ဘက်စုံ ထောင့်စုံမှ တွေးတောခြင်း

ဘက်စုံ ထောင့်စုံမှ တွေးတောခြင်း

ချစ်စံဝင်း

အရှေ့တောင်အာရှ နိုင်ငံများတွင် စင်ကာပူ နိုင်ငံသည် ထိပ်တန်းသို့ ရောက်ရှိနေသော နိုင်ငံတစ်နိုင်ငံ ဖြစ်သည်။ ဘယ်ပုံဘယ်နည်း ထိပ်တန်း ရောက်နေတာလဲ ဟုဆိုတော့ တက်စုံ၊ ဘက်စုံ၊ ထောင့်ပေါင်းစုံမှ ထိပ်တန်း ရောက်နေခြင်း ဖြစ်သည်။

စင်ကာပူနိုင်ငံသည် ယနေ့ ထိပ်တန်းသို့ ရောက်နေ သော်လည်း တစ်ချိန်က ရန်ကုန်မြို့ကို အတုခိုးခဲ့ ရသောနိုင်ငံဟု ဆိုပါ၏။ စင်ကာပူနိုင်ငံက ရန်ကုန်မြို့ တည်ဆောက်ပုံ၊ အဆောက်အအုံတွေ၊ ရေသွားလာမှု စနစ်တွေ၊ ဈေးတွေ၊ လမ်းတွေကို အတုခိုး ခဲ့သည်ဟု ဆိုသည်။ ယနေ့ အရှေ့တောင် အာရှတွင် သာမက ကမ္ဘာတွင်ပါ နာမည်ကြီး ဟိုတယ် ဖြစ်သည့် စင်ကာပူနိုင်ငံ ၏ ရပ်ဖဲဟိုတယ် ကြီးသည် မြန်မာတို့၏ ကမ်းနားလမ်း ဟိုတယ်ကို အတုယူ ဆောက်ခဲ့တာ ဟု ဆို၏။ စင်ကာပူရှိ လာပါဆပ်သံဈေး သည် ရန်ကုန်မှ လမ်းမတော်သံဈေး၊ ကြည့်မြင်တိုင် သံဈေး၊ တာမွေသံဈေး၊ မန္တလေးဈေးချို သံဈေးစသော ဈေးများကို အတုယူပြီး ရန်ကုန်သံဈေးများ ဆောက်ရာမှ ပိုလျှံသော သံထည်ပစ္စည်း တို့ဖြင့် ဆောက်ခဲ့တာ ဟုဆို၏။ လာပါဆပ်သံဈေး သည် ယခုအခါ စင်ကာပူမြို့လယ် တွင် တင့်တင့်တယ်တယ် ရှိနေသော်လည်း မြန်မာနိုင်ငံမှ သံဈေးများကို ဖျက်၍ သံတိုသံစ အဖြစ် ရောင်းထုတ်ခဲ့ သည်မှာ သံဈေးအားလုံး ကုန်ပြီဖြစ်သည်။

စင်ကာပူနိုင်ငံသည် နိုင်ငံဟု ဆိုသော်လည်း မြို့တစ်မြို့စာသာ ရှိ၍ နိုင်ငံအရွယ်အစား ငယ်လှသည်။ သောက်ရေကိုပင် မလေးရှားနိုင်ငံမှ ဝယ်ယူရသည်ဟု ဆို၏။ သည်ကြားထဲမှ တိုးတက်လာသော နိုင်ငံဖြစ်သည်။စင်ကာပူနိုင်ငံ တိုးတက်ဖွံ့ဖြိုး ရခြင်း၏ အကြောင်းခြင်းရာ တစ်ရပ်သည် ဘက်စုံ၊ ထောင့်စုံမှ တွေးခေါ်တတ်မှု ဖြစ်ပါသည်။ စင်ကာပူနိုင်ငံ သည် သူ့နိုင်ငံသားများကို ဘက်စုံထောင့်စုံမှ တွေးတတ်အောင်၊ ဆင်ခြင်တတ် အောင် သင်ကြားပေး ထားသည်။ စင်ကာပူနိုင်ငံသည် ဘက်စုံတွေးခေါ် ရေးကို သူတို့၏ ပညာသင်ကြားရေး စနစ်ထဲတွင်ပင် ထည့်သွင်း သင်ကြားပေးသည်။

စင်ကာပူနိုင်ငံသား ကျောင်းသား လူငယ်များကို မူလတန်းမှစ၍ ဘက်စုံ မြော်မြင်ရေး ပညာကိုသာ သင်ကြားပေးသည်။ ယင်းကို Visual Education (Visual Thinking) ဟုလည်း ဆိုပါသည်။

စင်ကာပူလူငယ် များသည် မူလတန်း သင်ကြားစဉ်ကပင် သင်ရိုးညွှန်းတမ်း ထဲ၌ ဘက်စုံတွေးခေါ် ရေးကို တွဲဖက်သင်ကြား သည်။ မူလတန်းတွင် ရာဇဝင် သမိုင်း၊ ပထဝီ၊ ရုက္ခဗေဒ၊ ဓာတုဗေဒ၊ ပန်းချီ၊ ပန်းပု၊ ကဗျာ၊ လင်္ကာ စသော ပညာရပ်များ၊ နည်းပညာ များကို သင်ပေးစဉ်ကပင် ဘက်စုံ တွေးခေါ်ရေးနှင့် တွဲဖက် သင်ကြားသည်။

အထက်တန်း၊ တက္ကသိုလ်၊ ဘွဲ့လွန်ပညာရပ် များကို သင်ကြားရာတွင်လည်း ဘက်စုံတွေးခေါ်မှု ရှုထောင့်စုံမှ တွေးတတ်အောင် သင်ကြားသည်။ အထူးသဖြင့် နည်းပညာ သင်ကြားရာတွင် ဘက်စုံရှုထောင့်မှ အသုံးချ နိုင်အောင် သင်ကြားသည်ဟု ဆိုသည်။ ကျောင်းအတွင်း စာသင်ခန်းထဲမှ စ၍ သင်ယူခဲ့သော ဘက်စုံ တွေးတောကြံဆမှု အတတ်ကို အစိုးရအဖွဲ့၊ အစိုးရဌာနများ၊ ကုမ္ပဏီ၊ ကော်ပိုရေးရှင်းများ၊ အရောင်းအဝယ် ဌာနများတွင်ပါ ဘက်စုံ တွေးတောမှုကို လုပ်ဆောင်သည်ဟု လည်းဆိုသည်။ စင်ကာပူ အစိုးရအဖွဲ့ ဝန်ကြီးဌာနများ၊ ကော်ပိုရေးရှင်းကြီး များသည် လုပ်ငန်းဆောင်တာ များကို အကောင်အထည် ဖော်ရာတွင် ပထမဆုံး ကြိုတွေးရသည်။ Thinking Ahead ဟုဆိုသည်။

နိုင်ငံအတွက်၊ တိုင်းသူပြည်သား တို့အတွက် တံတားကြီးတွေ ဆောက်မည်။ ရေကာတာကြီးတွေ တည်ဆောက်မည် ဆိုပါက ပစ္စုပ္ပန်နှင့် အနာဂတ် အကျိုးအပြစ် များကို ပြည့်စုံအောင် ကြိုတွေးသော နိုင်ငံသည် စင်ကာပူနိုင်ငံ ဖြစ်သည်။ ဘက်ပေါင်းစုံမှ မတွေးဘဲ မည်သည့်လုပ်ငန်း ကိုမှ မလုပ်သော နိုင်ငံဖြစ်သည်။

ဘက်စုံကြိုတွေး ပြီးပြီဟု ဆိုပါက အလုပ် စတင်ချိန်၌ လည်းကောင်း၊ အလုပ်လုပ်ဆဲ ကာလတွင် လည်းကောင်း အပြန်ပြန် အလှန်လှန် တွက်ချက် တွေးတော နေသေးသည်။ ယင်းကိုပြန်တွေး (Thinking Again) ဟုခေါ်သည်။ ပြန်တွေးခြင်း အားဖြင့် လုပ်ငန်း ဆောင်တာများ ပို၍ချောမွေ့ စေပါသည်။ ကြိုတွေးရုံ၊ ပြန်တွေးရုံ သာမက Thinking Across ကျော်တွေးမှုလည်း ပြုလုပ်သည်။ အချိန်ကာလ ပြောင်းသွား သည်နှင့် လုပ်ငန်း ဆောင်ရွက်မှု များလည်း တစ်စိတ် တစ်ဒေသ ပြောင်းသွားတတ်ရာ စင်ကာပူ နိုင်ငံသူ၊ နိုင်ငံသား တို့သည် ကျော်တွေးမှု ကိုလည်းပြု ကြသည်။ ယင်း အလေ့အထကို အစိုးရအုပ်ချုပ်ရေး ယန္တရား တွင်ပါ အသုံးပြုသည်။ 

တွေးတောခြင်း၊ စဉ်းစားခြင်း တို့သည် ငွေကြေး အကုန်အကျ များသည်မဟုတ်။ အထပ်ထပ် အခါခါ စည်းဝေးတိုင်ပင် လုပ်ငန်း အတွေ့အကြုံချင်း ဖလှယ်ကာ အကောင်အထည် ဖော်ကြ သောကြောင့် လုပ်ငန်းများ အောင်မြင်သည်။ လုပ်ငန်းခွင် အန္တရာယ်များ၊ ဆုံးရှုံးမှုများကို အချိန်မီ ဖယ်ရှား နိုင်သည်။ နိုင်ငံခြားရေးဌာန၊ ကုန်သွယ်ရေးဌာန ကဲ့သို့သော အစိုးရဌာန ကြီးများပါ ဘက်စုံ တွေးတောမှုကို ပြုလုပ်ကြသည်။

ကျွန်တော်တို့ နိုင်ငံသည် ဘက်စုံ၊ ထောင့်စုံ တွေးတောမှု အားနည်းသော နိုင်ငံဖြစ်သည်။ ကမ္ဘာ့ဘဏ်နှင့် စီးပွားရေးဆိုင်ရာ အဖွဲ့အစည်းများက စင်ကာပူနိုင်ငံ နှင့် စီးပွားရေး လုပ်ဆောင် ရတာသည် အလွန်ချောမွေ့

သည်။ ကုန်သွယ်မှု၊ ကုန်ထုတ်လုပ် ကိစ္စရပ်များတွင် စင်ကာပူနိုင်ငံ သည် နံပါတ်(၁) အလုပ်လုပ်ရန် အလွယ်ကူဆုံး နိုင်ငံဟု ဆိုပါသည်။

ယခုအခါ မြန်မာနိုင်ငံတွင် အမျိုးသား ပညာရေးစနစ်ကို ရေးဆွဲပြဋ္ဌာန်း လျက်ရှိသည်။ အမျိုးသား ပညာရေးစနစ် ထဲမှာပင် ဘက်စုံတွေးတော တတ်သော Visual Education ဘက်စုံပညာရေး စနစ်ကို ထည့်သွင်း ရေးဆွဲရမည် ဖြစ်သည်။ ဘက်စုံတွေးတော တတ်အောင် သင်ကြားပေးသော ပညာရေး စနစ်ကမှ ခေတ်မီပညာရေး စနစ်ဖြစ်သည်။ ဘက်စုံတွေးတော တတ်မှု မပါသော ပညာရေးသည် နိမ့်ကျသော ပညာရေးစနစ် ဖြစ်သည်။ 

ထို့ကြောင့် အမျိုးသားရေး စနစ် ရေးဆွဲပြဋ္ဌာန်း ရာတွင် သာမက လုပ်ငန်းဆောင်တာ အရပ်ရပ်လုပ် ဆောင်ရာတွင် ကြိုတွေး တတ်အောင်၊ ပြန်တွေး တတ်အောင်၊ ဘက်စုံ တွေးတတ်အောင် အလေ့အကျင့် ပြုလုပ်ရန် လိုကြောင်း တင်ပြရ ပါသည်။

မြ၀တီနေ့စဉ်သတင်းစာ ၊ စာ(၉)