မုံရွာ ၂၆-၇-၂၀၁၇
စစ်ကိုင်းမြို့ ပတ္တမြားစက်မှုဇုန် ဓာတ်အားခွဲရုံတွင် လက်ရှိ တည်ဆောက်ထားသော ၃၃/၁၁ကေဗွီ၊ ၅အမ်ဗွီအေ ထရန်စဖော်မာသည် စက်မှုဇုန်ရှိစက်ရုံများ၊ ရပ်ကွက်နေ ပြည်သူများ သုံးစွဲမှုများပြား လာသဖြင့် ဓာတ်အား နိုင်နင်းစွာ ဖြန့်ဝေပေးနိုင်မှု မရှိသဖြင့် လက်ရှိထရန်စဖော်မာ နေရာတွင် ၃၃/၁၁ ကေဗွီ၊ ၁ဝ အမ်ဗွီအေထရန် စဖော်မာကို အစားထိုးပြောင်းလဲ တည်ဆောက်ကာ အဆင့်မြှင့်တင်မှုများ ပြုလုပ်ပြီး ရပ်ကွက် (၄) ခုကို ဓာတ်အားလုံလောက် စွာဖြန့်ဝေပေး လျက်ရှိကြောင်း တိုင်းဒေသကြီး လျှပ်စစ်အင်ဂျင်နီယာရုံးမှ သိရသည်။
စစ်ကိုင်းမြို့ ပတ္တမြားစက်မှုဇုန် ဓာတ်အားခွဲရုံတွင် ၃၃/၁၁ကေဗွီ၊ ၁ဝအမ်ဗွီအေ ထရန်စဖော်မာ အဆင့်မြှင့်တင် ပြောင်းလဲ တည်ဆောက်ခြင်း လုပ်ငန်းကို ၂ဝ၁၆-၂ဝ၁၇ဘဏ္ဍာနှစ် ပြည်ထောင်စု ရန်ပုံငွေမှ ငွေကျပ် ၅၅၇သန်းဖြင့်
အကုန်အကျခံ တည်ဆောက်ပေးခဲ့ ခြင်းဖြစ်ပြီး ဇူလိုင် ၂၃ရက်က ဓာတ်အားစတင် ဖြန့်ဝေပေးလျက် ရှိကြောင်း သိရသည်။
အဆိုပါ ပြောင်းလဲတည်ဆောက် ပေးခဲ့သည့် ထရန်စဖော်မာဖြင့် စစ်ကိုင်းမြို့ရှိ ပတ္တမြားရပ်ကွက် စစ်ကိုင်းပညာရေးတက္ကသိုလ် ရွှေမင်းဝံရပ်ကွက်၊ နီလာရပ်ကွက်နှင့် မြရတနာ ရပ်ကွက်တို့တွင် လျှပ်စစ်ဓာတ်အား လုံလောက်စွာ အသုံးပြု နိုင်ပြီဖြစ်ကြောင်း တိုင်းဒေသကြီး လျှပ်စစ်အင်ဂျင်နီယာရုံးမှ သိရသည်။
#yadanarpondaily
No comments:
Post a Comment