ရန်ကုန် ၊ ၁၉-၁၁-၂၀၁၂
လာမည့် ၂၀၁၃ ခုနှစ်တွင် မြန်မာနိုင်ငံ
ခရီးစဉ်အတွက် အမေရိကန် နိုင်ငံသား ၂၀၀၀ ခန့် လာရောက် စာရင်း ပေးသွင်း ထားကြောင်း အမေရိကန်
ခရီးသွား ၀န်ဆောင်မှု ကုမ္ပဏီ Grand Circle မှ ဥက္ကဋ္ဌ မစ္စတာ အလန်လူးဝစ် က ထုတ်ဖော် ပြောကြားကြောင်း
သိရသည်။
မြန်မာနိုင်ငံ ခရီးစဉ် အတွက် အဆိုပါ
ကုမ္ပဏီက အသေးစား ဇိမ်ခံ သင်္ဘောဖြင့် ခရီးသည်များကို ပို့ဆောင်ပေးမည် ဖြစ်ကြောင်း ၊
(၁၅)ရက် ကြာမည့် ခရီးစဉ် အတွက် တစ်ရက် ဒေါ်လာ ၂၂၀ ဖြင့် ဖြစ်စေ ၊ ခရီးစဉ် တစ်ခုလုံး
အတွက် ဒေါ်လာ ၃၂၉၅ ဖြင့်ဖြစ်စေ သတ်မှတ် ထားကြောင်း ၊ ခရီးသည် အများစုမှာ အသက် ၅၀ အထက်များကြောင်း
၊ မြန်မာနိုင်ငံ တွင် အံ့ချီးဖွယ်ရာ စေတီပုထိုးများ ၊ ခြေတစ်ဖက် တည်းဖြင့် လှေလှော်သည့်
အင်းသားများ ၊ ရေပေါ်အိမ် ၊ ရေပေါ် စိုက်ခင်းများ ၊ တိုင်းရင်းသား မျိုးနွယ်စုများ ၏
ရှေးဟောင်း လူနေမှု ဘ၀များနှင့် ရိုးရာ ယဉ်ကျေးမှု များကို လေ့လာ ကြည့်ရှုရန် ယခုကဲ့သို့
လာရောက် လည်ပတ်ခြင်း ဖြစ်ကြောင်း မစ္စတာ အလန်လူးဝစ် က ဆက်လက် ပြောကြားကြောင်း သိရှိရသည်။
No comments:
Post a Comment