ရန်ကုန် ၊ ၂၇-၉-၂၀၁၃
မြန်မာနိုင်ငံတွင် ပထမဦးဆုံး အကြိမ်အဖြစ်
PHOTOMARATHON ပြိုင်ပွဲ ကျင်းပ ပြုလုပ် သွားမည် ဖြစ်ကြောင်း သိရသည်။
PHOTOMARATHON ဆိုသည်မှာ ဓာတ်ပုံ ပညာရှင် ပေါင်းများစွာ ပူးပေါင်း၍ အချိန် အပိုင်းအခြား
ကာလတို အတွင်း ကဏ္ဍပေါင်း များစွာ သတ်မှတ်ပြီး ကျရာ ခေါင်းစဉ်ပေါ်တွင် ပါဝင်အောင် ပြိုင်ပွဲဝင်
ရိုက်ကူး ရသည့်ပွဲ ဖြစ်သည်။
ကမ္ဘာတွင် PHOTOMARATHON ပြိုင်ပွဲ များကို
ကျင်းပနေသော နိုင်ငံပေါင်း များစွာ ရှိနေပြီး မြန်မာနိုင်ငံ တွင် PHOTOMARATHON ပြိုင်ပွဲ
အား YAT Group က ဦးဆောင်ကာ ၂၀၁၄ ခုနှစ် ၊ ဇန်န၀ါရီလ အတွင်း ကျင်းပရန် စီစဉ် ထားကြောင်း
ပွဲစီစဉ်သူ ကိုရဲအောင်သူ က ပြောသည်။ အဆိုပါ ပွဲသည် မာရသွန်ပြေးပွဲ တွင် ကလေးအရွယ် မှစကာ
သက်ကြီး ရွယ်အိုများ အထိ အရွယ်မျိုးစုံ ၊ ကျောင်းသား လူငယ် ၊ ၀န်ထမ်းများ ၊ အရာရှိများ
၊ အငြိမ်းစားများ စသည့် လူတန်းစား ပေါင်းစုံ ပါဝင် ဆင်နွှဲ သကဲ့သို့ PHOTOMARATHON ပြိုင်ပွဲ
မှာလည်း Professional များ Amateur များ မခွဲခြားဘဲ ဓာတ်ပုံ ဆရာများစွာ စုစည်း ပါဝင်နိုင်ကြောင်း
ကို ပွဲစီစဉ်သူ တစ်ဦး ဖြစ်သူ မနန်းညီ က ပြောသည်။
ပြိုင်ပွဲ ပြုလုပ်ရခြင်း ၏ ရည်ရွယ်ချက်
မှာ လူအများ နှင့် ပရဟိတ အဖွဲ့အစည်း များ အနေဖြင့် လူမှုဘ၀ ပြုပြင် ပြောင်းလဲမှုများ
ပြုလုပ် ရတွင် ဓာတ်ပုံများကို ထည့်သွင်း အသုံးပြု လာစေရန် ၊ လူမှုဘ၀ ဓာတ်ပုံများကို
Photo Bank အနေဖြင့် စုစည်း ထိန်းသိမ်း ထားပြီး Creative Commons License ဖြင့် မျှဝေ
အသုံးပြု နိုင်ရန် ဓာတ်ပုံ အထောက်အကူ အရင်းအမြစ် များ ထောက်ပံ့ပေး နိုင်ရန် ဖြစ်ကြောင်း
သိရှိရသည်။
No comments:
Post a Comment