ရန်ကုန် ၊ ၁၉-၆-၂၀၁၄
ခရီးသွားလာရေး နှင့် ကုန်စည် ပို့ဆောင်ရေး တို့တွင် လေကြောင်း၊ ရေကြောင်း၊ ကုန်းကြောင်း တို့ဖြင့် ဆက်သွယ် သွားလာ ပို့ဆောင် ကြရာတွင် အသုံးပြုသည့် ပြည်သူများ အနေဖြင့် မီးရထားများကို အသုံးပြု၍ သွားလာခြင်းဖြင့် အဆင်ပြေ သော်လည်း အခက်အခဲများ ရှိနေကြောင်း ခရီးသွားလာ သူများနှင့် ကုန်သည်ကြီး များ၏ ပြောပြချက် အရ သိရသည်။
နိုင်ငံတော်သည် ကုန်စည် စီးဆင်းမှု လွယ်ကူစေရန် နှင့် ခရီးသွားလာမှု လွယ်ကူစေရန် မီးရထားလမ်း များကို တိုးချဲ့ ဖောက်လုပ်၍ ခရီးစဉ် များကို တိုးချဲ့ပြေးဆွဲပေးလျက် ရှိရာတွင် လူစီးခ အနေဖြင့် စာပို့ ရထားစီးခ နှုန်းထားမှာ ရိုးရိုးတန်း တစ်မိုင်လျှင် မြေပြန့် ငွေကျပ် ၁၂ ကျပ်နှုန်း၊ တောင်ပေါ် ၁၈ ကျပ်နှုန်း ပထမတန်း မြေပြန့် ငွေကျပ် ၁၅ ကျပ်နှုန်း၊ တောင်ပေါ် ၁၈ ကျပ်နှုန်း၊ အထက်တန်း (ထိုင်ခုံ) မြေပြန့် ၂၄ ကျပ်နှုန်း၊ တောင်ပေါ် ၃၆ ကျပ်နှုန်း၊ အထက်တန်း (အိပ်စင်) မြေပြန့် ၃၃ ကျပ်နှုန်း၊ တောင်ပေါ် ၄၉ ကျပ်ခွဲနှုန်း ဖြစ်ကြောင်း၊ အမြန်ရထားများ အတွက် လူစီးခ နှုန်းထားမှာ ရိုးရိုးတန်း မြေပြန့် ၉ ကျပ်နှုန်း၊ တောင်ပေါ် ၁၃ကျပ်ခွဲ နှုန်း၊ ပထမတန်း မြေပြန့် ၁၂ ကျပ်နှုန်း၊ တောင်ပေါ် ၁၈ ကျပ်နှုန်း၊ အထက်တန်း (ထိုင်ခုံ) မြေပြန့် ၂၁ ကျပ်နှုန်း၊ တောင်ပေါ် ၃၁ကျပ်ခွဲ နှုန်း၊ အထက်တန်း (အိပ်စင်) မြေပြန့် ၂၇ ကျပ်နှုန်း၊ တောင်ပေါ် ၄ဝကျပ်ခွဲနှုန်း ဖြစ်ကြောင်း၊ အထူးရထား လူစီးခ နှုန်းထားမှာ ရိုးရိုးတန်း မြေပြန့်၊ တောင်ပေါ် ၂၇ ကျပ် ၅၅ ပြားနှုန်း၊ ပထမတန်း၊ အထက်တန်း ၅၄ ကျပ် ၆၅ ပြားနှုန်း၊ အထက်တန်း အိပ်စင် ၆၅ ကျပ် ၆ဝ ပြားနှုန်း တို့ဖြင့် ပြေးဆွဲလျက် ရှိကြောင်း သိရသည်။
လူစီးရထားတွင် ကုန်တင်သည့် နှုန်းထားမှာ ကုန်တစ်ပိဿာ တစ်မိုင်လျှင် မြေပြန့် ၉ ပြားနှုန်း၊ တောင်ပေါ် ၁၃ကျပ်ခွဲ နှုန်းဖြစ်ပြီး ကုန်တင် ရထားအတွက် တစ်တန် တစ်မိုင်လျှင် ကုန်ရထား (အနှေး) မြေပြန့် ငွေကျပ် ၃ဝ နှုန်း၊ တောင်ပေါ် ၄၅ ကျပ်နှုန်း၊ ကုန်ရထား (အမြန်) မြေပြန့် ၄၂ ကျပ်နှုန်း၊ တောင်ပေါ် ၆၃ ကျပ်နှုန်း တို့ဖြင့် ပြေးဆွဲလျက် ရှိကြောင်း သိရသည်။
ယခုအခါ ဒီဇယ် ဈေးနှုန်းသည် တစ်ဂါလန်လျှင် ငွေကျပ် ၄၅ဝဝ ခန့် ဖြစ်သွား သော်လည်း ၂ဝ၁၁ ခုနှစ် နိုဝင်ဘာလ ကတည်းက ပြောင်းလဲ ကောက်ခံ ခဲ့သည့် လက်မှတ်ခ နှင့် တန်ဆာခ များမှာ ယခင် နှုန်းထား အတိုင်းပင် ကောက်ခံ နေသည့် အတွက် မြန်မာ့မီးရထား အနေဖြင့် အရှုံးခံ၍ ပြေးဆွဲ ပေးနေခြင်း ဖြစ်ကြောင်း မြန်မာ့မီးရထား မှ တာဝန်ရှိသူ တစ်ဦးက ပြောပြ၍ သိရသည်။
ထိုသို့ အရှုံးခံ ပြေးဆွဲပေး နေသည့်အတွက် ခရီးသွား ပြည်သူများ အနေဖြင့် မီးရထားဖြင့် ခရီးသွား လာခြင်းကို နှစ်သက်သော်လည်း တွဲအလုံအလောက် မရှိခြင်း၊ တွဲထိန်းတို့၏ ဝန်ဆောင်မှု ညံ့ဖျင်းခြင်း၊ လက်မှတ် ရယူရာတွင် ခက်ခဲခြင်း အချိန် ကြန့်ကြာခြင်းများ ကြုံတွေ့ နေရကြောင်း နှင့် မြန်မာ့မီးရထား လုပ်ငန်း သည်လည်း အရှုံးပိုမို များပြားလာ၍ ပုဂ္ဂလိကသို့ လုပ်ငန်းများ လွှဲပြောင်း ပေးအပ်ရန် စီစဉ်လျက် ရှိကြောင်း သိရှိရသည်။
#Yadanarpondaily
No comments:
Post a Comment