ရေကြီးရေလျှံမှုဖြစ်ပွားခဲ့သည့် အီနိုင်းကျေးရွာနှင့် တာကျိုင်းကျေးရွာတို့၌ နယ်မြေခံတပ်မတော်သားများက ကူညီကယ်ဆယ်ရေး လုပ်ငန်းများ ဆောင်ရွက်

နေပြည်တော် ၅-၉-၂ဝ၁၈

ရှမ်းပြည်နယ်(မြောက်ပိုင်း)၊ လားရှိုးမြို့နယ်အတွင်း စက်တင်ဘာ ၃ ရက် နံနက် ၁၀နာရီခွဲခန့်တွင် မိုးသည်း ထန်စွာရွာသွန်းမှု ကြောင့် နမ့်ယော်ချောင်းမှ ရေများလျှံတက်လာခဲ့ပြီး လားရှိုး-နမ္မတူသွားကားလမ်းပေါ်ရှိ အီနိုင်းကျေးရွာနှင့် တာကျိုင်းကျေးရွာရှိ ကားလမ်းမအနိမ့်ပိုင်း နေရာတွင် ရေပြင် အကျယ် ပေ ၁၅၀၊ အနက် ၃ ပေ ၆ လက်မခန့်မြင့်တက်၍ ရေကြီးရေလျှံမှုများ ဖြစ်ပွားခဲ့သည်။ 

ထိုသို့ ရေကြီးရေလျှံမှုများကြောင့် အီနိုင်းကျေးရွာတွင် အိမ်ခြေ ၂၁၉ လုံးရှိသည့်အနက်အိမ်ခြေ ၂၈ လုံး ရေနစ်မြုပ်မှုဖြစ်ပွားခဲ့ပြီး အိမ်ထောင်စု ၂၈ စု၊ လူဦးရေ ၁၂၄ ဦးအားအီနိုင်း ဘုန်းတော်ကြီးကျောင်းသို့ ပြောင်းရွှေ့ နေရာချထားပေးလျက်ရှိပြီး တာကျိုင်းကျေးရွာတွင် နေအိမ် ၇၉ လုံးရှိသည့်အနက် အိမ် ခြေ ၁၅ လုံးမှာ ခြံဝင်း အတွင်းသို့ ရေအနက် ၁ ပေခန့်ဝင်ရောက်လျက် ရှိသည်။ 

အဆိုပါ ရေကြီးရေလျှံမှုဖြစ်ပွားသည့် အီနိုင်းကျေးရွာသို့ လားရှိုးတပ်နယ်မှ နယ် မြေခံတပ်မတော်သားများနှင့် မြန်မာနိုင်ငံ မီးသတ်တပ်ဖွဲ့ဝင်များက အသက်ကယ်ဖိုက်ဘာလှေများ၊ မီးသတ်ယာဉ်များဖြင့် ရေဘေးသင့်ပြည်သူများ ဘေးအန္တရာယ် ကင်းအောင်သွားလာနိုင်ရေးနှင့် ကယ်ဆယ်ရေးလုပ်ငန်းများ ဆောင်ရွက်ပေးခဲ့ ကြောင်း သတင်းရရှိသည်။ 

# မြဝတီနေ့စဉ်သတင်းစာ