မြန်မာနိုင်ငံ နယ်ခြားစောင့် ရဲတပ်ဖွဲ့နှင့် ဘင်္ဂလားဒေ့ရ်ှနိုင်ငံ BGB အဖွဲ့တို့ ပစ်ခတ်မှုဖြစ်ပွား

ဘင်္ဂလားဒေ့ရ်ှနိုင်ငံ BGB အဖွဲ့မှ တပ်ကြပ် ရာဇတ် ကို လက်နက်ခဲယမ်း များနှင့်အတူ တွေ့ရစဉ်

နေပြည်တော် ၊ ၁၉-၆-၂၀၁၅

မောင်တောမြို့နယ်၊ ရေတွင်းကျွန်းချောင်း ကျေးရွာအနီး ရှိ ကင်းစခန်းမှ နယ်ခြားစောင့် ရဲတပ်ဖွဲ့ဝင် များသည် ဇွန် ၁၇ ရက် နံနက် ၆ နာရီခွဲတွင် မြန်မာ- ဘင်္ဂလားဒေ့ရှ် နယ်စပ် ခြံစည်းရိုး တစ်လျှောက် လှည့်ကင်း ဆောင်ရွက်လျက် ရှိစဉ် နတ်မြစ်၏ မြန်မာနိုင်ငံပိုင် ရေနယ်နိမိတ် အတွင်း ဘင်္ဂလားဒေ့ရှ် နိုင်ငံ Border Guard of Bangladesh (BGB) ယူနီဖောင်း ဝတ်ဆင်ထားသူ တစ်ဦး အရပ်ဝတ် ဝတ်ဆင်ထားသူ နှစ်ဦး စုစုပေါင်း သုံးဦးပါဝင်သော လှေတစ်စင်း ဝင်ရောက် လာသည်ကို တွေ့ရှိရသဖြင့် သွားရောက် မေးမြန်း စစ်ဆေးရာ လှေပေါ်မှ လက်နက်ငယ် နှစ်လက်ဖြင့် ကိုးချက်ခန့် စတင် ပစ်ခတ်ခဲ့သည်။

ထိုသို့စတင် ပစ်ခတ်သဖြင့် မြန်မာနိုင်ငံ နယ်ခြားစောင့် တပ်ဖွဲ့မှ ပြန်လည် ပစ်ခတ် ဖမ်းဆီးခဲ့ရာ BGB ယူနီဖောင်း ဝတ်ဆင်ထားသူ တစ်ဦးကို အမ် (၂၂) သေနတ် တစ်လက်၊ ၄င်းကျည်အိမ် တစ်ခု ၊ ကျည် ၂၁ တောင့်နှင့် အတူ ဖမ်းဆီးရမိ ခဲ့ပြီး ကျန်နှစ်ဦးမှာ ထွက်ပြေး လွတ်မြောက် သွားခဲ့သည်။ ဖြစ်စဉ်တွင် နယ်ခြားစောင့် ရဲတပ်ဖွဲ့ဝင် တစ်ဦးဒဏ်ရာ အနည်းငယ် ရရှိခဲ့သည်။

ဖမ်းဆီးရမိ BGB ယူနီဖောင်း ဝတ်ဆင်ထား သူအား ပဏာမ စစ်ဆေးမေးမြန်း ချက်အရ ၄င်းမှာ No(42) BGB တပ်ရင်း ကွပ်ကဲမှုအောက် ဒုံဒုံမျှာစခန်းမှ ကိုယ်ပိုင်အမှတ် BGB-6048 တပ်ကြပ် ရာဇတ် ဖြစ်ကြောင်း၊ထွက်ပြေးသွားသူ နှစ်ဦးမှာ တပ်သား ဘီဖလော နှင့် တပ်သား ဘယ်လာ တို့ဖြစ်ကြောင်း၊ ၄င်းဦးစီး BGB တပ်ဖွဲ့ဝင် သုံးဦးသည် စက်လှေဖြင့် ဘင်္ဂလားဒေ့ရှ် နိုင်ငံဘက်ခြမ်း နတ်မြစ်အတွင်း လှည့်ကင်းတာဝန် ထမ်းဆောင်ချိန် ဘင်္ဂလားဒေ့ရ်ှနိုင်ငံ ဘက်မှ မြန်မာနိုင်ငံ ဘက်ခြမ်းသို့ လှေနှစ်စင်း လှော်ခတ်သွားမှုကို တွေ့ရှိရသဖြင့် လိုက်လံ ဖမ်းဆီးစဉ် မြန်မာနိုင်ငံပိုင် နယ်နိမိတ် အတွင်းသို့ ရောက်ရှိခဲ့ခြင်း ဖြစ်ကြောင်း ၊ ထိုသို့ ရောက်ရှိချိန် မြန်မာနိုင်ငံ နယ်ခြားစောင့် ရဲတပ်ဖွဲ့ဝင် များနှင့် တွေ့ဆုံခဲ့ပြီး အဖမ်းခံ ရမည်ကို ကြောက်လန့်သဖြင့် ဘင်္ဂလားဒေ့ရှ် နိုင်ငံဘက်သို့ ထွက်ပြေးရန် ဟန့်တားသည့် သဘောဖြင့် စတင်ပစ်ခတ် ခဲ့ခြင်းဖြစ်ကြောင်း သိရှိရသည်။

ဒေသခံအချို့၏ ဖော်ထုတ်ချက် အရ ၂ဝ၁၅ ခုနှစ်အတွင်း စက်လှေပေါ်တွင် BGB ဝတ်စုံနှင့် လက်နက်များ ကိုင်ဆောင်ထားသူ များသည် မြန်မာနိုင်ငံ ရေနယ်နိမိတ် အတွင်း ငါးဖမ်းလျက် ရှိသော ဒေသခံများထံမှ ငါးဖမ်းပိုက်များ ၊ ငါးများ ၊ လောင်းလှေများကို ခြိမ်းခြောက် ယူဆောင်ခြင်းများ နှစ်ကြိမ်ပြုလုပ် ခဲ့ကြောင်း နှင့် အဆိုပါ ဖြစ်စဉ်များတွင် ဒေသခံ များ၏ မျက်မြင် သက်သေအရ ယခု ဖမ်းဆီးရမိသည့် BGB မှ တပ်ကြပ် ရာဇတ် ပါဝင်ကြောင်း ဖော်ထုတ် သိရှိရသည်။

ဖမ်းဆီး ရမိသည့် BGB မှ တပ်ကြပ် ရာဇတ် ကို ငါးခူရကျေးရွာ ရှိ နယ်ခြားစောင့် ရဲတပ်ဖွဲ့ခွဲ ၌ ခေတ္တ ထိန်းသိမ်းထားပြီး လိုအပ်သည့် စစ်ဆေးမှုများ ဆောင်ရွက်လျက် ရှိကြောင်း သိရှိရသည်။

#Themyawadydaily