-
နေပြည်တော်၊ ဖေဖော်ဝါရီ - ၂၀
-
ဒုတိယတပ်မတော်ကာကွယ်ရေးဦးစီးချုပ် ကာကွယ်ရေးဦးစီးချုပ်(ကြည်း) ဒုတိယ ဗိုလ်ချုပ်မှူးကြီး စိုးဝင်းသည် မြန်မာနိုင်ငံဆိုင်ရာ အမေရိကန်နိုင်ငံသံအမတ်ကြီး H.E.Mr. Scot Marciel အား ယနေ့နံနက်ပိုင်းတွင် နေပြည်တော်ရှိ ဘုရင့်နောင်ရိပ်သာ ဧည့်ခန်းမဆောင်၌ လက်ခံတွေ့ဆုံသည်။
-
ထိုသို့တွေ့ဆုံစဉ်မြန်မာ-အမေရိကန်နှစ်နိုင်ငံအရပ်ဖက်/စစ်ဖက်နှင့် ပူးပေါင်းဆောင်ရွက်မှုဆက်ဆံရေး အခြေအနေများ၊ အမေရိကန်ပြည်ထောင်စု၏ အင်ဒို-ပစိဖိတ် ဆိုင်ရာရည်ရွယ်ချက်နှင့်ရပ်တည်ချက်ဆိုင်ရာ ကိစ္စရပ်များ၊ ၂၀၁၈ ခုနှစ်၊ ဒီဇင်ဘာ ၂၁ ရက်နေ့ တပ်မတော်က ပစ်ခတ်တိုက်ခိုက်မှု ရပ်စဲရေးနှင့် ထာဝရငြိမ်းချမ်းရေးအတွက်ထုတ်ပြန်ချက်အပေါ် အမေရိကန်က ကြိုဆိုထောက်ခံမှုနှင့်ထုတ်ပြန်ချက်ကြေညာပြီး နောက်ပိုင်း တိုင်ရင်းသား လက်နက်ကိုင် အဖွဲ့အစည်းများနှင့် ငြိမ်းချမ်းရေး ဆွေးနွေးဆောင်ရွက်မှုနှင့် တိုးတက်မှုအခြေအနေများ၊ ကချင်ပြည်နယ်တွင် IDP Campများမှ နေရပ်စွန့်ခွာပြည်သူများအား မူလနေရာသို့ ပြန်လည်နေထိုင်နိုင်ရေး အစိုးရနှင့် တပ်မတော်မှ ကူညီဆောင်ရွက်ပေးလျက်ရှိသည့် အခြေအနေများ၊ ရခိုင်ဒေသဖြစ်စဉ် များနှင့် ပတ်သက်၍ လွတ်လပ်သောစုံစမ်းစစ်ဆေးရေး ကော်မရှင်၏ ဆောင်ရွက်ချက်များ အပေါ် တပ်မတော်မှ အပြည့်အ၀ ပူးပေါင်းကူညီဆောင်ရွက်ပေးလျက်ရှိသည့် အခြေအနေများ၊ ရခိုင်ဒေသတွင် ARSA နှင့် AA အကြမ်းဖက်သောင်းကျန်းသူများ၏ ပြည်နယ်အတွင်း ဖျက်ဆီး၊ နှောင့်ယှက်မှုအပေါ် ပြည်သူ လူထု၏ အသက်အိုးအိမ်စည်းစိမ်များအား တပ်မတော်မှ စောင့်ရှောက်နေမှု အခြေအနေများ၊ ရခိုင်ပြည်နယ်အတွင်း မူးယစ်ဆေးဝါး ဖမ်းဆီးရရှိမှု အခြေအနေများ၊ ဓာတုလက်နက်တားဆီးပိတ်ပင်ရေးစာချုပ် (CWC) အား မြန်မာနိုင်ငံက ၂၀၁၅ ခုနှစ်တွင် ပါဝင်လက်မှတ်ရေးထိုးခဲ့ပြီး သဘောတူညီချက်များ အတိုင်း လိုက်နာ ဆောင်ရွက်နေမှု အခြေအနေများကို အပြန်အလှန်ဆွေးနွေးကြသည်။
-
အဆိုပါတွေ့ဆုံပွဲသို့ ဒုတိယ တပ်မတော်ကာကွယ်ရေးဦးစီးချုပ် ကာကွယ်ရေးဦးစီး ချုပ်(ကြည်း)နှင့်အတူ စစ်ဥပဒေချုပ် ဒုတိယဗိုလ်ချုပ်ကြီး အောင်လင်းဒွေးနှင့် ကာကွယ်ရေး ဦးစီးချုပ်ရုံး(ကြည်း)မှ တပ်မတော်အရာရှိကြီးများ တက်ရောက်ကြပြီး မြန်မာနိုင်ငံဆိုင်ရာ အမေရိကန်နိုင်ငံ သံအမတ်ကြီးနှင့်အတူ စစ်သံမှူး Col. Craig Tippins နှင့် တာဝန်ရှိသူတို့ တက်ရောက်ခဲ့ကြကြောင်း သတင်းရရှိသည်။
-
#မြ၀တီနေ့စဉ်သတင်းစာ
No comments:
Post a Comment