မန္တလေး ၁၄-၅-၂ဝ၁၈
အသေးစား စက်မှုလက်မှု (SME) လုပ်ငန်းလုပ်ကိုင် နေသူများတွင် အခက်အခဲ အမျိုးမျိုးကြောင့် လုပ်ငန်းလည်ပတ်မှုများ တဖြည်းဖြည်း ကျဆင်းလာပြီး ချေးငွေမရရှိပါက ပြိုလဲသွားနိုင်ကြောင်း မန္တလေး စက်မှုဇုန်(၂)ရှိ အသေးစားစက်မှု လုပ်ငန်းရှင်ကိုဝင်းထွန်းက ပြောပြ၍ သိရသည်။
မန္တလေးစိန်ပန်းရပ်မှ အသေးစား စက်မှုလက်မှု လုပ်ငန်းများမှာ ၁၉၉၉ ခုနှစ်ခန့်တွင် စက်မှုဇုန် (၂) သို့ ပြောင်းရွှေ လုပ်ကိုင်ခဲ့ကြောင်း၊ ၂ဝဝ၆ခုနှစ်ခန့်ထိ လုပ်ငန်းများ ကောင်းမွန်လျက်ရှိပြီး ၂ဝ၁ဝ ပြည့်နှစ်နောက်ပိုင်းတွင် လုပ်ငန်းလည်ပတ်မှုများ တဖြည်းဖြည်း ကျဆင်းလာကြောင်း၊ လက်ရှိအခြေအနေတွင် ချေးငွေရရှိမည်ဆိုပါက လုပ်ငန်းအခက်အခဲ အချို့ကိုဖြေရှင်းနိုင်မည် ဖြစ်ကြောင်း သိရသည်။
"လုပ်ငန်းက အရင်နဲ့စာရင်ကျလာတော့ အလုပ်သမားခရှင်းဖို့နဲ့ မိသားစုရပ်တည်ဖို့ အခြေအနေ ခက်ခဲနေကြတယ်။ မိရိုးဖလာ လုပ်ငန်းပဲလုပ်ကိုင်တတ်တော့ လက်ငုတ်လက်ရင်းကို ပြုတ်မသွားအောင် မဖြစ်မနေ လုပ်နေရတဲ့ အနေအထားပဲရှိတာ။ တရုတ်နိုင်ငံက ဝင်လာတဲ့ စက်ပစ္စည်းတွေအပေါ် ဈေးကွက်ယှဉ်ပြိုင်နိုင်မှု အားနည်းနေတယ်။ အဓိက က အရင်းအနှီးပဲ။ စိန်ပန်းက ပြောင်းလာတဲ့လုပ်ငန်းရှင်ပေါင်း ၈ဝဝ ကျော်ရှိပါတယ်။အခု လုပ်ငန်းတွေကို လက်ချိုး ရေတွက်လို့ရတယ်။ SME လုပ်ငန်းတွေကို ချေးငွေစိစစ်ရေး ကော်မတီဖွဲ့ပြီး ရသင့်ရထိုက်တဲ့ သူတွေကို ချေးပေးနိုင်မယ်ဆိုရင် အတိုင်းအတာတစ်ခုထိ ပြန်တက်လာနိုင် ဖွယ်ရှိပါတယ်"ဟု ၎င်းက ပြောပြသည်။
နိုင်ငံခြားမှ တိုက်ရိုက်ရင်းနှီး မြှုပ်နှံမှုများကိုဆွဲဆောင်၍ မန္တလေးစက်မှုဇုန်ကို နိုင်ငံတကာအဆင့်မီ အဆင့်မြှင့်တင်နိုင်ရန် ပြည်တွင်း၊ ပြည်ပမှ အတတ်ပညာရှင်များနှင့် ပူးပေါင်းကာ လူ့စွမ်းအားအရင်းအမြစ်များ လေ့ကျင့်ပျိုးထောင်၍အရည်အသွေး မြှင့်တင်မှုလုပ်ငန်းများနှင့် စက်မှုဇုန်ဖွံ့ဖြိုး တိုးတက်ရေး အတွက်လိုအပ်သည်မှာ ချေးငွေရရှိမှု အပေါ်မူတည်ကြောင်း သိရသည်။
#Themyawadydaily
No comments:
Post a Comment