ညဘက် အပေ့ါမကြာခဏသွားရလို့ အိပ်ရေးပျက်နေပါသလား

ညဘက် အပေ့ါမကြာခဏသွားရလို့ အိပ်ရေးပျက်နေပါသလား

ပါမောက္ခ ဒေါက်တာ ခင်ဖြူပြာ

မတ်လ နောက်ဆုံးပတ် ဘီဘီစီ သတင်းထုတ်ပြန်ချက် အရ ''ညဘက်အပေါ့ မကြာခဏ သွားခြင်းသည် အစားအစာတွင် ဆားပါဝင်မှုများခြင်း နှင့် ဆက်နွှယ်နေကြောင်း'' ဂျပန်နိုင်ငံမှ သုတေသီများ၏ တွေ့ရှိချက်ကို တင်ပြထားသည်။

ပုံမှန်ဇီဝ ဖြစ်စဉ်အရ ရေသောက်များလျှင် ဆီးများများ သွားနိုင်ပါသည်။ ထို့ကြောင့် ညအိပ်ခါနီး ရေသောက်မှု များပါက အိပ်ရေးပျက် လောက်အောင် ဆီးသွားများမည် ဖြစ်ပါသည်။ ထို့ပြင် သင်သည် တစ်စုံတစ်ခုသော

ကိစ္စအတွက် စိတ်ပူပန်မှု များနေသည်ဆိုပါက ဆီးမကြာခဏ သွားချင်စိတ်လည်း ဖြစ်လာနိုင်ပါသည်။ ဥပမာ အချို့လူများဆိုလျှင် စာမေးပွဲ နီးသည့်အခါ နေ့ရောညပါ ဆီးခဏခဏ သွားပြီး စာမေးပွဲ ဖြေပြီးသည့်အခါ အားလုံး ပုံမှန်ပြန်ဖြစ် သွားတတ်ပါသည်။

ဘီယာကဲ့သို့သော ယမကာကို ညဘက် သောက်လျှင် ဆီးအများကြီး ညဘက် သွားနိုင်ပါသည်။ ထို့ပြင် ဆီးဆေးကို ညနေဘက်တွင် သောက်မည်ဆိုပါက ညဘက် ဆီး မကြာခဏသွားပြီး အိပ်ရေးပျက် နိုင်ပါသည်။ ဆီးချိုရောဂါ ဝေဒနာရှင်များတွင် သွေးအတွင်း သကြားဓာတ် များနေပါက ယင်း သကြားဓာတ်သည် ဆီးထဲသို့ ပါသွားသည်။ သကြားဓာတ်သည် ရေကိုဆွဲယူတတ်သည့် သဘောသဘာဝ ရှိသဖြင့် သွေးတွင်း သကြားဓာတ် များလျှင် ဆီးပမာဏများများ သွားလေ့ ရှိသည်။

ဆီးလမ်းကြောင်း အတွင်း ပိုးဝင်ခြင်းသည် အမျိုးသမီး များတွင် အဖြစ်များသည်။ ဆီးလမ်းကြောင်း အတွင်း ပိုးရှိလျှင်လည်း ဆီးပူခြင်း၊ ကျဉ်ခြင်း တို့နှင့်အတူ ခဏခဏ ဆီးသွားလိုစိတ်လည်း ဖြစ်တတ်ပါသည်။ အသက်အရွယ် ကြီးလာသည့် ယောက်ျားများတွင် ပရောစတိတ် ခေါ် ဆီးကျိတ် ကြီးလာလေ့ရှိသည်။ ထို့ကြောင့် မိမိအသက် ရလာပြီး ဆီးခဏခဏ သွားလျှင် ဆီးကျိတ်ကြီးခြင်း ဖြစ်နိုင်သဖြင့် ဆရာဝန်နှင့် တိုင်ပင် ပြသသင့်သည်။

ဂျပန်သုတေသီ များက အစားအစာတွင် ပါဝင်သည့် ဆားဓာတ်နှင့် ဆီးသွားခြင်း ဆက်နွှယ်ပုံကို လေ့လာခဲ့သည်။ ၄င်းတို့၏ သုတေသနတွင် ပါဝင်သူ ၃ဝဝ ကို ဆားဓာတ်လျှော့၍ စားစေသည့်အခါ ဆီးသွားနည်းကြောင်း တွေ့ရှိရသည်။ ယင်း သုတေသီများက ဆားများများ စားစေပြီး ဆီးများများ သွားခြင်းကြောင့် အိပ်ရေးပျက်ခြင်းကို သုံးလကြာ လေ့လာခဲ့ပါသည်။ နောက်တစ်ဖန် ၄င်းတို့ကို ဆားနည်းနည်းပဲ စားစေပြီး ဆီးသွားခြင်းကြောင့် အိပ်ရေးပျက်ခြင်းကို လေ့လာခဲ့သည်။ တွေ့ရှိချက်မှာ ဆားလေးလေး စားသည့်အချိန်က ညဘက်တွင် နှစ်ကြိမ်ထ၍ ဆီးသွားရသူ များသည် ဆားပေါ့ပေါ့ စားသည့်အခါ တစ်ကြိမ်သာ ဆီးထသွား ရကြောင်း တွေ့ရသည်။

ဤကဲ့သို့ ဆီးအကြိမ်ရေ လျော့ကျခြင်းသည် ညဘက် တွင်သာမက နေ့ဘက် အလုပ်လုပ်ချိန် တွင်ပါ လျော့နည်းကြောင်း တွေ့ရှိရသည်။ ညဘက် အိပ်ရေးဝသဖြင့် နေ့ဘက် အလုပ်လုပ်သည့် အခါ ပိုမိုလန်းဆန်း တက်ကြွကြောင်း ဝန်ခံကြသည်။

ဤသတင်း၏ အဆိုအရ ညဘက် ဆီးထသွားခြင်း နှင့်ပတ်သက်၍ အသက် ၅ဝ ကျော် အရွယ်ရှိသော လူဦးရေ၏ ထက်ဝက်ခန့်မှာ ညဘက်ဆီး ထသွားရကြောင်း သိရသည်။ အသက် ၇ဝ ကျော်လူကြီး များတွင် တစ်ညလျှင် နှစ်ကြိမ်ခန့် ဆီးထသွား ရကြောင်း တွေ့ရှိရသည်။ ညဘက် ဆီးထသွားသည့် အကြိမ် အရေအတွက် များလေ အိပ်ရေးပျက်လေ ဖြစ်ပါသည်။ ညအိပ်ရေးပျက် ပြီဆိုလျှင် စိတ်ဖိစီးမှုများခြင်း၊ နုံးချည့်ခြင်း၊ စိတ်တိုလွယ် ခြင်းများ ဖြစ်ပေါ်စေသည်။

ဤသို့ အသက်အရွယ် ကြီးလာလျှင် ညဘက် ဆီးပိုသွားသည် ဆိုသည့် အချက်သည် ဟော်မုန်း ပြောင်းလဲမှုများ ကြောင့်လောဟု စဉ်းစားဖွယ် ဖြစ်သည်။ အမျိုးသားများတွင် အသက်ကြီး လာသည်နှင့်အမျှ ဆီးကျိတ်သည် အနည်းနှင့်အများ လိုက်၍ ကြီးလာပါသည်။ ကြီးလာသော ဆီးကျိတ်က ဆီးသွား လမ်းကြောင်းကို ဖိသဖြင့် ဆီးသွားရသည့် အကြိမ် ပိုများလာခြင်း ဖြစ်ပါသည်။ ထိုသို့ဆိုလျှင် အမျိုးသမီးများတွင် အသက်ကြီး လာသောအခါ ညဘက်ဆီးသွားသည့် အကြိမ် ပိုများလာခြင်းမှာ အဘယ့်ကြောင့် ဖြစ်သနည်း။

ကျွန်ုပ်တို့နေ့စဉ် ဆားပမာဏ မည်မျှသုံးစွဲသင့် ပါသလဲ။ ဤ ဘီဘီစီ သတင်းဆောင်းပါး အရ အင်္ဂလန်နိုင်ငံရှိ အရွယ်ရောက်ပြီးသူ များတွင် ဆားပမာဏ ခြောက်ဂရမ်ထက် ပို၍ မစားသုံးသင့်ကြောင်း အကြံပြုထား ပါသည်။ ယင်း ပမာဏသည် ဆိုဒီယမ် ၂ ဒသမ ၄ ဂရမ်နှင့် ညီမျှကြောင်း တင်ပြထား ပါသည်။ တစ်နှစ်မှသုံးနှစ်အရွယ်တွင် ဆားနေ့စဉ် စားသုံးမှု နှစ်ဂရမ်ထက် မပိုသင့်ပါ။ ၇ နှစ်မှ ၁ဝ နှစ်အရွယ်ကလေး များတွင် ငါးဂရမ်ထက် မပိုသင့်ပါ။ အသက် ၁၁ နှစ် ကျော်လာပြီဆိုလျှင် လူကြီးများ ကဲ့သို့ပင် ခြောက်ဂရမ် အထိ တိုး၍ စားနိုင်သည်ဟု ဆိုပါသည်။

မည်သည့် အစားအစာများတွင် ဆားပါဝင်မှု များသနည်း။

ပေါင်မုန့်နှင့်ကွေကာ စီရီရယ်များသည် အရသာအားဖြင့် မငန်သော်လည်း ဆားပါဝင်မှု များပါသည်။ ကျွန်ုပ်တို့နိုင်ငံတွင် ခေါက်ဆွဲ၊ နံပြား၊ အီကြာကွေး၊ ပလာတာ စသည်တို့တွင် ဆိုဒါပါသဖြင့် ဆားပါဝင်မှု များပါသည်။ အနောက်တိုင်း အစားအစာများ ဖြစ်သည့် ဝက်ဆားနယ်ခြောက်၊ ဝက်ပေါင်ခြောက်၊ ဒိန်ခဲ၊ အာလူးကြော်၊ အီတလီခေါက်ဆွဲ အချဉ်ရည်များ တွင်လည်း ဆားပါဝင်မှု များပါသည်။

ကျွန်ုပ်တို့ နေ့စဉ်နံနက်စာ အဖြစ် အားလုံးကြိုက်သည့် မုန့်ဟင်းခါး၏ ဆားပါဝင်မှုပမာဏ ဘယ်လို သဘောရ ပါသလဲ။ ခေါက်ဆွဲကဲ့သို့မုန့်ဖတ်မှာတော့ ဆိုဒါမပါဝင်ပါ။ သို့ပါသော်လည်း မုန့်ဟင်းခါးဟင်းရည် မှာပါသော အချိုမှုန့်၊ အသားမှုန့်၊ ငံပြာရည် တို့သည် ဆားပမာဏ များတာတွေချည်းပဲ ဖြစ်ပါသည်။ ရခိုင်မုန့်တီလည်း အတူတူပင် ဖြစ်ပါသည်။

အလှူမှာ လူတိုင်းကြိုက်သော ပဲထမင်း၊ ထောပတ်ထမင်း၊ ဒံပေါက်၊ ကြက်ဆီထမင်း၊ နတ်သုဒ္ဓါဆိုရင်ရော ဆားပါဝင်မှုများ သလား။ သူတို့တွေကို ချက်သည့်အခါ မှာထည့်သည့် အချိုမှုန့်၊ အသားမှုန့်၊ ဒပ်ချီမှုန့်တို့  သည်လည်း ဆားပမာဏများ ပါသည်။ ညဘက်တွင် တစ်ခါတလေ ထွက်စားကြသည့် အကင် ၊ ဟော့ပေါ့ ၊ ကြေးအိုး ၊ ဒင်ဆမ်းတွေ ဆိုလျှင်လည်း အချိုမှုန့်၊ အသားမှုန့် ပါဝင်မှုများပါသည်။

မြန်မာရိုးရာ အစားအစာဖြစ်သည့် လက်ဖက်သုပ်၊ ဂျင်းသုပ်တို့ မှာလည်း အချိုမှုန့်တွေ ပါဝင်မည်ဆိုပါက ဆားပမာဏ များသွားနိုင်သည်။ ဝက်အူချောင်း၊ ဝက်သားချဉ်၊ ပုစွန်ချဉ်၊ ငါးလေးချဉ်၊ မျှစ်ချဉ်၊ မုန်ညင်းချဉ်၊ ဆီတို့ဟူး၊ ငါးပိ၊ ငါးခြောက်၊ ပုစွန်ခြောက်၊ ငံပြာရည် တို့မှာလည်း ဆားဓာတ်များသည်။ မုန့်ပျားသလက်၊ ရေမုန့်၊ မုန့်လင်မယား၊ ဆီထမင်း တို့သည် မြန်မာရိုးရာ အစားအစာဖြစ်လင့် ကစားအချိုမှုန့် ထည့်လိုက်မည် ဆိုပါက ဆားပါဝင်မှု များသွားပါမည်။

အစားအစာများကို ဝယ်ယူမသုံးစွဲမီ ထုပ်ပိုးပစ္စည်းတွင် ဆားပါဝင်မှု ပမာဏကို သတိပြုသင့်သည်။ ( ဥပမာ ဘီစကွတ်၊ အချိုရည်၊ အသင့်စား ပစ္စည်းများ) ဤသတင်းအရ ၁ဝဝ ဂရမ်ပစ္စည်းတွင် ဆား ၁ ဒသမ ၅ ဂရမ်ပါဝင်ပါက ဆားပါဝင်မှုများ သည်ဟု သတ်မှတ်သည်။ ဤသို့သောအစားအစာများတွင် သတိပြုဆိုသော အနီရောင် အမှတ်တံဆိပ် ကပ်သင့်ပါသည်။ ကျွန်ုပ်တို့အားလုံး ညဘက် အိပ်ရေးဝဝအိပ်ပြီး ကျန်းမာလန်းဆန်း စေရန် ဆားဓာတ်နှင့် ဆားပါဝင်မှု များသော အစားအစာများကို လျှော့စားကြပါစို့ဟု တိုက်တွန်းလိုက်ရ ပါသည်။

မြ၀တီနေ့စဉ်သတင်းစာ ၊ စာ(၁၀)