နေပြည်တော် ၊ ၃၀-၁၁-၂၀၁၆
မူဆယ်မြို့ ဟိုမွန်နှင့် ကောင်းမှုတုံ ရပ်ကွက်များတွင် KIA/TNLA လက်နက်ကိုင် အဖွဲ့မှ ပစ်ခတ်သည့် လက်နက်ကြီးဗုံးသီး ကျရောက် ပေါက်ကွဲခြင်း၊ မိုင်းများ ပေါက်ကွဲခြင်းနှင့် အလုပ်ရုံအချို့မှ ဆက်ကြေး ကောက်ခံခြင်းများ ဆောင်ရွက်ခဲ့ကြောင်း နိုင်ငံတော် အတိုင်ပင်ခံရုံး သတင်း ထုတ်ပြန်ရေး ကော်မတီမှ သတင်းထုတ်ပြန် ထားသည်။
မူဆယ်မြို့ ဟိုမွန်ရပ်ကွက် သစ်တောလမ်းရှိ ထမင်းဆိုင်အနီး လျှိုအတွင်းသို့ နိုဝင်ဘာ ၂၈ ရက် ည ၆ နာရီ မိနစ် ၄ဝ ခန့်က KIA/TNLA လက်နက်ကိုင် အဖွဲ့မှ ပစ်ခတ်ခဲ့သည့် လက်နက်ကြီး ဗုံးသီး ကျရောက် ပေါက်ကွဲခဲ့ပြီး ယင်းနေရာ အနီးတစ်ဝိုက်တွင် လက်လုပ် မိုင်း နှစ်လုံးလည်း ဖောက်ခွဲ ထားကြောင်း၊ မူဆယ်မြို့ ကောင်းမှုတုံ ရပ်ကွက် ဟိုနားရပ် နှင့် စက်မှုကွက်သစ် ကြားတွင် ည ၉ နာရီ မိနစ် ၄ဝ ခန့်နှင့် စက်မှုလမ်းနှင့် မန့်မိုင်ရွာ အနီးတွင် ည ၁ဝ နာရီ မိနစ် ၅ဝ ခန့်ကလည်း ပေါက်ကွဲမှုများ ဖြစ်ပွားခဲ့ကြောင်း၊ ယင်း ပေါက်ကွဲမှု များကြောင့် ထိခိုက်ဒဏ်ရာ ရရှိမှု မရှိခဲ့ကြောင်း သိရသည်။
KIA/TNLA လက်နက်ကိုင် အဖွဲ့များသည် မူဆယ်မြို့ ကောင်းမှုတုံ ရပ်ကွက် ဟိုနားရပ်နှင့် စက်မှုကွက်သစ် အတွင်းသို့လည်း ဝင်ရောက်ခဲ့ပြီး အလုပ်ရုံအချို့မှ ဆက်ကြေးများ ကောက်ခံကာ ပြန်လည် ထွက်ခွာသွား ကြောင်း သိရှိရသဖြင့် လုံခြုံရေး တပ်ဖွဲ့ဝင်များ က လိုက်လံ ရှင်းလင်းလျက် ရှိကြောင်း သတင်း ရရှိသည်။
မြ၀တီနေ့စဉ်သတင်းစာ
No comments:
Post a Comment