ဒေါက်တာလွင်သန့် (ဆေး-၂)
ကျောက်ကပ်ဟာ ခန္ဓာကိုယ် တွင်းက အညစ်အကြေး တွေကို စွန့်တဲ့အင်္ဂါ တစ်ခုဖြစ်ပြီး ဝမ်းဗိုက် အပေါ်ပိုင်းရဲ့ အနောက် ကျောဘက်မှာ တည်ရှိတယ်။ ပဲခြမ်းစေ့ ပုံသဏ္ဌာန်ရှိပြီး ခန္ဓာကိုယ်တွင်းမှာ ရှိတဲ့ အရည်နဲ့ ဓာတ်ဆားမျှခြေ ကို ထိန်းထားတယ်။ ခန္ဓာ ကိုယ်တွင်းက အဆိပ်အတောက် တွေကို ပြင်ပ ရောက်အောင် စွန့်ထုတ် ပေးတယ်။ ကျောက်ကပ်ဆဲလ် တစ်ခုမှာ ပြွန်ငယ်၊ ဆံခြည်မျှင် သွေးကြော၊ ရေစစ်ပုံသဏ္ဌာန် အမျိုးမျိုး နဲ့ ဖွဲ့စည်းထားတဲ့ ကတော့ပုံသဏ္ဌာန် ပြွန်ငယ်လေးတွေ ကတစ်ဆင့် ခန္ဓာကိုယ်တွင်း က အရည်တွေကို ဆီးပြွန် အတွင်းကို ဝင်ရောက်စေတယ်။ အဲဒီကနေ ဆီးအိမ်အတွင်း ရောက်ရှိသွားတဲ့ အရည်တွေက ဆီးအိမ်ကို တင်းစေပြီး ဆီးအဖြစ် စွန့်ထုတ်တယ်။
ဒီလို ခန္ဓာကိုယ်တွင်းက အရည်တွေကို အဆင့်ဆင့် စစ်ထုတ်ပြီး ဆီးအဖြစ် စွန့်ထုတ်နိုင်အောင် လုပ်ဆောင်ပေးတဲ့ ကျောက်ကပ်မှာ အကြောင်း အမျိုးမျိုးကြောင့် ကျောက်တည်ရင် ကျောက်တွေ ပိတ်ဆို့နေလို့ အညစ်အကြေး စွန့်တဲ့ အလုပ်မလုပ် နိုင်တော့ပါဘူး။ ကျောက်ကပ် ရောဂါဟာ အပူပိုင်း ဒေသမှာ နေထိုင်သူတွေ အဖြစ်များတယ်။ အလုပ်ကြမ်း လုပ်လို့ ချွေးထွက်များသူ၊ ငါးပိ၊ ငါးခြောက်၊ ငံပြာရည်နဲ့ ဆားဓာတ်များတဲ့ အစားအစာ တွေကို နှစ်ရှည် စားသုံးသူ၊ ထုံးဓာတ် ပါဝင် မှုများတဲ့ ရေကို သောက်သုံးသူ နဲ့ ကွမ်း အလွန်အကျွံ စားသုံးသူ တွေမှာ အသက်ကြီး တဲ့အခါ သွေးတိုး ၅ဝ ရာခိုင်နှုန်း နဲ့ ကျောက်ကပ်ရောဂါ ၂ဝ ရာခိုင်နှုန်း တွေ့ရှိနိုင် ပါတယ်။
ခန္ဓာကိုယ်တွင်းမှာ လိုအပ်တဲ့ ရေပမာဏကို လုံလောက်အောင် မသောက်တဲ့ အခါ ဓာတ်ပစ္စည်း မမျှတဘဲ ချွေးထွက်များပြီး ရေဓာတ် ခန်းခြောက်မှု ဖြစ်လာတယ်။ ဆီးထဲ မပျော်ဝင်နိုင်တဲ့ အောက်ကလိတ် ကျောက်၊
ကယ်လ်စီယမ် ကျောက်၊ ယူရစ်အက်စစ် ကျောက် တွေဟာ ကျောက်ကပ်ရဲ့ ဆီးပို့ပြွန် တစ်လျှောက် နေရာ အနှံ့အပြားနဲ့ ဆီးအိမ်အတွင်းမှာ တွေ့ရတတ်တယ်။ ဆီးကျောက်တည် တဲ့ လက္ခဏာ တွေကတော့ အလွန်အမင်း ခါးနာခြင်း၊ ရုတ်တရက် ဗိုက်အောင့်ခြင်း၊ ဆီးသွားရ ခက်ခဲခြင်း၊ ဆီးကျဉ်ခြင်း၊ ဆီးကျန်ခြင်း တို့ဖြစ်ပါတယ်။
ကျောက်ကပ်မှာ ကျောက်စတည်ပြီ ဆိုရင် ကျောက်ကပ်ဟာ လုပ်ငန်း ကောင်းကောင်း မလုပ်နိုင်တဲ့ အတွက် ဆီးများခြင်း၊ ညဘက် မကြာခဏ ဆီးသွားခြင်းနဲ့ မျက်နှာကနေ စပြီး ဖောရောင်လာပြီး တစ်ကိုယ်လုံး ဖောရောင်ခြင်းတို့ ဖြစ်လာတယ်။ ယူရစ်အက်စစ် ကြောင့် ကျောက်တည်တာ အဖြစ်များတယ်။ ကိုယ်ဝန်ဆောင် တွေမှာ ကျောက်ကပ် ကျောက်တည်ခြင်း ဖြစ်တတ်တယ်။ နောက်ပြီး ကွမ်းစားသူတွေ ကွမ်းတံတွေး မျိုချရင် ကျောက်တည်တယ်။ ကျောက်ကပ် ကျောက်တည်ခြင်းရဲ့ နောက်ဆက်တွဲ ရောဂါတွေ အနေနဲ့ သွေးထဲမှာ ယူရစ်အက်စစ် များလာမယ်။ ခြေဆစ်လက်ဆစ် တွေမှာ ယူရစ်အက်စစ် စုပုံလာပြီး ဂေါက်ရောဂါ ဖြစ်စေတယ်။
ကျောက်တည်ခြင်း ရောဂါဟာ ကြာလာတဲ့အခါ ဆီးပြွန် အတွင်းမှာ အက်စစ်ဓာတ် များလာပြီး ဟိုက်ပါသိုင်းရွိုက် ရောဂါ၊ ယူရီးယားများတဲ့ ရောဂါနဲ့ ကျောက်ကပ် အားနည်းခြင်း ရောဂါတို့ ဖြစ်ပေါ် လာစေတယ်။ အာထရာဆောင်း ရိုက်ခြင်း၊ ဓာတ်မှန်ရိုက်ခြင်း၊ (ကိုယ်ဝန်ဆောင်များ မရိုက်ရပါ) ဆီးထဲ ကျောက်တည်မှု ရှိ၊ မရှိ စစ်ဆေးခြင်း၊ ဆီးအရောင် စစ်ဆေးခြင်းနဲ့ ကျောက်ပါဝင်မှု စစ်ဆေးခြင်းတို့ ပြုလုပ်နိုင်တယ်။ မစားသင့်တဲ့ အစားအစာ တွေကတော့ နို့နဲ့ နို့ထွက်ပစ္စည်း အမျိုးမျိုး၊ ငါးပိ၊ ငါးခြောက်၊ ငံပြာရည်၊ အမဲသား၊ သိုးသား၊ ဆိတ်သား၊ ကြက်ဆင်သား၊ ပင်လယ်စာတွေ ဖြစ်တဲ့ ပင်လယ်ခရု၊ ခုံး၊ ပုစွန်၊ ကဏန်းစတာ တွေမှာ မီးစုန်းဓာတ် ပါလို့ ကျောက်ကပ် ပျက်စီးစေတယ်။
အရက်၊ ဘီယာ၊ ပြုပြင်ထားတဲ့ အစားအစာ အမျိုးမျိုး၊ ကော်ဖီ၊ လက်ဖက်ရည်၊ ချောကလက်၊ ဝက်အူချောင်း၊ တညင်းသီးနဲ့ ကွမ်းယာ စတာတွေ ကိုတော့ ရှောင်သင့်ပါတယ်။
ကျောက်ကပ်ရောဂါ ဟာ အန္တရာယ်များပြီး တိတ်တဆိတ် လူသတ်သမား အဖြစ် သတ်မှတ်ခံထား ရတဲ့ရောဂါ ဖြစ်လို့ ရောဂါ မဖြစ်အောင် အစားအသောက် ဆင်ခြင်ရ ပါမယ်။ နေ့စဉ် ရေ ၂ လီတာ (နှစ်ပုလင်း) အနည်းဆုံး သောက်ရမယ်။ အထူးသတိထား ရမှာကတော့ တညင်းသီး တစ်လုံးဟာ ကျောက်ကပ်ဆဲလ် တစ်လုံး ပျက်စီးစေလို့ ဂရုပြုသင့်ပါတယ်။ ရှောင်ကြဉ်ရ ပါမယ်။
မြ၀တီနေ့စဉ် ၊ စာ(၁၂)
No comments:
Post a Comment