နယ်စပ်ကုန်သွယ်ရေး စခန်းများမှတစ်ဆင့် ပိတ်ပင်ထားခဲ့သည့် လုပ်ငန်းသုံး ယာဉ်များကို တင်သွင်းခွင့်ပြု

ရန်ကုန် ၊ ၂၈-၉-၂၀၁၄

မြန်မာနိုင်ငံ အတွင်းသို့ နယ်စပ်ဂိတ် များမှတစ်ဆင့် ကားတင်သွင်း ရာတွင် ယခင်ကာလ များက တင်သွင်းခွင့် ပိတ်ပင်ထား ခဲ့သည့် လုပ်ငန်းသုံး ယာဉ်များကို ယခုအခါတွင် တင်သွင်းခွင့်ပြု ပေးလိုက်ပြီ ဖြစ်ကြောင်း မော်တော်ယာဉ် တင်သွင်းခွင့် ဆိုင်ရာ ကြီးကြပ်ရေး ကော်မတီမှ သိရသည်။

နယ်စပ် ကုန်သွယ်ရေး စခန်းများမှ လက်ရှိ အချိန်တွင် တရားဝင် တင်သွင်းခွင့်ပြု ပေးထားသည့် မော်တော်ယာဉ် များမှာ Bus ၊ Truck နှင့် ယန္တရားများကို တင်သွင်းခွင့်ပြု ပေးလျက် ရှိကြောင်း သိရသည်။ ထိုကဲ့သို့ တင်သွင်းရာတွင် လုပ်ငန်းသုံးယာဉ် အုပ်စုဖြစ်သည့် Extra Cab ၊ Space Cab ၊ Open Cab များကို တင်သွင်းခွင့် မပြုခဲ့ဘဲ Pick UP အမျိုးအစား 2 Door ( Single Cab ) များကိုသာ တင်သွင်း ခွင့်ပြုပေးလျက် ရှိကြောင်း သိရသည်။

ထိုသို့ နယ်စပ် ကုန်သွယ်ရေး စခန်းများ မှတစ်ဆင့် ပြည်တွင်းသို့ ယာဉ်တင်သွင်းခွင့် ကို ကန့်သတ် ထားခဲ့ရာမှ ယခုအခါတွင် ထို ကန့်သတ်ချက် များကို နိုင်ငံတော်မှ ဖြေလျှော့ ပေးလိုက်သည့် အတွက် နယ်စပ်ဂိတ်များမှ ယာဉ်တင်သွင်း ရာတွင် တင်သွင်းခွင့် ကန့်သတ်ခံ ခဲ့ရသည့် လုပ်ငန်းသုံးယာဉ် အုပ်စု Extra Cab ၊ Space Cab ၊ Open Cab များကို တင်သွင်းခွင့်ပြု ပေးလိုက်ပြီ ဖြစ်ကြောင်း သိရသည်။

နယ်စပ် ကုန်သွယ်ရေး စခန်းများမှ တစ်ဆင့် လုပ်ငန်းသုံးယာဉ် များကို တင်သွင်းခွင့် ဖြေလျှော့ ပေးလိုက်သည့် အတွက် မြန်မာ နိုင်ငံအတွင်း ကားဈေးကွက်တွင် လုပ်ငန်းသုံးယာဉ် ဈေးနှုန်းများ အပြောင်းအလဲ ဖြစ်ပေါ် လာနိုင်ကြောင်း ပြည်တွင်း ကားဈေးကွက် အတွင်းမှ သိရသည်။

ကံထူး

#Themyawadydaily