နွားထိုးကြီး ၊ ၂-၆-၂၀၁၆
ယခုနှစ်ပိုင်း အတွင်း ရာသီဥတု ဖောက်ပြန်မှု များကြောင့် ကမ္ဘာပေါ်တွင် မြန်မာနိုင်ငံ ၌သာရှိ သော မြန်မာ့ကြယ်လိပ် များ မျိုးရိုးဗီဇ ပြောင်းလဲမှု ဖြစ်ပေါ်လာသည် ဟု သစ်တော ထိန်းသိမ်းမှု ဆိုင်ရာ လုပ်ငန်းများ အခြေခံ လူတန်းစား များ၏ စွမ်းဆောင်ရည် မြှင့်တင်ရေး စီမံကိန်း REED မှ တာဝန်ရှိသူ တစ်ဦးက ပြောပြသည်။
ကြယ်လိပ်များမှာ မြန်မာ့ဒေသ မျိုးရင်းမျိုးစိတ် များဖြစ်ပြီး ၄င်းတို့ကို နွားထိုးကြီး မြို့နယ် မင်းစုံတောင် တွင် ထိန်းသိမ်း ထားရှိကြောင်း ၄င်းက ဆက်လက် ပြောပြသည်။
ကြယ်လိပ် များကို မြန်မာနိုင်ငံ ၌သာ တွေ့မြင်နိုင် သဖြင့် တန်ဖိုးရှိသော မျိုးစိတ်များ ဖြစ်ပြီး မင်းစုံတောင်တွင် ခြံဖြင့် မွေးမြူ၍ စနစ်တကျ ထားရှိကြောင်း သိရ သည်။
''မြန်မာနိုင်ငံမှာ ဒေသမျိုးရင်း အဖြစ် ကြယ်လိပ်နဲ့ ရခိုင်တောင်လိပ် ကိုတွေ့ရပြီး သူတို့က တခြား ရေမြေဒေသ တွေမှာ မျိုးပွားဖို့ အခက်အခဲ ရှိတယ်''ဟု အဆိုပါ တာဝန်ရှိသူက ပြောပြသည်။ ရာသီဥတု ပြောင်းလဲမှုကြောင့် မျိုးရိုးဗီဇများ ပြောင်းလဲခြင်းကို ၂ဝဝ၅-၂ဝဝ၆ ခုနှစ်မှ စတင်၍ သိသာလာပြီး ရာသီဥတု ဖောက်ပြန်မှု ပိုမိုများပြား လာသော ယနေ့ ကာလတွင် ပိုမို၍ ဂရုစိုက် မွေးမြူနေ ရကြောင်း သိရသည်။
မျိုးရိုးဗီဇ ပြောင်းလဲမှုတွင် လိပ်ဥများ မပေါက်ဖွား နိုင်ခြင်း၊ ရံဖန်ရံခါ အထီးများချည်း ဖြစ်နေခြင်း၊ ရံဖန်ရံခါတွင် အမများချည်း ဖြစ်နေခြင်း၊ မျိုးပွားရန် အခက်အခဲ ဖြစ်နေခြင်း စသည်တို့ ပါဝင်ကြောင်း သိရသည်။ ကြယ်လိပ်ဥ မျိုးပွားခြင်း နှင့် ပတ်သက်၍ စစ်ဆေးရာတွင် လည်း အမှတ်အသား များဖြင့် သတိထား ကိုင်တွယ်ရပြီး လိပ်ဥကို ဟိုဘက် သည်ဘက်သို့ ပြောင်းလဲ ရုံမျှနှင့်ပင် ဥပေါက်ဖွား မှုတွင် အခက်အခဲများ ကြုံတွေ့ နိုင်ကြောင်း သိရသည်။
ရာသီဥတု ဖောက်ပြန်မှုကြောင့် မျိုးရိုးဗီဇ ပြောင်းလဲဖြစ်ပွား ရခြင်းများတွင် ကြယ်လိပ်များ အပြင် အခြားသားကောင် များလည်း ဖြစ်ပေါ်နိုင်ကြောင်း သိရသည်။ ကြယ်လိပ် ကဲ့သို့ပင် ဒေသမျိုးရင်း ဖြစ်သော ရခိုင်တောင်လိပ် မှာ ခြံနှင့်မွေးမြူခြင်း ထက် သဘာဝအတိုင်း မွေးမြူခြင်းက ဥပေါက်ဖွား မှုနှင့် ရှင်သန်မှုကို ပိုမိုအားကောင်း စေပြီး ခြံနှင့် မွေးမြူခြင်း များတွင် ပြုစုမှုများကို ပိုမို ဆောင်ရွက် နိုင်သော်လည်း ဥမဥနိုင်ခြင်း၊ အကောင် မပေါက်နိုင်ခြင်း စသည့် အခြေအနေများ ကြုံတွေ့ ရကြောင်း သိရသည်။ (၁၇၂)
ရတနာပုံနေ့စဉ် ၊ စာ(၅)
No comments:
Post a Comment