ရန်ကုန် ၊ ၂-၁၂-၂၀၁၄
မြန်မာနိုင်ငံ၌ နိုင်ငံခြားသား အမြဲတမ်း နေထိုင်ခွင့် (RP)ကို တစ်နှစ်လျှင် အမေရိကန် ဒေါ်လာ တစ်ထောင်ခန့် ပေးသွင်း၍ ဒီဇင်ဘာ ၆ ရက်မှ စတင် လျှောက်ထားနိုင် ပြီဖြစ်ရာ အဆိုပါ အမြဲတမ်း နေထိုင်ခွင့် (PR) ဖြင့် ပြည်တွင်း၌ လာရောက် နေထိုင်သော နိုင်ငံခြားသား များသည် မြန်မာ နိုင်ငံသားများ ကဲ့သို့ပင် အခွန်ထမ်းဆောင် ရမည် ဖြစ်ကြောင်း ပြည်တွင်း အခွန်များ ဦးစီးဌာနမှ တာဝန်ရှိသူ တစ်ဦး၏ ပြောကြားချက် အရ သိရသည်။
ပြည်တွင်း၌ ရက်ပေါင်း ၁၈၃ ရက်ထက်မနည်း နေထိုင်သ များကို ပြည်တွင်းနေ နိုင်ငံခြားသားများ အဖြစ် သတ်မှတ်ထားပြီး ၄င်းတို့သည် မြန်မာနိုင်ငံသားများ အခွန် ထမ်းဆောင် ရသည့် နှုန်းထားများ အတိုင်း ပေးဆောင်ရမည် ဖြစ်ကြောင်းနှင့် ၁၈၃ ရက် ထက် လျော့နည်း၍ နေထိုင်သူများကို ပြည်ပနေ နိုင်ငံခြားသားများ အဖြစ်သာ သတ်မှတ် ထားသည့်အတွက် အခွန်ပို ထမ်းဆောင် ရကြောင်း သိရသည်။
သို့ဖြစ်၍ လူဝင်မှု ကြီးကြပ်ရေး နှင့် ပြည်သူ့အင်အား ဝန်ကြီးဌာနမှ အတည်ပြု ထုတ်ပြန်ခဲ့သော နည်းဥပဒေ အရ အမြဲတမ်း နေထိုင်ခွင့် (PR) ရရှိသော နိုင်ငံခြားသား များသည် ပြည်တွင်းနေ နိုင်ငံသားများ အတွက် ပြဋ္ဌာန်း ထားသော ဝင်ငွေခွန် ဥပဒေအတိုင်း အခွန် ပေးဆောင်စေခြင်း ဖြစ်ကြောင်း သိရသည်။ ထိုသို့ အခွန် ထမ်းဆောင် ရာတွင် ပြည်ထောင်စု အခွန်အကောက ဥပဒေပါ ဖော်ပြချက် အရ နိုင်ငံသားများနှင့် ပြည်တွင်းနေ နိုင်ငံခြားသား များသည် ၄င်းတို့ ဝင်ငွေ၏ သုည ရာခိုင်နှုန်းမှ ၂၅ ရာခိုင်နှုန်း အထိ အခွန်ထမ်းဆောင် ကြရပြီး ပြည်ပနေ နိုင်ငံခြားသားများ အဖြစ် သတ်မှတ်ခံ ရသူများကို ဝင်ငွေ၏ ၃၅ ရာခိုင်နှုန်း အထိ ထမ်းဆောင် စေကြောင်း သိရသည်။
အမြဲတမ်း နေထိုင်ခွင့် ရရှိသူများသည် နိုင်ငံအတွင်း၌ အများဆုံး ငါးနှစ်ကြာသည် အထိ နေထိုင်ခွင့် ရရှိမည်ဖြစ်ပြီး (PR) လျှောက်ထားခ အဖြစ် အသက် ၁၈ နှစ်အထက် နိုင်ငံခြားသား များသည် တစ်နှစ်လျှင် အမေရိကန် ဒေါ်လာ ၁ဝဝဝ၊ မြန်မာ နိုင်ငံသားဟောင်း များသည် တစ်နှစ်လျှင် အမေရိကန် ဒေါ်လာ ၅ဝဝ နှင့် အသက် ၇ နှစ်အထက် ကလေးများကို တစ်နှစ်လျှင် အမေရိကန် ဒေါ်လာ ၃ဝဝ ပေးသွင်းရန် သတ်မှတ် ထားကြောင်း သိရသည်။
ဆောင်းဦး
#Themyawadydaily
#မြ၀တီနေ့စဉ်
No comments:
Post a Comment