြင်လို သူတိုင်း အမှားများကို ပြင်ဆင်၍ အောင်မြင်မှု မှတ်တိုင်မှာ ရပ်နိုင်ကြ ပါစေ။ ။
#Themyawadydaily
#မြ၀တီနေ့စဉ်
No comments:
Post a Comment