တပ်မတော်မှ ပါရဂူများနှင့် ဆေးမှူးများ ဝေးလံခေါင်းပါး ဒေသများရှိ တိုက်နယ်ဆေးရုံများ၌ ဆေးကုသမှုခံယူနေသူများကို ကျန်းမာရေး စောင့်ရှောက်မှု လုပ်ငန်းများ ဆောင်ရွက်ပေးစဉ်
နေပြည်တော် ၊ ၇-၆-၂၀၁၆
စစ်ကိုင်းတိုင်း ဒေသကြီး၊ ချင်းပြည်နယ်နှင့် နာဂကိုယ်ပိုင် အုပ်ချုပ်ခွင့်ရ ဒေသများ အတွင်း ဝေးလံခေါင်းပါး ၍ လမ်းပန်း ဆက်သွယ်ရေး ခက်ခဲသော ဒေသများရှိ ဒေသခံ ပြည်သူများ၏ ကျန်းမာရေး မြှင့်တင်ပေးရန် အတွက် မြို့နယ်နှင့် တိုက်နယ်ဆေးရုံ များ၌ ဆရာဝန် လိုအပ်ချက်များ ရှိသဖြင့် တပ်မတော်မှ ပါရဂူများ၊ ဆေးမှူးများက မိမိသဘော ဆန္ဒအလျောက် သွားရောက် တာဝန် ထမ်းဆောင်ကာ မတ်လ လလယ်ပိုင်းမှ စတင်၍ ဒေသခံ ပြည်သူများ၏ ကျန်းမာရေး စောင့်ရှောက်မှု လုပ်ငန်းများကို အရှိန်အဟုန်မြှင့် ဆောင်ရွက် ပေးလျက် ရှိသည်။
ထိုသို့ ဆောင်ရွက် ပေးလျက်ရှိရာ မတ် ၂၂ ရက်မှ ဇွန် ၅ ရက်အထိ နာဂကိုယ်ပိုင် အုပ်ချုပ်ခွင့်ရ ဒေသ ပန်ဆောင်မြို့နယ်၊ နန်းယွန်းမြို့နယ်၊ ဒုံဟီးမြို့နယ် အတွင်းရှိ မြို့နယ်/ တိုက်နယ် ဆေးရုံသုံးခု၌ ပန်ဆောင်၊ နန်းယွန်း၊ ဒုံဟီးနှင့် ပတ်ဝန်းကျင် ကျေးရွာများမှ ဒေသခံပြည်သူ ၄၁၈၅ ဦး၊ ခန္တီးမြို့နယ်၊ လဟယ်မြို့နယ် နှင့် လေရှီးမြို့နယ် အတွင်းရှိ မြို့နယ်/ တိုက်နယ် ဆေးရုံရှစ်ခု၌ ကောင်းဟိန်း၊ လေရှီး၊ ဆွမ္မရာ၊ ပန်ဆပ်၊ မိုပိုင်းလွတ်၊ လဟယ်၊ ယမ်းကြုံး၊ ထန်ပါခွေနှင့် ပတ်ဝန်းကျင် ကျေးရွာများမှ ဒေသခံပြည်သူ ၄၇၆၁ ဦး၊ ချင်းပြည်နယ်၊ ဟားခါးမြို့နယ်၊ တွန်းဇံမြို့နယ်၊ ထန်တလန်မြို့နယ်၊ ကျီခါးမြို့နယ် အတွင်းရှိ မြို့နယ်/ တိုက်နယ်ဆေးရုံ ခုနစ်ခု၌ ဆူရ်ခွား၊ ထန်တလန်၊ လုံလဲ၊ မှောင်တလန်၊ တွန်းဇံ၊ ကျီခါး၊ ရိဒ်နှင့် ပတ်ဝန်းကျင် ကျေးရွာများမှ ဒေသခံပြည်သူ ၅၃ဝ၂ ဦးနှင့် ချင်းပြည်နယ်၊ မတူပီမြို့နယ် နှင့် မင်းတပ်မြို့နယ် အတွင်းရှိ မြို့နယ်/ တိုက်နယ်ဆေးရုံ လေးခု၌ ဝမ္မသူး၊ မတူပီ၊ ရေဇွာ၊ လိုင်လင်းပီနှင့် ပတ်ဝန်းကျင် ကျေးရွာများမှ ဒေသခံပြည်သူ ၃၈၂၆ ဦး၊ စုစုပေါင်း ဒေသခံပြည်သူ ၁၈ဝ၇၄ ဦးတို့အား ဆေးကုသမှု ဆိုင်ရာရောဂါ၊ ခွဲစိတ် ရောဂါများ၊ ကလေးရောဂါများ၊ သားဖွားမီးယပ် ရောဂါများ၊ အရိုးရောဂါများ၊ မျက်စိ ရောဂါများ၊ နား၊ နှာခေါင်း၊ လည်ချောင်း ရောဂါများ၊ သွားရောဂါများ၊ ကိုယ်ဝန်ဆောင် မိခင်များ မီးဖွားပေးခြင်း နှင့် အခြား လိုအပ်သည့် ကျန်းမာရေး စောင့်ရှောက်မှု လုပ်ငန်းများကို ဆောင်ရွက်ပေး နိုင်ခဲ့သည်။
ဆက်လက်၍လည်း ၄င်းဒေသများရှိ ဒေသခံ ပြည်သူများ၏ ကျန်းမာရေး မြှင့်တင်မှုအား အရှိန်အဟုန်မြှင့် ဆောင်ရွက်ပေး သွားမည် ဖြစ်ကြောင်း သတင်း ရရှိသည်။ (၁၀၀)
မြ၀တီနေ့စဉ် ၊ စာ(၁၅)
No comments:
Post a Comment