နေပြည်တော် ၊ ၈-၁၂-၂၀၁၆
မူဆယ်မြို့နယ် မုံးကိုးမြို့အတွင်း တပ်မတော် စစ်ကြောင်းများ နယ်မြေ ရှင်းလင်းရေး ဆောင်ရွက်စဉ် မုံးကိုးတိုက်ပွဲ အတွင်း ပျောက်ဆုံးခဲ့သော ရဲတပ်ဖွဲ့ဝင် များ၏ ရုပ်အလောင်း များတွေ့ရှိခဲ့ ရကြောင်း နိုင်ငံတော် အတိုင်ပင် ခံရုံး သတင်းထုတ်ပြန်ရေး ကော်မတီမှ သတင်းထုတ်ပြန် ထားသည်။
မုံးကိုးဒေသ တိုက်ပွဲဖြစ်စဉ် များအတွင်း ဒီဇင်ဘာ ၂ ရက်က KIA / TNLA/ MNDAA ပူးပေါင်း လက်နက်ကိုင် အဖွဲ့များမှ သာလွန် အင်အားဖြင့် မုံးကိုးနယ်မြေ ရဲစခန်းအား ဝင်ရောက် တိုက်ခိုက်ခဲ့ရာ ရဲတပ်ဖွဲ့ဝင် ၁၆ ဦး အဆက်အသွယ် ပြတ်တောက် ပျောက်ဆုံး ခဲ့ကြောင်း သိရသည်။
တပ်မတော် စစ်ကြောင်းများက မုံးကိုးဒေသ အတွင်း ဒီဇင်ဘာ ၄ ရက်တွင် နယ်မြေ ရှင်းလင်းစဉ် မုံးကိုးမြို့ ရပ်ကွက် (၅) အတွင်း ရဲတပ်ဖွဲ့ဝင် နှစ်ဦး၏ ရုပ်အလောင်း များအား ရှာဖွေတွေ့ရှိ ခဲ့ပြီး တစ်ဖက်နိုင်ငံ အတွင်း ရောက်ရှိသွားသည့် ရဲတပ်ဖွဲ့ဝင် တစ်ဦးနှင့် အဆက်အသွယ် ရရှိခဲ့ကြောင်း၊ ဒီဇင်ဘာ ၅ ရက်နံနက်ပိုင်း တွင် မုံးကိုးရဲစခန်း အနီး စာသင်ကျောင်း အတွင်း အုတ်ရေကန် အနီး၌ ရဲတပ်ဖွဲ့ဝင် နှစ်ဦး၏ ရုပ်အလောင်းအား လည်းကောင်း၊ စာသင်ကျောင်း နှင့် ရဲစခန်းအကြား လယ်ကွင်းပြင်တွင် ရဲတပ်ဖွဲ့ဝင် ငါးဦး၏ ရုပ်အလောင်း အားလည်းကောင်း၊ ရဲတပ်ဖွဲ့ဝင် နှစ်ဦးအား မုံးကိုးရဲစခန်း အတွင်းမှ လည်းကောင်း ပြန်လည်တွေ့ရှိ ခဲ့ကြောင်း၊ ဒီဇင်ဘာ ၆ ရက်တွင် မုံးကိုး စာသင်ကျောင်း အတွင်းမှ ရဲတပ်ဖွဲ့ဝင် တစ်ဦးအား ထပ်မံတွေ့ ရှိခဲ့သဖြင့် ပျောက်ဆုံး ရဲတပ်ဖွဲ့ဝင် ၁၆ ဦးအနက် အသက်ရှင်လျက် ပြန်တွေ့သူ လေးဦး၊ ကျဆုံး ကိုးဦးနှင့် ပျောက်ဆုံးဆဲ သုံးဦး ဖြစ်ကြောင်း သိရှိရသည်။
ထို့ပြင် မုံးကိုးရဲစခန်း တိုက်ခိုက်ခံရမှု ဖြစ်စဉ်အတွင်း ကျန်းမာရေး မကောင်းသည့် ရဲတပ်ဖွဲ့ဝင် တစ်ဦး၏ ဇနီးနှင့် အခြားအရပ်သား တစ်ဦးတို့ပါ သေဆုံးခဲ့ ရကြောင်း သိရသည်။
မြ၀တီနေ့စဉ်သတင်းစာ ၊ စာ(၁၃)
No comments:
Post a Comment