-
တောင်သာ ဒီဇင်ဘာ ၂၅
-
မန္တလေးတိုင်းဒေသကြီး တောင်သာမြို့နယ် ကျေးလက်ဒေသ ဖွံ့ဖြိုးတိုးတက်ရေး ဦးစီးဌာန အစည်းအဝေးခန်းမ၌ ယမန်နေ့က မြစိမ်းရောင် ကျေးရွာစီမံကိန်းနှင့် ကျေးရွာဖွံ့ဖြိုးရေး စီမံကိန်း ရန်ပုံငွေလွှဲပြောင်း ပေးအပ်ပွဲကျင်းပသည်။
-
ရန်ပုံငွေလွှဲပြောင်း ပေးအပ်ပွဲတွင် တိုင်းဒေသကြီး လွှတ်တော်ကိုယ်စားလှယ်က အမှာစကား ပြောကြားပြီး ၂ဝ၁၈-၂ဝ၁၉ ဘဏ္ဍာနှစ် တောင်သာမြို့နယ်၌ အကောင်အထည်ဖော် ဆောင်ရွက်မည့် မြစိမ်းရောင်ကျေးရွာ စီမံကိန်း ကျေးရွာငါးရွာမှ ကော်မတီဝင်များအား တစ်ရွာလျှင် ငွေကျပ်သိန်း ၃ဝဝ စီကို လည်းကောင်း၊ ကျေးရွာဖွံ့ဖြိုးရေး စီမံကိန်းကျေးရွာ ခုနစ်ရွာမှ ကော်မတီဝင်များအား တစ်ရွာလျှင်ငွေကျပ်သိန်း ၁ဝဝ စီကိုလည်းကောင်း တာဝန်ရှိသူတို့က လွှဲပြောင်း ပေးအပ်သည်။
-
အဆိုပါ ပေးအပ်ပွဲသို့ တိုင်းဒေသကြီး လွှတ်တော်ကိုယ်စားလှယ်၊ မြို့နယ် ကျေးလက်ဒေသ ဖွံ့ဖြိုးတိုးတက်ရေး ဦးစီးဌာန ဦးစီးမှူးနှင့် ဝန်ထမ်းများ၊ စီမံကိန်းဆောင်ရွက်မည့် ကျေးရွာများမှ ကော်မတီဝင်များတက်ရောက်ကြကြောင်းသိရသည်။
-
မင်းမြင့်မိုရ်
-
#မြ၀တီနေ့စဉ်သတင်းစာ
No comments:
Post a Comment