-
နေပြည်တော် ဇန်နဝါရီ ၂၃
-
ရခိုင်ပြည်နယ်၊ စစ်တွေမြို့နယ်၊ သိန်းတန်ကျေးရွာနှင့် ပတ်ဝန်းကျင်ကျေးရွာများရှိ သံဃာတော်များ၊ ကျောင်းသား၊ ကျောင်းသူများနှင့် ဒေသခံတိုင်းရင်းသား ပြည်သူများအား ယနေ့နံနက်ပိုင်းတွင် အနောက်ပိုင်းတိုင်း စစ်ဌာနချုပ်၊ နယ်လှည့်ဆေးကုသရေး အဖွဲ့က အဆိုပါကျေးရွာ ဘုန်းတော်ကြီးကျောင်း၌ ကျန်းမာရေးစောင့်ရှောက်မှု လုပ်ငန်းများ ဆောင်ရွက်ပေးသည်။
-
ထိုသို့ဆောင်ရွက်ပေးရာတွင် ဆေးကုသရေးအဖွဲ့က သံဃာတော် နှစ်ပါး၊ ကျောင်း သား၊ ကျောင်းသူများနှင့် ဒေသခံတိုင်းရင်းသားပြည်သူ ၁၁၁ ဦးတို့ကို အရိုး/အကြော ရောဂါ၊ ကလေးရောဂါ၊ သွားနှင့်ခံတွင်းရောဂါ၊ နား/နှာခေါင်း/လည်ချောင်းရောဂါ၊ အထွေထွေရောဂါတို့နှင့် ပတ်သက်၍ လိုအပ်သည့် ကျန်းမာရေးစစ်ဆေး ကုသပေးခြင်း၊ နှလုံးခုန် စစ်ဆေးခြင်းနှင့် သွေးဖောက်စစ်ဆေးခြင်းများ ဆောင်ရွက်ပေးသည်။
-
ထို့ပြင် အဆိုပါကျေးရွာရှိ အခြေခံပညာ မူလတန်းကျောင်း ပတ်ဝန်းကျင်နှင့် ကျောင်းသုံးအိမ်သာများတွင် ခြင် ဆေးဖျန်းခြင်းများ ဆောင်ရွက်ပေးခဲ့ကြောင်း သတင်းရရှိသည်။
-
(၁ဝဝ)
-
#မြ၀တီနေ့စဉ်သတင်းစာ
No comments:
Post a Comment