လေယာဉ်မောင်းသင်တန်းအမှတ်စဉ်(၇၉)နှင့် (၈ဝ)တို့၏ကျောင်းဆင်းတောင်ပံအပ်နှင်းပွဲမှ သင်တန်းနည်းပြများ ကျောင်းဆင်းလေသူရဲအရာရှိ(အမျိုးသားနှင့်အမျိုးသမီး) ဆုရရှိသူများနှင့် မိဘများ၏ရင်တွင်းစကားသံများ

နေပြည်တော် အောက်တိုဘာ ၃ဝ

-

တပ်မတော်(လေ)၏ လေယာဉ်မောင်းသင်တန်းအမှတ်စဉ်(၇၉)နှင့် တပ်မတော်လေ၏ ပထမဦးဆုံးသောအမျိုးသမီးလေယာဉ်မောင်းသင်တန်းဖြစ်သည့် လေယာဉ်မောင်းသင်တန်းအမှတ်စဉ်(၈ဝ) ကျောင်းဆင်းတောင်ပံ အပ်နှင်းပွဲအခမ်းအနားကို အောက်တိုဘာ ၃ဝ ရက် နံနက်ပိုင်းတွင် မိတ္ထီလာမြို့ရှိ လေတပ်စခန်းဌာနချုပ်၌ ကျင်းပသည်။ အဆိုပါလေယာဉ်မောင်းသင်တန်းမှ သင်တန်းမှူး၊ သင်တန်းနည်းပြနှင့် ကျောင်းဆင်းပွဲတွင်

စံပြဆု၊ စာပေဆုနှင့် လေယာဉ်မောင်းထူးချွန်ဆုရ လေသူရဲအရာရှိအမျိုးသားများ၊ လေသူရဲအရာရှိအမျိုးသမီးများနှင့် မိဘများ၏ရင်တွင်းစကားသံများကို ဖော်ပြလိုက်ရပါသည်-

-

ဗိုလ်မှူး ဇော်မြင်ထွန်း (အခြေခံလေယာဉ်မောင်းသင်တန်း သင်တန်းမှူး)

-

စာပေဘာသာရပ်အနေနဲ့ ပထမဦးစွာ အခြေခံလေယာဉ်သားလောင်းသင်တန်းကို သင်တန်းကာလလေးပတ်ပို့ချပြီး သင်ကြားခဲ့တဲ့ ဘာသာရပ်တွေအနေနဲ့ လေသူရဲတစ်ဦး မဖြစ် မနေသိထားရမယ့်   Airmanship ၊ Principles of  Flight Instruments ၊ Air Traffic Control စတဲ့ဘာသာရပ်တွေအပြင် အင်္ဂလိပ်စာ

နဲ့ ကွန်ပျူတာအပါ ဘာသာရပ် ၁၁ ခုထိ သင်ကြားပေးခဲ့ပါတယ်။ အဲ့ဒီနောက် အခြေခံ လေယာဉ်မောင်းသင်တန်းကို သင်တန်းကာလ ၃၃ ပတ်ကြာပို့ချခဲ့ပြီး Air Frame & Electric နှင့်  Rescue Survival ဘာသာရပ်တွေ ထပ်တိုးသင်ကြားပေးခဲ့တယ်။ အကြိုတန်းမြင့် လေယာဉ်မောင်းသင်တန်းမှာတော့ သင်တန်း

ကာလ ၁၆ ပတ်နဲ့ ဘာသာရပ်ကို ထပ်တိုး သင်ကြားပေးခဲ့ပါတယ်။ နောက်ဆုံးတန်းမြင့် လေယာဉ်မောင်းသင်တန်းကိုတော့ သင်တန်းကာလ ၁၃ ပတ်ဖွင့်လှစ်သင်ကြားပေးခဲ့ပြီး မြို့ပြလိုင်စင်လျှောက်ထားဖြေဆိုနိုင်တဲ့အဆင့် ရရှိစေဖို့ရည်ရွယ်ပြီး  Air Law၊ Flight Planning ၊ Performance ESifh Mass &

Balance ဘာသာရပ်တွေ ထပ်တိုးပို့ချပေး နိုင်ခဲ့ပါတယ်။

-

သင်တန်းသူတွေကိုသင်ကြားတဲ့နေရာမှာလည်း သင်တန်းသားတွေနဲ့ တန်းတူထားပြီး အပြည့်အဝသင်ကြားလေ့ကျင့်ပေးခဲ့ပါတယ်။ ဘာကြောင့်လဲဆိုတော့ ပျံသန်းရေးဆိုတာ တစ်ချက်မှားရင် အသက်ပါပေးဆပ်ရမယ့် အလုပ်ဖြစ်တဲ့အတွက်ကြောင့် စာပေ၊ ပျံသန်းရေး၊ ကိုယ်ခန္ဓာကြံ့ခိုင်မှု၊ စိတ်ဓာတ်၊ စည်းကမ်း

ဘာမှမလျှော့ဘဲ အပြည့်အဝသင်ကြား လေ့ကျင့်ပေးခဲ့ပါတယ်။

-

လေသူရဲတစ်ယောက်အတွက် သင်ယူ လေ့လာမှုဆိုတာ ပြီးဆုံးတယ်လို့မရှိပါဘူး။ ဒါကြောင့် အမြဲသင်ယူလေ့လာပြီး လေ့ကျင့် သွားဖို့လိုအပ်သလို မြေပြင်၊ ဝေဟင်စည်းကမ်းတွေကိုလည်း စနစ်တကျလိုက်နာဖို့လိုအပ်ပါတယ်။ နည်းပြဆရာတစ်ဦးအနေနဲ့ နိုင်ငံတော်နဲ့ တပ်မတော်အတွက် အားထားရတဲ့

လေသူရဲကောင်းတွေဖြစ်လာအောင် ကြိုးစားကြဖို့ပြောကြားလိုပါတယ်။

-

ဗိုလ်မှူးကျော်သူ (လေယာဉ်/ရဟတ်ယာဉ်အုပ်ဖွဲ့များကိုယ်စား)

-

ဒီနေ့အခမ်းအနားမှာံ ၁၂ဝ ရဟတ်ယာဉ်အုပ်ဖွဲ့မှာ ပါဝင်ပျံသန်းဆောင်ရွက်ခဲ့ပါတယ်။ ပျံသန်းခဲ့တဲ့ လေယာဉ်/ရဟတ်ယာဉ်တွေဟာဆိုရင် အခုသင်တန်းဆင်းအရာရှိတွေ လေ ယာဉ်မောင်းသင်တန်းကာလတစ်လျှောက်လုံးမှာ လေ့ကျင့်ပျံသန်းခဲ့ကြရတဲ့ လေယာဉ်/ရဟတ်ယာဉ်တွေပဲဖြစ်ပါတယ်။ ထို့အတူပင်

ပျံသန်းပေးကြတဲ့ လေသူရဲတွေဟာဆိုရင်လည်း သင်တန်းသားတွေကို လေ့ကျင့်သင်ကြားပေးခဲ့ကြတဲ့ လေယာဉ်မောင်းနည်းပြဆရာတွေပဲဖြစ် ပါတယ်။

-

အခုလို လေသူရဲတစ်ဦးဖြစ်လာအောင် ကျွန်တော်တို့နည်းပြဆရာတွေက ပျံသန်းရေး အသိပညာ၊ အတတ်ပညာတွေကို သင်ကြား ပေးခဲ့ကြပါတယ်။ ဒီနေ့မှာလည်း ကျွန်တော်တို့ အနေနဲ့ လက်ဆင့်ကမ်းအမွေအဖြစ် ပျံသန်းရေးအသိပညာ၊ အတတ်ပညာကို မျိုးဆက်သစ်ညီငယ်၊ ညီမငယ်တွေကို ပြန်လည်မျှဝေပေးနိုင်တဲ့အတွက် အထူး

ဝမ်းမြောက်မိပါတယ်။ ဒီနှစ်ကျောင်းဆင်း တောင်ပံအပ်နှင်းပွဲ မှာ အမျိုးသမီးလေသူရဲတွေနဲ့ပတ်သက်ပြီး ကျွန်တော်တို့တပ်မတော်(လေ)ရဲ့ သမိုင်း စာမျက်နှာသစ်ဖွင့်လှစ်နိုင်တဲ့ နေ့တစ်နေ့ဖြစ် တာကြောင့် အထူးပဲဝမ်းသာဂုဏ်ယူမိပါတယ်။

-

နိုင်ငံတကာလေတပ်တွေမှာ အမျိုးသမီးတွေကို နိုင်ငံတော်ကာကွယ်ရေးအပိုင်းတွေမှာပါ ခန့်အပ်တာဝန်ပေးအပ်လာကြတာကိုတွေ့မြင် ရပြီး အခုဆိုရင် ကျွန်တော်တို့ တပ်မတော် (လေ)အနေနဲ့ ပထမဆုံးအမျိုးသမီးလေသူရဲ တွေကို အောင်မြင်စွာသင်ကြားလေ့ကျင့် ပေးနိုင်ခဲ့ခြင်းဟာ အရမ်းဂုဏ်ယူဖို့ကောင်း

တဲ့အချက်ဖြစ်ပါတယ်။ ဒီလေ့ကျင့်သင်ကြား အောင်မြင်ခဲ့ကြတဲ့ အမျိုးသမီးလေသူရဲ တွေကိုလည်း ကြိုဆိုပါတယ်လို့ပြောချင်ပါတယ်။

-

ဗိုလ်ကျော်ဇောဝင်း(စံပြလေသူရဲဆု)

-

ကျွန်တော်ရရှိခဲ့တဲ့ဆုကတော့ စံပြလေ သူရဲဆုဖြစ်ပါတယ်။ ဒီဆုကိုရရှိအောင် စာပေသင်ကြားမှုအပိုင်းမှာရော ပျံသန်းရေးအပိုင်းမှာပါ ဆရာတွေရဲ့သင်ကြားပြသမှုမှန်သမျှကို စိတ်ဝင်တစား သေချာလိုက်နာမှတ်သားရင်း သင်တန်းကာလတစ်လျှောက် မှန်မှန်လေ့လာပြီး ကြိုးစားခဲ့ရပါတယ်။ စံပြတပ်မတော်သား

တစ်ဦးဖြစ်ဖို့ အထက်ကပေးအပ်တဲ့အမိန့်ကို တိကျစွာလိုက်နာပြီး တာဝန်ကိုပြီးမြောက်အောင်မြင်တဲ့အထိ ကျေပွန်စွာထမ်းဆောင် သွားမှာဖြစ်ပါတယ်။

-

ဗိုလ်သန်းမျိုးမင်း (လေယာဉ်မောင်း ထူးချွန်ဆု) 

-

ကျွန်တော်ကတော့ ဗိုလ်သန်းမျိုးမင်း ဖြစ်ပါတယ်။ သင်တန်းမှာ လေယာဉ်မောင်း ထူးချွန်ဆုရရှိခဲ့ပါတယ်။ အနာဂတ်မှာ ကျွန်တော်တတ်ထားတဲ့ ပညာနဲ့  နိုင်ငံတော်ရဲ့အချုပ်အခြာဝေဟင်ပိုင်နက်ကို တစ်ထောင့်တစ်နေရာကနေ ကာကွယ်ရင်း  အလုပ်အကျွေးပြုသွားမှာဖြစ်ပါတယ်။

-

ဗိုလ်ဇွဲမာန်သစ် (စာပေထူးချွန်ဆု)

-

ဒီနေ့သင်တန်းမှာ စာပေထူးချွန်ဆု ရရှိခဲ့ပါတယ်။ အခြေခံလေယာဉ်သားလောင်း သင်တန်းကစလို့ သင်တန်းကာလ တစ်လျှောက်လုံးမှာ လေကြောင်း ပညာရပ်ဆိုင်ရာ သီအိုရီတွေ၊ နည်းစနစ်တွေနဲ့ လုပ်ငန်းစဉ်တွေကို မသိတာမရှိရဘူး ဆိုတဲ့စိတ်နဲ့  အပတ်တကုတ် လေ့လာဆည်းပူးသင်ယူခဲ့ပါတယ်။ ဒါ့အပြင် နည်းပြ ဆရာတွေရဲ့ အနီးကပ် သင်ကြားပြသမှုတွေကို စူးစမ်းလေ့လာလိုစိတ်နဲ့ ကြိုးစားသင်ယူခဲ့လို့ အခုလို ဆုရရှိခဲ့တာဖြစ်ပါတယ်။

-

ဗိုလ်ဒေါ်ကေသီအောင်(စံပြလေသူရဲဆုနှင့် စာပေထူးချွန်ဆု)

-

အခုလိုပထမဦးဆုံး ဖွင့်လှစ်တဲ့ အမျိုးသမီး လေသူရဲသင်တန်းမှာ   တက်ရောက်ခွင့်ရပြီး စံပြလေသူရဲဆုနဲ့  စာပေထူးချွန်ဆုနှစ်ခုကို ရရှိခဲ့တဲ့အတွက် အတိုင်းမသိ ဝမ်းသာဂုဏ်ယူ မိပါတယ်။ ဆုရရှိအောင် အဘက်ဘက်က သင်ကြားပေးခဲ့တဲ့ သင်ဆရာ၊ မြင်ဆရာ၊ ကြားဆရာများ အားလုံးကိုလည်း အထူးကျေးဇူးတင် ရှိကြောင်း ပြောကြားလိုပါတယ်။

-

သင်တန်းကာလ တစ်လျှောက်  ပျံသန်းရေးဆိုင်ရာ အခြေခံသဘောတရားတွေ၊ လေကြောင်းဆိုင်ရာ ပညာရပ်တွေ စတဲ့ပျံသန်းရေးနဲ့ ပတ်သက်တဲ့ စာပေပညာရပ်များစွာကို လေ့လာဆည်းပူးခွင့်ရရှိပြီး  ပျံသန်းရေးပိုင်းမှာဆိုရင်လည်း လေယာဉ်တစ်စင်းကို အန္တရာယ်ကင်းရှင်းစွာ  ဘယ်လိုထိန်းချုပ် ပျံသန်းရမယ်ဆိုတဲ့ အခြေခံသဘောတရားတွေကို လက်တွေ့နဲ့ယှဉ်ပြီး  လိုက်နာလေ့ကျင့် ပျံသန်းခဲ့ပါတယ်။ ဒီလိုသင်ကြားလေ့ကျင့်ပြီး ရရှိခဲ့တဲ့အခြေခံကောင်းတွေကို လက်တွေ့နယ်ပယ်မှာ ဆက်လက် အသုံးချသွားမှာဖြစ်ပြီး ပျံသန်းရေးနဲ့ ဆိုင်တဲ့ပညာရပ်တွေကိုလည်း စဉ်ဆက်မပြတ် လေ့လာသင်ယူ သွားပါမယ်လို့ ပြောချင်ပါတယ်။

-

အမျိုးသမီးလေသူရဲ တစ်ဦးအနေနဲ့ မြန်မာ့ဝေဟင်ပိုင်နက်ကို ကာကွယ်စောင့်ရှောက်ဖို့ အတွက် အထက်ကပေးအပ်တဲ့ တာဝန်တွေကို အမျိုးသားတွေနည်းတူ  ကျရာအခန်းကဏ္ဍကနေ စွန့်လွှတ်စွန့်စားတဲ့ စိတ်ဓာတ်နဲ့ အောင်မြင်ပြီးမြောက်အောင် ဆောင်ရွက်သွားမယ်လို့ ခံယူထားပါတယ်။

-

ဗိုလ်ဒေါ်တိုးတိုးအေး (လေယာဉ်မောင်းထူးချွန်ဆု) 

-

တပ်မတော်(လေ)ရဲ့ အဓိကတာဝန်ဖြစ်တဲ့ ပျံသန်းရေးတာဝန်ကို အမျိုးသား လေသူရဲတွေ နည်းတူ တစ်ဖက်တစ်လမ်းမှ တာဝန်ယူ ထမ်းဆောင်လိုတာကြောင့် အမျိုးသမီးတစ်ဦးဖြစ်ပေမယ့်  လေယာဉ်မောင်း သင်တန်း တက်ရောက်ဖြစ်ခဲ့တာဖြစ်ပါတယ်။

-

သင်တန်းတစ်လျှောက်လုံးမှာ  စိတ်ပိုင်းဆိုင်ရာနဲ့ ရုပ်ပိုင်းဆိုင်ရာ ကျန်းမာကြံ့ခိုင်မှသာ စိတ်ဓာတ်အင်အားကောင်းပြီး  အရေးပေါ် အခြေအနေတွေမှာ  ဆုံးဖြတ်ချက် မှန်ကန် မြန်ဆန်စွာချမှတ်ပြီး ပျံသန်းနိုင်မှာဖြစ်ပါတယ်။ ဒါကြောင့် ကျန်းမာကြံ့ခိုင်အောင် နေထိုင်ကျင့်ကြံပြီး ပျံသန်းရေး အတွေ့အကြုံ၊ ဗဟုသုတတွေကို လေ့လာသင်ယူခဲ့ပါတယ်။

-

လေသူရဲဆိုတာ   လုပ်ငန်းသဘောအရ တန်ဖိုးကြီးမားတဲ့ လေယာဉ်၊ ရဟတ်ယာဉ်တွေကို ကိုင်တွယ်ထိန်းချုပ် မောင်းနှင်ပြီး ပေးအပ်တဲ့ပျံသန်းရေး တာဝန်တွေကို ထမ်းဆောင်ရမှာဖြစ်တဲ့အတွက် တပ်မတော်(လေ)ရဲ့ ပထမဦးဆုံး အမျိုးသမီး လေသူရဲတစ်ဦး ဖြစ်ခွင့်ရတဲ့အတွက်လည်း အလွန်ပဲ ဂုဏ်ယူမိပါတယ်။

-

အခုလို လေယာဉ်မောင်းထူးချွန်ဆုကို ရရှိခဲ့တဲ့အတွက် အလွန်ပဲဝမ်းသာ ဂုဏ်ယူမိပြီး သင်တန်းကာလ တစ်လျှောက်လုံးမှာ သင်ကြားပြသပေးကြတဲ့ သင်ဆရာ၊ မြင်ဆရာ၊ ကြားဆရာများနဲ့ ရဲဘော်ရဲဘက်အားလုံးကို အထူးပဲကျေးဇူး တင်ပါတယ်။

-

ခွဲတပ်ကြပ်ကြီးအုန်းသန်း (လေယာဉ်မောင်း ထူးချွန်ဆုရ ဗ်ိ်ုလ်သန်းမျိုးမင်း၏ မိဘ) 

-

အခုလို သားက ထူးထူးချွန်ချွန်နဲ့ လေယာဉ်မောင်းထူးချွန်ဆုကို ရရှိအောင် ကြိုးစားခဲ့တဲ့ အနေအထားမျိုးတွေ့ရတော့ ကျွန်တော်တို့ မိဘနှစ်ပါးစလုံးရင်ထဲကနေ လှိုက်လှိုက်လှဲလှဲ ဂုဏ်ယူဝမ်းမြောက်ပြီး ပြောမပြတတ်အောင် ဝမ်းသာပီတိဖြစ်ရပါတယ်။ ကျွန်တော်ကိုယ်တိုင်ကလည်း တပ်မတော်သား တစ်ယောက်ဖြစ်နေတာကြောင့် သူ့ကို ကျွန်တော်တို့မိဘတွေအနေနဲ့ အနာဂတ်တာဝန်တွေကို ပခုံးပြောင်း ထမ်းဆောင်ချင်တဲ့စိတ် မွေးမြူလာနိုင်အောင် အကြံပေးသွန်သင် ဆုံးမပေးနိုင်ခဲ့ပါတယ်။ ဒါကြောင့် ငယ်ငယ်လေးကတည်းက ပြုစုပျိုးထောင်ပေးနိုင်ခဲ့လို့ အခုလို တပ်မတော်(လေ)မှာ လေသူရဲအရာရှိကောင်း တစ်ယောက် ဖြစ်လာခဲ့လို့ ပိုပြီးဂုဏ်ယူမိပါတယ်။

-

ဦးအောင်မောင်းကြည် (စံပြလေသူရဲဆုနှင့် စာပေထူးချွန်ဆုရ ဗိုလ်ဒေါ်ကေသီအောင်၏ မိဘ) 

-

ကျွန်တော်တို့ သမီးလေးက အခုလို မြန်မာနိုင်ငံမှာ ပထမဦးဆုံး ဖွင့်လှစ်တဲ့  အမျိုးသမီး လေသူရဲသင်တန်းမှာ  တက်ရောက်ခွင့်ရပြီး စံပြလေသူရဲဆုနှင့် စာပေထူးချွန်ဆု နှစ်ခုကိုရရှိခဲ့တဲ့အတွက် ကျွန်တော်တို့ မိဘနှစ်ယောက် စလုံးက အတိုင်းမသိ ဝမ်းသာဂုဏ်ယူရပါတယ်။ ဒီလိုဆုတွေရရှိအောင် သင်ကြားပေးခဲ့တဲ့ သူတို့ရဲ့ ဆရာတွေအားလုံးကိုလည်း အထူးကျေးဇူးတင်ပါတယ်။  ဒါ့အပြင်  အခုလို အနာဂတ် မျိုးဆက်သစ်တွေဖြစ်တဲ့ အမျိုးသမီး လေသူရဲကောင်းတွေကို မွေးထုတ်ပေးခဲ့တဲ့အတွက် တပ်မတော်အကြီးအကဲတွေကိုလည်း အထူးကျေးဇူးတင်ပါတယ်လို့ ပြောချင်ပါတယ်။   ။

-

#မြ၀တီနေ့စဉ်သတင်းစာ