ရန်ကုန် ၊ ၂၄-၁၀-၂၀၁၂
၂၀၁၂ ခုနှစ် ၊ အောက်တိုဘာ ၁၆ ရက်မှ
၂၂ ရက်ထိ ထိုင်းနိုင်ငံ ၊ ဘန်ကောက်မြို့ တွင်ကျင်းပ ပြုလုပ်ခဲ့သော ထိုင်းနိုင်ငံ အလွတ်တန်း
ဖိတ်ခေါ် သေနတ်ပစ် ပြိုင်ပွဲသို့ အရှေ့တောင် အာရှ ၊ အာရှ နှင့် ဥရောပ နိုင်ငံများ နိုင်ငံပေါင်း
၂၀ ၀င်ရောက် ယှဉ်ပြိုင်ကြပြီး ပြိုင်ပွဲ အမျိုးအစား ၁၆ မျိုး ကျင်းပရာ မြန်မာနိုင်ငံမှ
၃ မျိုး ၀င်ရောက် ယှဉ်ပြိုင်ခဲ့ကြောင်း သိရသည်။
အမျိုးသမီး အသင်းလိုက် (၅၀)မီတာ ပွိုင့်
၂၂ Rifle Prone ပြိုင်ပွဲတွင် သန်းသန်းစော (သစ်တောရေးရာ) ၊ သူသူကျော် (လူမှုဝန်ထမ်း
၊ ကယ်ဆယ်ရေး နှင့် ပြန်လည် နေရာချထားရေး) ၊ အေးအေးသင်း (လယ်/ဆည်) တို့သည် အသင်းလိုက်
ရွှေတံဆိပ်ဖြင့် ပထမ ၊ ထိုင်းနိုင်ငံမှ ဒုတိယနှင့် ယူအေအီး နိုင်ငံမှ တတိယရရှိကာ အမျိုးသား
တစ်ဦးချင်း (၅၀)မီတာ ပွိုင့် ၂၂ Rifle Prone ပြိုင်ပွဲတွင် ထိုင်းနိုင်ငံမှ ပထမနှင့်
ဒုတိယဆု ရရှိပြီး မြန်မာနိုင်ငံမှ လင်းအောင် (အား/ကာ)က တတိယ ရရှိခဲ့သည်။
အဆိုပါ ပြိုင်ပွဲသို့ အဖွဲ့ ခေါင်းဆောင်အဖြစ်
မြန်မာနိုင်ငံ သေနတ်ပစ် အားကစား အဖွဲ့ချုပ် ဥက္ကဋ္ဌ ဦးထက်ညီ ၊ အုပ်ချုပ် နည်းပြ(၄)ဦး
၊ အားကစား အမျိုးသား (၄)ဦး ၊ အမျိုးသမီး (၃)ဦး ၊ ဒိုင်/ဂျူရီ (၇)ဦး စုစုပေါင်း
(၁၉) ဦးတို့သည် ယမန်နေ့ည ၈ နာရီက ရန်ကုန် အပြည်ပြည် ဆိုင်ရာလေဆိပ် သို့ ပြန်လည် ရောက်ရှိကြောင်း
သိရှိရသည်။
No comments:
Post a Comment