မိုင်းရှူးမြို့နယ်၊ ဝမ်ကန်ရပ်ကွက်အတွင်း မူးယစ်ဆေးဝါးများ ဖမ်းဆီးရမိ

-

နေပြည်တော်  ဒီဇင်ဘာ ၂၇ 

-

ရှမ်းပြည်နယ်(တောင်ပိုင်း)၊ မိုင်းရှူးမြို့နယ် လွယ်ဆောင်ထောက်ဒေသ၊ ဝမ်ကန်ရပ်ကွက် အောင်မင်္ဂလာနယ်မြေနေ ဒေါ်မြစိန်(ဘ) ဦးအိုက်ကျောင်း၏ နေအိမ်အား  ဒီဇင်ဘာ ၂၆ ရက် ည ၇ နာရီခွဲခန့်တွင် ဌာနဆိုင်ရာ  တာဝန် ရှိသူများ ပါဝင်သော ပူးပေါင်းအဖွဲ့က သတင်းအရဝင်ရောက်ရှာဖွေရာ နေအိမ်အိပ်ခန်းအတွင်းမှ WY စာတန်းပါ စိတ်ကြွရူးသွပ်ဆေးပြား ၁ဝဝ ပြား(ခန့်မှန်းတန်ဖိုး ငွေကျပ်  တစ်သိန်း)နှင့်အတူဖမ်းဆီးရမိခဲ့သည်။ 

-

ဆက်လက်၍ ပူးပေါင်းအဖွဲ့သည် ည ၈ နာရီခန့်တွင် ဝမ်ကန်ရပ်ကွက်၊ အောင်ဘောဂ နယ်မြေနေ ဦးဝင်းမြင့်(ဘ) ဦးချစ်စိန်၏ နေအိမ်အား သတင်းအရ ဆက်လက်ရှာဖွေရာ နေအိမ်အရှေ့ဆိုင်ကယ်ဂိုဒေါင်အတွင်းမှ  WY စာတန်းပါ စိတ်ကြွရူးသွပ်ဆေးပြား ၁၄ဝ ပြားနှင့် R စာတန်းပါ ပန်းရောင်စိတ်ကြွရူးသွပ်ဆေးပြား ၂၆၅ ပြား(စုစုပေါင်း ခန့်မှန်းတန်ဖိုးငွေကျပ်  လေးသိန်းကျော်)နှင့်အတူထပ်မံတွေ့ရှိ ဖမ်းဆီးရမိခဲ့သည်။ 

-

အဆိုပါ မူးယစ်ဆေးဝါးများနှင့်အတူ ဖမ်းဆီးရမိသူများအား လွယ်ဆောင်ထောက်နယ်မြေ ရဲစခန်း၌ တရားဥပဒေအရ အမှုဖွင့်အရေးယူလျက်ရှိကြောင်း သတင်းရရှိသည်။  

-

(၁ဝဝ)

-

#မြ၀တီနေ့စဉ်သတင်းစာ