ရန်ကုန်မြို့ရှိ ဝန်ထမ်းအိမ်ရာ(ဝန်ထ မ်းအငှားအိမ်ရာ)ကို တွေ့ရစဉ်။
နေပြည်တော် ၁၆-၅-၂ဝ၁၈
နိုင်ငံတော်အစိုးရ ဝန်ထမ်းများ အငြိမ်းစားယူပြီးပါက ကိုယ်ပိုင်အိမ်ခန်း၊ တိုက်ခန်းများဖြင့် နေထိုင်နိုင်စေရန် အတွက် နိုင်ငံတော်အစိုးရက အခန်းတစ်သောင်းခန့် တည်ဆောက်ပေးရန် စီစဉ်နေကြောင်း ဆောက်လုပ်ရေး ဝန်ကြီး ဌာနမြို့ပြနှင့် အိမ်ရာဖွံ့ဖြိုးရေးဦးစီးဌာနမှ သိရသည်။
လက်ရှိအစိုးရဝန်ထမ်းများ အနေဖြင့် အငြိမ်းစားယူပြီးပါက နေစရာအိမ်၊ အခန်းမရှိ၍ အခက်အခဲများ ကြုံနေကြရသည့် ဝန်ထမ်းများ ရှိနေသည်ဖြစ်ရာ နိုင်ငံတော်အစိုးရ အနေဖြင့် ဝန်ထမ်းများအတွက် အငြိမ်းစားယူပြီးပါက ကိုယ်ပိုင်နေအိမ်၊ ကိုယ်ပိုင်တိုက်ခန်း တို့ဖြင့် သိက္ခာရှိရှိ နေထိုင်သွား နိုင်ရန်အတွက် အခန်းတစ်သောင်းခန့် တည်ဆောက်ပေးရန် ဆွေးနွေးမှုများပြုလုပ်ကာ စီစဉ်လျက်ရှိသည်။
အဆိုပါ အငြိမ်းစားဝန်ထမ်းများ အတွက်ရည်ရွယ်ထားသည့် အခန်းတစ်သောင်းခန့်ကို ရန်ကုန်၊ မန္တလေးနှင့် နေပြည်တော်တို့တွင် အဓိကတည်ဆောက် သွားမည်ဖြစ်ပြီး ယခုအစိုးရ လက်ထက်တွင် အငှားအခန်း တစ်သောင်း၊ အရောင်းအခန်း တစ်သောင်းတို့ကိုလည်း တည်ဆောက်ရန် ရည်ရွယ်ထားကြောင်း၊ သို့သော်လည်း အမှန်တကယ် တည်ဆောက်ပါက အခန်းတစ်သောင်း ထက်လည်းပိုများ နိုင်သကဲ့သို့ လျော့နည်း မှုများလည်းရှိလာ နိုင်သည်ဟု မြို့ပြနှင့် အိမ်ရာဖွံ့ဖြိုးရေး ဦးစီးဌာန ဒုတိယညွှန်ကြားရေးမှူး ဦးဝင်းနိုင်က ပြောပြသည်။
"အစိုးရအနေနဲ့ အိမ်ရာစီမံကိန်းတွေကို ဆောက်လုပ်ဖို့ အကောင်အထည်ဖော်တဲ့ နေရာမှာ ဆောက်လုပ်ရေးပိုင်းက တစ်နှစ်ကျော်လောက်ပဲ ကြာပေမယ့် မြေနေရာရရှိဖို့ အတွက်ကတော့ ခုချိန်ထိခက်ခဲမှု တွေရှိနေပါ သေးတယ်။ ဒါကြောင့် မြေနေရာရရှိမှုနဲ့ ဘတ်ဂျက်ရရှိမှု ပေါ်မူတည်ပြီး အဆင်ပြေရင် ပြေသလို စီမံကိန်းတွေကို အမြန်ဆုံး အကောင်အထည် ဖော်သွားနိုင်မှာပါ။ ခုချိန်မှာတော့ ဆွေးနွေးမှုတွေလုပ်နေတုန်းပါ"ဟု ၎င်းကဆက်လက်၍ ပြောပြ
သည်။
ယခုအစိုးရ လက်ထက်တွင် ပြီးခဲ့သည့် နှစ်နှစ်တာကာလအတွင်း ဝန်ထမ်းများ အတွက်ရည်ရွယ်၍ တိုင်းဒေသကြီးနှင့် ပြည်နယ် အသီးသီးတွင် ဝန်ထမ်းအိမ်ရာ ၄၆၂၇ခန်း တည်ဆောက် ပေးနိုင်ခဲ့ပြီး ကျန်ရှိသည့် သက်တမ်း သုံးနှစ်အတွင်းတွင်လည်း ဝန်ထမ်းအငှားအိမ်ရာ အခန်း ၇ဝဝဝ ကျော်ကို တည်ဆောက်ပေးသွားရန် အစီအစဉ် ရှိကြောင်း သိရသည်။
"အခုလက်ရှိ သမ္မတသစ်ရဲ့ နှစ်သစ်ကူး မိန့်ခွန်းမှာလဲ ဒီအငြိမ်းစားယူမယ့် ဝန်ထမ်းတွေအတွက် ကိုယ်ပိုင်နေအိမ်၊ ကိုယ်ပိုင်တိုက်ခန်းတွေနဲ့ နေနိုင်အောင် ဦးစားပေးဆောင် ရွက်သွားမယ်လို့လဲ ပြောထားပါတယ်" ဟု
ဒုတိယညွှန်ကြားရေးမှူး ဦးဝင်းနိုင်က ပြောပြ၍ သိရသည်။
#Themyawadydaily
No comments:
Post a Comment