၂၆-၂-၂၀၁၃
တရုတ် ငါးလုပ်ငန်း ဆိုင်ရာ ဗျူရိုသည်
တရုတ် တံငါသည် များ၏ တရားဝင် အကျိုးစီးပွား များကို ပိုမို ထိရောက်စွာ အကာအကွယ် ပေးရန်
အတွက် တောင်တရုတ် ပင်လယ်ပြင် အတွင်းရှိ Nansha ကျွန်း တစ်ဝိုက်တွင် ပုံမှန် ကင်းလှည့်ခြင်း
များ ဆောင်ရွက် သွားမည် ဖြစ်ကြောင်း တရုတ် စိုက်ပျိုး မွေးမြူရေး ၀န်ကြီး ဌာနအောက်ရှိ
တောင်တရုတ် ပင်လယ်ပြင် ဆိုင်ရာ ငါး လုပ်ငန်းဗျူရို အကြီးအကဲ Wu Zhuang က ပြောကြား ခဲ့ကြောင်း
ဆင်ဟွာ သတင်း တစ်ပုဒ် အရ သိရသည်။
အဆိုပါ ကင်းလှည့်ခြင်း လုပ်ငန်းသည်
၂၀၁၃ ခုနှစ် အတွင်း ပထမ ဦးစားပေး ဆောင်ရွက် ရမည့် ကိစ္စရပ် ဖြစ်ကြောင်း ၊ တရား ဥပဒေ
စိုးမိုးရေး အဖွဲ့များ အနေဖြင့် Huangyan ကျွန်းနှင့် Meiji ကျောက်တန်း တို့တွင် ကြီးကြပ်ရေး
လုပ်ငန်းများ ဆက်လက် ဆောင်ရွက် သွားမည် ဖြစ်ကြောင်း ၊ Xisha ကျွန်းနှင့် Beibu ပင်လယ်ကွေ့
အနီး၌လည်း ကြီးကြပ် ကွပ်ကဲရေး လုပ်ငန်းများ တိုးမြှင့် ဆောင်ရွက် သွားမည် ဖြစ်ကြောင်း
နှင့် တရားဥပဒေ စိုးမိုးမှု မြင့်တက် လာသည်နှင့် အမျှ Nansha ကျွန်းအနီး တစ်ဝိုက်တွင်
ပုံမှန် ကင်းလှည့်ခြင်း များအား အရှိန်အဟုန်မြှင့် ဆောင်ရွက် သွားမည် ဖြစ်ကြောင်း
Wu Zhuang က ပြောကြား ခဲ့သည်။
တောင်တရုတ် ပင်လယ် အတွင်း ပုံမှန် ကင်းလှည့်ခြင်း
များအား ၂၀၁၄ ခုနှစ်တွင်လည်း ဆောင်ရွက် သွားမည် ဖြစ်ကြောင်း ၊ ငါးဖမ်း လုပ်ငန်း ဗျူရို၏
ထုတ်ပြန် ကြေညာချက် များအရ သိရသည်။ ငါးဖမ်းလုပ်ငန်း ဗျူရို၏ ကင်းလှည့် သင်္ဘောများသည်
၂၀၁၂ ခုနှစ် အတွင်းက တောင်တရုတ် ပင်လယ်၌ ၁၈၃ ရက်ကြာ ကင်းလှည့်ခြင်း လုပ်ငန်းများ ဆောင်ရွက်
ခဲ့ကြောင်း သိရှိရသည်။
No comments:
Post a Comment