-
နေပြည်တော်၊ ဇန်န၀ါရီ - ၃၀
-
တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်သည် ထိုင်းဘုရင့် တပ်မတော်ကြည်းတပ်ဦးစီးချုပ် General Apirat Kongsompong အား ယနေ့ မွန်းလွဲပိုင်းတွင် နေပြည်တော်ရှိ ဇေယျာသီရိဗိမာန် ဧည့်ခန်းမဆောင်၌ လက်ခံတွေ့ဆုံ သည်။
-
အဆိုပါ တွေ့ဆုံပွဲသို့ တပ်မတော်ကာကွယ်ရေးဦးစီးချုပ် နှင့်အတူ ဒုတိယတပ်မတော် ကာကွယ်ရေးဦးစီးချုပ် ကာကွယ်ရေးဦးစီးချုပ်(ကြည်း) ဒုတိယဗိုလ်ချုပ်မှူးကြီး စိုးဝင်း၊ ညှိနှိုင်းကွပ်ကဲရေးမှူး (ကြည်း၊ရေ၊လေ) ဗိုလ်ချုပ်ကြီး မြထွန်းဦး၊ ကာကွယ်ရေးဦးစီးချုပ်ရုံးမှ တပ်မတော် အရာရှိကြီးများ တက်ရောက်ကြပြီး ထိုင်းဘုရင့်တပ်မတော် ကြည်းတပ်ဦးစီးချုပ် နှင့်အတူ ထိုင်းဘုရင့်တပ်မတော်မှစစ်တိုင်းမှူးများ၊ အရာရှိကြီးများ၊ ထိုင်းဘုရင့်တပ်မတော် ကြည်းတပ်စစ်သံမှူး Senior Colonel Apichart Choopavang တို့တက်ရောက်ကြသည်။
-
-
ထိုသို့တွေ့ဆုံရာတွင် တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်က မြန်မာ-ထိုင်း နှစ်နိုင်ငံသည် အာဆီယံအဖွဲ့ဝင် နိုင်ငံများ ဖြစ်သည်သာမက အိမ်နီးချင်း နိုင်ငံများ ဖြစ်ခြင်းကြောင့် ချစ်ကြည်ရင်းနှီးမှုများ ပိုမိုခိုင်မာမှုရှိရန် လိုအပ်ကြောင်းဦးစွာ ပြောကြားပြီး နှစ်နိုင်ငံနှင့် တပ်မတော် နှစ်ရပ်အကြား ခိုင်မြဲသော ဆက်ဆံရေး ရရှိထားသည့် အခြေအနေများ၊ ဆက်လက်၍ချစ်ကြည်ရင်းနှီးမှု ပိုမိုခိုင်မြဲအောင် ညီရင်းအစ်ကို စိတ်ဓာတ်ဖြင့် စိတ်တူကိုယ်တူ ဆောင်ရွက်သွားမည့် အခြေအနေများ၊ မြန်မာနိုင်ငံ၌ ငြိမ်းချမ်းရေး လုပ်ငန်းစဉ်များ ဆောင်ရွက်လျက်ရှိရာတွင် ၂၀၁၈ ခုနှစ် ဒီဇင်ဘာလ ၂၁ ရက်နေ့ တပ်မတော်၏ ထုတ်ပြန်ချက်ဖြင့် ငြိမ်းချမ်းရေး ဆွေးနွေးမှုများ ပြုလုပ်နိုင်ရန် လမ်းဖွင့်ဖိတ်ခေါ် ထားသည့် အခြေအနေများ၊ မူးယစ်ဆေးဝါးတားဆီးကာကွယ်နှိမ်နင်းရေးတွင် ပူးပေါင်း ဆောင်ရွက်နေမှု အခြေအနေများ၊ ယဉ်ကျေးမှုဆိုင်ရာများ ဖလှယ်ခြင်းနှင့် အားကစားနှင့် ဆေးဘက်ဆိုင်ရာများတွင် ပူးပေါင်းဆောင်ရွက်မည့် အခြေအနေများအားအပြန်အလှန် ဆွေးနွေးကြသည်။
-
တွေ့ဆုံပွဲ အပြီးတွင် တပ်မတော်ကာကွယ်ရေးဦးစီးချုပ်နှင့် ထိုင်းဘုရင့်တပ်မတော် ကြည်းတပ် ဦးစီးချုပ်တို့သည် အမှတ်တရ လက်ဆောင်ပစ္စည်းများ အပြန်အလှန် ပေးအပ်ကြပြီး အဖွဲ့ဝင် များနှင့်အတူစုပေါင်းဓာတ်ပုံ ရိုက်ခဲ့ကြကြောင်း သတင်းရရှိသည်။
-
#မြ၀တီနေ့စဉ်သတင်းစာ
No comments:
Post a Comment