ရန်ကုန် ၊ ၂၉-၁၀-၂၀၁၃
မြန်မာနိုင်ငံ ကုန်သွယ် ရေကြောင်း ကောလိပ်မှ
ကုန်သွယ် ရေကြောင်း အရာရှိလောင်း ဒီပလိုမာ သင်တန်း များကို ဖွင့်လှစ် သင်ကြား ပေးလျက်ရှိရာ
ဒီပလိုမာ သင်တန်း အပတ်စဉ် (၈)ကို ၂၀၁၄ ခုနှစ် ဖေဖော်ဝါရီ လဆန်းတွင် ဖွင့်လှစ် သင်ကြား
သွားမည် ဖြစ်ကြောင်း သိရသည်။
ယင်း ဒီပလိုမာ သင်တန်း အပတ်စဉ်(၈) တွင်
တက်ရောက်မည့် ကျောင်းသား များ၏ ဆေးစစ်ခြင်း ကို ၂၀၁၃ ခုနှစ် အောက်တိုဘာ ၁ ရက်မှ စတင်
ပြုလုပ်လျက် ရှိကြောင်း သိရသည်။
အဆိုပါ သင်တန်းသို့ ၀င်ခွင့်ရရန် အတွက်
နိုင်ငံတော် သတင်းစာ များမှ လျှောက်လွှာများ ခေါ်ယူခဲ့ပြီး လာရောက် လျှောက်ထား သူများ
အနက်မှ တက္ကသိုလ် ၀င်တန်းတွင် ရရှိခဲ့သော အမှတ် အနည်းအများ အလိုက် သတ်မှတ်၍ ရေကြောင်း
ပညာ ဒီပလိုမာ သင်တန်းအတွက် သင်တန်းသား ၈၀ ဦးနှင့် ရေကြောင်း အင်ဂျင်နီယာ ဒီပလိုမာ
သင်တန်းသား ၈၀ ဦး ရွေးချယ် သတ်မှတ် ခဲ့ကြောင်း သိရသည်။
" ဆေးစစ်တယ် ဆိုတာက အထွေထွေ ကျန်းမာရေး
ကို စစ်တာ ၊ နှလုံး သွေးတိုး ဆီးချို ၊ ဘီပိုး ၊ စီပိုး နဲ့ HIV အစရှိတဲ့ ကျန်းမာရေး
နဲ့ ပတ်သက်တာ တွေအပြင် အမြင်အာရုံ စစ်ဆေးတား ၊ အကြားအာရုံ စစ်ဆေးတာ တွေလည်း လုပ်တယ်
၊ အမြင်အာရုံ စစ်ဆေး တာမှာ ဆိုရင် အရောင် ခွဲခြားနိုင်မှု စစ်ဆေးခြင်း ဆိုတာလည်း ရှိတယ်
၊ ဆေးစစ်တာ အောင်မြင်မှ သူတို့ ကျောင်း ဆက်တက်လို့ ရမှာ ဖြစ်ပါတယ် ... " ဟု မြန်မာနိုင်ငံ
ကုန်သွယ် ရေကြောင်း ကောလိပ် မှ တာဝန်ရှိသူ တစ်ဦးက ပြောကြား ခဲ့သည်။
ယင်းကဲ့သို့ စစ်ဆေးခြင်း များကို ရေကြောင်း
ပညာ ဒီပလိုမာ ကျောင်းသားများ အနေဖြင့် ပြည်တွင်း ရေကြောင်း ပို့ဆောင်ရေး ဆေးခန်း တွင်
လည်းကောင်း ၊ ရေကြောင်း အင်ဂျင်နီယာ ကျောင်းသားများ ကို မြန်မာ့ ဆိပ်ကမ်း အာဏာပိုင်
ဆေးခန်း တွင် လည်းကောင်း ၊ အမြင်အာရုံ စစ်ဆေးခြင်း နှင့် အကြားအာရုံ စစ်ဆေးခြင်း တို့ကို
ရေကြောင်း ပို့ဆောင်ရေး ညွှန်ကြားမှု ဦးစီးဌာနရုံး တို့တွင် လည်းကောင်း စစ်ဆေးမှု ခံယူနိုင်ရန်
ပြုလုပ် ဆောင်ရွက် ပေးကြောင်း သိရှိရသည်။
No comments:
Post a Comment