တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင် မြန်မာ့သားကောင်း စစ်မှုထမ်းဟောင်း အိမ်ရာ (လေးထောင့်ကန်) ဆောက်လုပ်နေမှု အခြေအနေများကို ကြည့်ရှုစစ်ဆေးစဉ်။
တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင် ရန်ကုန်တိုင်းဒေသကြီး၊ ဒဂုံဆိပ်ကမ်းမြို့နယ်၊ မြန်မာ့သားကောင်းစစ်မှု ထမ်းဟောင်းအိမ်ရာ (လေးထောင့်ကန်)ရှိ စစ်မှုထမ်းဟောင်း အဖွဲ့ဝင်များအား တွေ့ဆုံအမှာ စကားပြောကြားစဉ်။
စစ်ရေးချုပ် ဒုတိယဗိုလ်ချုပ်ကြီးဆန်းဦး စစ်မှုထမ်းဟောင်းအဖွဲ့ဝင်တစ်ဦးအား စားသောက်ဖွယ်ရာများ ပေးအပ်စဉ်။
နေပြည်တော် ၁၇-၅-၂ဝ၁၈
စစ်သားတစ်ခါ ဖြစ်ဖူးလျှင် ထာဝရစစ်သား (Once a Soldier Always a Soldier) ဆိုသည့်အတိုင်း အကြောင်း အမျိုးမျိုးကြောင့် တပ်မတော်မှ အငြိမ်းစား ယူခဲ့ကြသည့် စစ်မှုထမ်းဟောင်းများသည် နိုင်ငံတော်အတွက် အင်အားစု တစ်ခုဖြစ်ပြီး မိမိတို့ကိုပြုစု ပျိုးထောင်ပေးခဲ့ပြီး တာဝန်ထမ်းဆောင်ခဲ့သည့် တပ်မတော်အပေါ် သစ္စာရှိရန်လိုကြောင်း၊ လက်ရှိအချိန်တွင်လည်း အငြိမ်းစားယူပြီး နိုင်ငံသားတစ်ယောက်အနေဖြင့် နိုင်ငံ၏တိုးတက်ရေးကို တစ်ဖက် တစ်လမ်းမှ ၀ိုင်းဝန်းဆောင်ရွက် ကြစေလိုကြောင်း၊ မိမိတို့သည် ယခင်ကတည်းက နိုင်ငံတော်ကာကွယ်ရေး အတွက်အသက်ပေး ဆပ်ပြီး တာဝန်ထမ်းဆောင် ခဲ့ကြသူများဖြစ်သဖြင့် မိမိတို့၏လုပ်ဆောင် ချက်များသည်နိုင်ငံတော် ကိုအထောက်အကူပြုရမည် ဖြစ်ကြောင်း၊ မိမိတို့တပ်မတော်ကို တိုင်းပြည်ကအားထားရပြီး ပြည်သူကအားကိုးရသည့် တပ်မတော်ဖြစ်အောင် ဆောင်ရွက်လျက် ရှိကြောင်းဖြင့် တပ်မတော်ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်က ရန်ကုန်တိုင်းဒေသကြီး၊ ဒဂုံဆိပ်ကမ်းမြို့နယ်၊ မြန်မာ့သားကောင်း စစ်မှုထမ်းဟောင်းအိမ်ရာ(လေးထောင့်ကန်)ရှိ စစ်မှုထမ်းဟောင်းအဖွဲ့ဝင်များအား တွေ့ဆုံအမှာစကားပြော ကြားရာတွင် ထည့်သွင်းပြောကြား သည်။
အဆိုပါတွေ့ဆုံပွဲသို့ တပ်မတော်ကာကွယ်ရေး ဦးစီးချုပ်ဗိုလ်ချုပ်မှူးကြီး မင်းအောင်လှိုင်၊ ကာကွယ်ရေး ဦးစီးချုပ် (ရေ) ဗိုလ်ချုပ်ကြီးတင်အောင်စန်း၊ ကာကွယ်ရေးဦးစီးချုပ်(လေ) ဗိုလ်ချုပ်ကြီး မောင်မောင်ကျော်၊ ကာကွယ်ရေး ဦးစီးချုပ်ရုံး(ကြည်း)မှ တပ်မတော် အရာရှိကြီးများ၊ ရန်ကုန်တိုင်း စစ်ဌာနချုပ်တိုင်းမှူး ဗိုလ်ချုပ်သက်ပုံနှင့် မြန်မာ့သားကောင်းစစ်မှု ထမ်းဟောင်းအိမ်ရာ (လေးထောင့်ကန်)မှ စစ်မှုထမ်းဟောင်းအဖွဲ့ဝင်များ တက်ရောက်ကြသည်။
ထိုသို့တွေ့ဆုံစဉ် တပ်မတော်ကာကွယ်ရေးဦးစီးချုပ်က စစ်မှုထမ်းဟောင်းဆိုသည်မှာ တပ်မတော်၏ အရန် အင်အားဖြစ်သကဲ့သို့ နိုင်ငံတော်၏အင်အားစုတစ်ခုဖြစ်ကြောင်း၊ စစ်မှုထမ်းဟောင်းများသည် စနစ်တကျ လေ့ကျင့်ပြီး တပ်မတော်တွင်ကောင်းမွန်စွာအမှုထမ်းခဲ့သူများဖြစ်ကာ အသက်အရွယ်၊ စစ်မှုထမ်းသက်၊ ကျန်းမာ ရေး၊ ပုဂ္ဂိုလ်ရေးစသည့်အကြောင်းမျိုးမျိုးကြောင့် တပ်မတော်မှအငြိမ်းစားယူခဲ့သူများ ဖြစ်ကြောင်း၊ ထို့ကြောင့် မိမိတို့စစ်မှုထမ်းဟောင်းများသည် နိုင်ငံတော်အတွက်အင်အားစု တစ်ခုအဖြစ်ခံယူနေထိုင်ကြရန်လိုကြောင်း၊ တပ်မတော်သည်စစ်မှုထမ်းဟောင်းများအား အမြဲအသိအမှတ်ပြု ရပ်တည်ဆောင်ရွက်ပေးလျက်ရှိကြောင်း၊ တပ်မတော်သား တိုင်းသည်တစ်ချိန်ကျလျှင် စစ်မှုထမ်းဟောင်းဖြစ်မည့်သူများဖြစ်သဖြင့် မိမိတို့အနေဖြင့် စာနာနားလည်မှုရှိစွာဖြင့်ဆောင်ရွက်ပေးလျက်ရှိကြောင်းရှင်းလင်းပြောကြားသည်။
ထို့နောက် စားရေးနှင့်ပတ်သက်၍ စစ်မှုထမ်းဟောင်းအဖွဲ့ဝင်များ၏ စားရေးကိုအထောက်အကူဖြစ်စေရန် အတွက် သက်ဆိုင်ရာတိုင်းစစ်ဌာနချုပ်များအလိုက် မိမိတို့တပ်ပိုင်စိုက်ပျိုးမွေးမြူရေးလုပ်ငန်းများမှ ထွက်ရှိ သည့် အသား၊ ငါး၊ ဟင်းသီးဟင်းရွက်များကိုလည်း တတ်နိုင်သလောက်သက်သာသောဈေးနှုန်းဖြင့် ရောင်းချ ပေးရန်တာဝန်ပေးထားကြောင်း၊ ကုန်ဈေးနှုန်းကြီးမြင့်မှု ၀န်ထုတ်ဝန်ပိုးကိုသက်သာနိုင် စေရန်အတွက် တပ်မ တော်မှ တပ်ပိုင်စိုက်ပျိုးမွေးမြူရေးလုပ်ငန်းများနှင့် တစ်ပိုင်တစ်နိုင် စိုက်ပျိုး မွေးမြူရေးလုပ်ငန်းများအား ဆောင်ရွက်လျက်ရှိပြီး တပ်မတော်မှထုတ်လုပ်သည့် လူသုံးကုန်ပစ္စည်းများကိုလည်း အမြတ်ကိုအဓိကမထားဘဲ အရေအတွက်များများ အမြတ်နည်းနည်းဖြင့် ပြည်သူလူထုကိုတစ်ဖက်တစ်လမ်းမှအထောက်အကူဖြစ်စေရန် ထုတ်လုပ်ရောင်းချပေးလျက်ရှိကြောင်းပြောကြားသည်။
ဆက်လက်ပြီး နေရေးနှင့်ပတ်သက်၍ စစ်မှုထမ်းဟောင်းအိမ်ရာများအား တိုင်းစစ်ဌာနချုပ်အသီးသီးတွင် ဆောက်လုပ်ပြီး နေထိုင်နိုင်ရေးစီစဉ်ဆောင်ရွက်ပေးလျက်ရှိကြောင်း နိုင်ငံတော်အတွက် အသက်စွန့်လွှတ်ခဲ့ရ သူများ၊ ကိုယ်လက်အင်္ဂါ ဆုံးရှုံးခဲ့ရသူများကို ဦးစားပေး၍နေရာချထားပေးလျက်ရှိပြီး ကျန်စစ်မှုထမ်းဟောင်း များကိုလည်း ဦးစားပေးများအလိုက် နေရာချထားပေးကြောင်း၊ စစ်မှုထမ်းဟောင်းအိမ်ရာများကို ဆက်လက် တိုးချဲ့ဆောက်လုပ်လျက်ရှိကြောင်း၊ အလားတူတပ်မတော်သားများ၏ အဆင့်တိုးမြှင့်ရေးကိုလည်း သတ်မှတ် ချက်များအတိုင်း ဆောင်ရွက်ပေးလျက်ရှိပြီး အငြိမ်းစားယူသည့်အချိန်တွင် ပိုမိုအဆင်ပြေစွာ နေထိုင်နိုင်ရေး ဆောင်ရွက်ပေးလျက်ရှိကြောင်း၊ ထို့အတူ နိုင်ငံတကာတပ်မတော်များနှင့်ရင်ဘောင်တန်းနိုင်ရေးအတွက် တပ်မ တော်သားများ၏ ပညာရည်မြင့်မားရေးကိုဆောင်ရွက်လျက်ရှိသကဲ့သို့ မိသားစုဝင်များ၏ပညာရည် မြင့်မားရေး အတွက်လည်းဆောင်ရွက်ပေးလျက်ရှိပြီး ထူးချွန်သည့်စစ်သည်များနှင့် ကျောင်းသား၊ ကျောင်းသူများအား ဆုများ ထိုက်ထိုက်တန်တန်ချီးမြှင့်ပေးလျက်ရှိကြောင်း၊ စစ်မှုထမ်းဟောင်းများ၏ မိသားစုဝင်များ ပညာ ရည်မြှင့်တင်ရေးကိုလည်း တတ်နိုင်သည့်ဘက်မှ ဆောင်ရွက်ပေးလျက်ရှိကြောင်း ရှင်းလင်းပြောကြားသည်။
ထို့အတူ တပ်မတော်သားမိသားစုဝင်များနှင့်စစ်မှုထမ်းဟောင်းမိသားစုဝင်များ အလုပ်အကိုင်အခွင့်အလမ်းရရှိ စေရေးအတွက် အထည်ချုပ်စက်ရုံများနှင့်အခြား ကုန်ပစ္စည်းထုတ်လုပ်သည့်စက်ရုံများဖွင့်လှစ်၍ ဆောင်ရွက် ပေးထားကြောင်း၊ စစ်မှုထမ်းဟောင်းများ၏ကျန်းမာရေးအတွက် တပ်မတော်ဆေးရုံများနှင့်နီးစပ်ရာ တပ်ရင်း၊ တပ်ဖွဲ့ ဌာနချုပ်ဆေးခန်းများတွင် တက်ရောက်ကုသခွင့်ရှိပြီး ဆေးကုသမှုခံယူနိုင်ကြောင်း၊ မိမိတို့ စစ်မှုထမ်း ဟောင်းအဖွဲ့ဝင်များအား အဖွဲ့အစည်းတစ်ချို့၏အသုံးချမှုမခံရစေရေး ပြုမူပြောဆိုနေထိုင်ကြရန်လိုကြောင်း၊ စစ်မှုထမ်းဟောင်းအဖွဲ့ဝင်များ၏ သက်သာချောင်ချိရေးအတွက် တပ်မတော်မှဆောင်ရွက်ပေးလျက်ရှိသကဲ့သို့ မိမိတို့စစ်မှုထမ်းဟောင်းများအနေဖြင့်လည်း ၀ိုင်းဝန်းပူးပေါင်းဆောင်ရွက်ကြရန်လိုကြောင်း၊ မိမိတို့တပ်မတော် သားများသည် ဆွေမျိုးသားချင်းမတော်စပ်သော်လည်း တစ်နိုင်ငံလုံးမှတိုင်းရင်းသားများဖြင့် စုပေါင်းဖွဲ့စည်းထား သည့်အတွက် ညီအစ်ကိုမောင်နှမစိတ်ဓာတ်၊ မိသားစုစိတ်ဓာတ် ဖြင့်နေထိုင်ကြသည့်တပ်မတော်ဖြစ်သဖြင့် စည်းစည်းလုံးလုံးရှိသကဲ့သို့ စစ်မှုထမ်းဟောင်းအဖွဲ့ဝင်များအနေဖြင့်လည်း ညီအစ်ကိုစိတ်ဓာတ်၊ မိသားစု စိတ်ဓာတ်များမွေးမြူ၍ စည်းစည်းလုံးလုံးဆောင်ရွက်ခြင်းဖြင့် တိုင်းပြည်အတွက်အားတစ်ခုကိုဖြစ်စေကြောင်း၊ တပ်မတော်သည် နိုင်ငံတော်အတွက်အထောက်အကူဖြစ်စေရန်၊ တိုင်းပြည်ကအားထားရပြီး ပြည်သူက အားကိုးရသည့်တပ်ဖြစ်စေရန်၊ နိုင်ငံတော်၏အချုပ်အခြာအာဏာ၊ နိုင်ငံတော်အစိုးရနှင့် နိုင်ငံသားပြည်သူများ အား နှောင့်ယှက်ဒုက္ခပေးနေသူများ၏ရန်ကို ကာကွယ်ပေးရန်အတွက်ကြိုးပမ်းဆောင်ရွက်နေခြင်းဖြစ်ကြောင်း၊ အင်အားတောင့်တင်းပြီး စွမ်းရည်ရှိသည့်ခေတ်မီတပ်မတော်တည်ဆောက်နိုင်မှသာ အိမ်နီးချင်းနိုင်ငံများနှင့် နိုင်ငံတကာက မိမိတို့နိုင်ငံကိုလေးစားကြမည်ဖြစ်ကြောင်း၊ တပ်မတော်သည်နိုင်ငံတော်၏ အစိတ်အပိုင်း တစ်ရပ်ဖြစ်၍ နိုင်ငံတော် အပေါ်သစ္စာရှိရမည်ဖြစ်ကြောင်းမှာကြားသည်။
တွေ့ဆုံပွဲအပြီးတွင် စစ်ရေးချုပ်ဒုတိယဗိုလ်ချုပ်ကြီး ဆန်းဦးက စစ်မှုထမ်းဟောင်း အဖွဲ့ဝင်များအတွက် စားသောက်ဖွယ်ရာများပေးအပ်သည်။ ယင်းနောက် တပ်မတော်ကာကွယ်ရေးဦးစီးချုပ်သည် မြန်မာ့သား ကောင်း စစ်မှုထမ်းဟောင်းအိမ်ရာ (လေးထောင့်ကန်) တည်ဆောက်နေမှုအခြေအနေများအား ကြည့်ရှုစစ်ဆေး ရာ တိုင်းမှူးဗိုလ်ချုပ်သက်ပုံနှင့် စစ်အင်ဂျင်နီယာညွှန်ကြားရေးမှူးရုံး၊ ညွှန်ကြားရေးမှူး ဗိုလ်ချုပ် မောင်မောင်မြင့် တို့က စစ်မှုထမ်းဟောင်းအိမ်ရာတည်ဆောက်နေမှုအခြေအနေများအားလည်းကောင်း၊ စစ်ရေးချုပ် ဒုတိယ ဗိုလ်ချုပ်ကြီး ဆန်းဦးက စစ်မှုထမ်းဟောင်းမိသားစုဝင်များအလုပ်အကိုင် အခွင့်အလမ်းရရှိရေးအတွက် အထည် ချုပ်စက်ရုံ တည်ဆောက်ရန် လျာထားဆောင်ရွက် မှုများအား ရှင်းလင်းတင်ပြကြသည်။
ရှင်းလင်းတင်ပြမှုများအပေါ် တပ်မတော်ကာကွယ်ရေးဦးစီးချုပ်က သတ်မှတ်ကာလတွင်ပြီးစီးရန်နှင့် သတ်မှတ် အရည်အသွေးပြည့်မီအောင်ဆောင်ရွက်ရန်၊ ခြံစည်းရိုး နယ်နိမိတ်တစ်လျှောက် အရိပ်ရလေကာပင်များ စနစ် တကျစိုက်ပျိုးရန် တို့အားမှာကြားပြီး စစ်မှုထမ်းဟောင်းအိမ်ရာ ဆောက်လုပ်နေမှု အခြေအနေများအား ကြည့်ရှု စစ်ဆေးရာ တာဝန်ရှိသူများက လိုက်လံရှင်းလင်း တင်ပြကြသည်။
အဆိုပါ ဒဂုံဆိပ်ကမ်း မြို့နယ်ရှိ မြန်မာ့သားကောင်း စစ်မှုထမ်းဟောင်း အိမ်ရာ၌ ၂၀၁၇ ခုနှစ်တွင် အခြားအဆင့်နေအိမ် (၂) ခန်းတွဲ (၆) ထပ် ၇ လုံးဆောက်လုပ်မှုမှာ ၄၉ ရာခိုင်နှုန်းခန့် ပြီးစီးပြီဖြစ်ပြီး ၂၀၁၈ ခုနှစ်တွင် အရာရှိငယ်နေအိမ် (၂) ခန်းတွဲ (၆) ထပ် ၄ လုံးနှင့် အခြားအဆင့်နေအိမ် (၂) ခန်းတွဲ (၆) ထပ် ၉ လုံးတို့အား ပိုင်ရိုက်ခြင်းလုပ်ငန်းများ စတင်ဆောင်ရွက် လျက်ရှိသည်။ တစ်ချိန်တည်းတွင် စစ်မှုထမ်းဟောင်း မိသားစုများ၏ စားရေးကို အထောက်အကူ ပြုစေရန်အတွက် ခေတ်မီအဆင့်မြင့် ဥစားကြက်ခြံအား ဆောက်လုပ်လျက်ရှိပြီး အလုပ်အကိုင်အခွင့်လမ်း ရရှိရေးအတွက်လည်း အထည်ချုပ်စက်ရုံအား ဆက်လက်တည်ဆောက်ပေး သွားမည် ဖြစ်ကြောင်း သိရှိရသည်။
ထို့နောက် တပ်မတော်ကာကွယ်ရေး ဦးစီးချုပ်နှင့်အဖွဲ့ဝင်များသည် စစ်မှုထမ်းဟောင်း အိမ်ရာအနီးရှိ အခြေခံပညာ အထက်တန်းကျောင်း၊ အမှတ် (၁) စိုက်ပျိုးမွေးမြူရေးရပ်ကွက်သို့ ရောက်ရှိ၍ ကျောင်းဝန်းအတွင်း လှည့်လည် ကြည့်ရှုပြီး ကျောင်း၏ လိုအပ်ချက်များဖြစ်သည့် ထရန်စဖော်မာ တပ်ဆင်ရေး၊ စာသင်စားပွဲနှင့် ထိုင်ခုံများ၊ ကွန်ပြူတာများဖြည့်ဆည်း ပေးရေးနှင့် ကျောင်းသန့်ရှင်းရေးအတွက် ဆောင်ရွက်ပေးရေး တို့အား ညှိနှိုင်းဖြည့်ဆည်း ဆောင်ရွက်ပေးသည်။
ဆက်လက်၍ အမှတ် (၁) စိုက်ပျိုးမွေးမြူရေး ရပ်ကွက်ရှိ တိုက်နယ်ဆေးရုံသို့ ရောက်ရှိကြပြီး ဆေးရုံအတွင်း လှည့်လည်ကြည့်ရှုကာ ဆေးရုံရှိခွဲစိတ်ခန်း ပြန်လည်ပြုပြင် မွန်းမံရန်အတွက် တပ်မတော်မှ ကူညီဆောင်ရွက် ပေးနိုင်ရေး ညှိနှိုင်းဖြည့်ဆည်း ဆောင်ရွက်ပေးခဲ့ကြောင်း သတင်းရရှိသည်။
#Themyawadydaily
No comments:
Post a Comment