ရန်ကုန် ၊ ၅-၆-၂၀၁၆
ရန်ကုန်တိုင်း ဒေသကြီး၌ ၂ဝ၁၆ ခုနှစ် ဇန်နဝါရီ ၁ ရက်မှ မေ ၃၁ ရက်အထိ လူပျောက်မှု တိုင်ကြားချက် ၂ဝဝ ကျော် ရှိခဲ့ရာ ၁ဝဝ ကျော်သာ ပြန်လည်တွေ့ရှိ ခဲ့ပြီး အသက် ၁၆ နှစ်အောက် အရွယ် ကလေးငယ် ၆၁ ဦးမှာ ပျောက်ဆုံးနေဆဲ ဖြစ်ကြောင်း ရန်ကုန်တိုင်း ဒေသကြီး ရဲတပ်ဖွဲ့မှူးရုံး မှ သိရသည်။
ယင်းသို့ ပျောက်ဆုံးနေသည့် ကလေးငယ် ၆၁ ဦးတွင် အသက် ၁ဝ နှစ်မှ ၁၆ နှစ်ကြားရှိ အမျိုးသမီး ၄၄ ဦး၊ အမျိုးသား ၁၂ ဦးနှင့် ၁ဝ နှစ်အောက် ကလေးငယ် ငါးဦးတို့ ဖြစ်ပြီး အလည်လွန် ရာမှ ပျောက်ဆုံးခဲ့ မှုသည် အများဆုံး ဖြစ်ကြောင်း သိရသည်။
ယခုနှစ်အတွင်း ၁ဝ နှစ်အောက် ကလေးငယ် လူပျောက် တိုင်ကြားမှု ပေါင်း ၁၈ မှုရှိခဲ့ရာ ကလေးငယ် ၁၃ ဦးကို ပြန်လည် တွေ့ရှိခဲ့ပြီး ကလေးငယ်များ ထပ်မံ မပျောက်ဆုံး စေရန် အုပ်ထိန်းသူ မိဘများနှင့် စာသင် ကျောင်းများမှ ဆရာ၊ ဆရာမများကို ရဲတပ်ဖွဲ့က မှုခင်း အသိပညာပေး ဆွေးနွေးပွဲများ ဆောင်ရွက်ပေး ခဲ့ကြောင်း သိရသည်။
၂ဝ၁၅ ခုနှစ်တွင် ရန်ကုန်တိုင်း ဒေသကြီး အတွင်း လူပျောက် တိုင်ကြားသည့် အမှုပေါင်း ၁၆ဝဝ ကျော်ရှိခဲ့ပြီး ၁၁၉၉ ဦးကို ပြန်လည်တွေ့ရှိခဲ့ သော်လည်း လူ ၄၅ဝ ကျော်မှာ ပျောက်ဆုံးနေဆဲ ဖြစ်ကြောင်း၊ ယင်း လူပျောက်ဆုံးမှု ဖြင့် တိုင်ချက်ဖွင့်သူ များတွင် အမျိုးသမီး အများစု ပါဝင်ခဲ့ပြီး အသက် ၁၈ နှစ်မှ ၃ဝ နှစ်အရွယ် ကြားရှိ အမျိုးသမီးများ အလုပ်သွား အလုပ်ပြန်ရာမှ ပျောက်ဆုံး ခဲ့ကြောင်း၊ ၁ဝ နှစ်အောက် ကလေးငယ် ပျောက်ဆုံးမှုမှာ ၁ဝ မှုခန့်သာ ရှိခဲ့ကြောင်း သိရသည်။ (၄၄၇)
မြ၀တီနေ့စဉ် ၊ စာ(၅)
No comments:
Post a Comment