မိုဘိုင်းလ်ဖုန်း နှင့် နောက်ဆက်တွဲ ဆိုးကျိုး အန္တရာယ်
မိုဘိုင်းလ်ဖုန်းများ၏ လက်တွေ့ ကျကျ အသုံးဝင်မှုကြောင့် ပညာရေး၊ စီးပွားရေး၊ ကျန်းမာရေး၊ စစ်ရေးနှင့် နိုင်ငံရေး စသော ကဏ္ဍ အသီးသီး၌ မိုဘိုင်းလ်ဖုန်း များ၏ အရေးပါမှုက ထိပ်တန်း အဆင့်သို့ ရောက်ရှိ လာခဲ့သည်။ မိုဘိုင်းလ် ဖုန်း၏ အကျိုးကျေးဇူး များကို ခံစား နေကြရ ချိန်တွင် လွန်ခဲ့သော ၁ဝ စုနှစ် နှစ်စုမျှ ကာလခန့်မှ စတင်၍ မိုဘိုင်းလ် ဖုန်းများ၏ ဆိုးကျိုးဖြစ်စေ မှုများကို သုတေသီ တို့က ရှာဖွေတွေ့ရှိ ခဲ့ကြသည်။
မိုဘိုင်းလ်ဖုန်း များသည် ဓာတု အဆိပ်သင့် စေနိုင်သည်ဟု လည်းကောင်း၊ ကင်ဆာရောဂါ အမျိုးမျိုး ကို ဖြစ်စေ နိုင်သည်ဟု လည်းကောင်း၊ မိုဘိုင်းလ်ဖုန်း ၏ ဓာတ်ရောင်ခြည် ဖြာထွက်မှု သည် ကင်ဆာ ရောဂါများ အပေါ် အဆများစွာ ပြင်းထန် လာစေသည် ဟု လည်းကောင်း၊ မိုဘိုင်းလ်ဖုန်း များက ထုတ်လွှတ်သည့် လှိုင်းများကြောင့် အာရုံကြော ဆိုင်ရာ ရောဂါများ ဖြစ်စေသည် ဟု လည်းကောင်း၊ သွေးတိုးနှင့် နှလုံးရောဂါ များကို ဖြစ်စေသည် ဟု လည်းကောင်း အမျိုးပေါင်း များစွာသော ဝေဖန် ထောက်ပြ မှုများ ရှိသောကြောင့် လူမှု ပတ်ဝန်းကျင် ၌ မိုဘိုင်းလ်ဖုန်း နှင့် မကင်းနိုင် ကြသူများ ရတက်မအေး ဖြစ်ကြ ရသည်။
မျက်မှောက် ကာလတွင် ကမ္ဘာပေါ်၌ မိုဘိုင်းလ်ဖုန်း သုံးစွဲနေသူ ဦးရေမှာ ကမ္ဘာ့ လူဦးရေ စုစုပေါင်း၏ ထက်ဝက်ကျော် မျှရှိနေသည်။ အချို့က မိုဘိုင်းဖုန်း ကို နေအိမ်နှင့် လုပ်ငန်းခွင် ၌ ရှိနေစဉ် စက်ပိတ် ထားပြီး အချို့က မိုဘိုင်းဖုန်း ကို ၂၄ နာရီ ဖွင့်ထား ကြသည်။ အချို့က ဖုန်းကို အချိန် ကြာမြှင့်စွာ ပြောတတ် ကြခြင်း၊ အချို့က သီချင်း နားထောင်ခြင်း နှင့် အချို့က Games ကစားခြင်း များဖြင့် အချိန်ကို ကုန်စေတတ် ကြသည်။
မိုဘိုင်းလ်ဖုန်း များသည် လုပ်ငန်းသုံး ကွန်ပျူတာ နှင့် ကိုယ်ပိုင်သုံး ကွန်ပျူတာ များကဲ့သို့ပင် ဓာတ်ရောင်ခြည် ဖြာထွက်မှု ( Radiation ) ရှိသော်လည်း ပမာဏ အလွန်နည်း သည့်အတွက် ဆက်သွယ် ပြောဆိုသည့် အကြိမ်ရေ နှင့် အချိန် အတိုင်းအတာ နည်းသူများက ဓာတ်ရောင်ခြည် အန္တရာယ် ကို စိုးရိမ်ပူပန် ရန် မလိုပေ။ သို့သော် မိုဘိုင်းလ်ဖုန်း ကို တစ်နေ့တာ အတွင်း အကြိမ်ရေ များစွာ ပြောသူများ၊ တစ်ကြိမ် ပြောလျှင် နာရီနှင့်ချီ၍ ကြာမြင့်သူများ၊ အအိပ်အနေ နည်းလွန်းပြီး မိုဘိုင်းဖုန်းကို မကြာခဏ သုံးစွဲလေ့ ရှိသူများ အတွက် မိုဘိုင်းလ်ဖုန်း ဆိုးကျိုး သက်ရောက်မှု က အင်အား ကြီးမား လာနိုင်သည်ကို သတိပြု ကြရမည် ဖြစ်သည်။
ထိုသို့သော အလေ့အကျင့် ရှိသူများ အတွက် မှတ်ဉာဏ် ယုတ်လျော့ ကျဆင်းလာခြင်း၊ ခေါင်းကိုက်ရောဂါ စွဲကပ်လာခြင်း၊ အကြောများ အားနည်း လာခြင်း၊ သတိမေ့လျော့ တတ်လာခြင်း၊ အာရုံကြော စနစ်များ ချို့ယွင်း လာခြင်း၊ မိမိကိုယ်ကို ယုံကြည်မှု နည်းပါးလာခြင်း စသော နောက်ဆက်တွဲ ဆိုးကျိုးများ ဖြစ်ပေါ်လာ နိုင်စေသည်။
အလားတူ မိုဘိုင်းလ်ဖုန်းကို အိပ်ရာဘေး၌ ထား၍ အိပ်စက်ခြင်း သည် မိုဘိုင်းလ်ဖုန်းမှ ထွက်ပေါ် လာသည့် လျှပ်စစ် သံလိုက်လှိုင်း များက အချိန် ကြာမြင့်စွာ ရိုက်ခတ်မှု ကြောင့် ဦးနှောက်၏ လုပ်ဆောင်ချက် များအပေါ် ထိခိုက်လာနိုင် စေသည်။ နုနယ်သော ကလေးများကို မိုဘိုင်းလ်ဖုန်း သုံးစွဲခြင်း နှင့် ကိုယ်ဝန်ဆောင် မိခင်လောင်းများ မိုဘိုင်းလ်ဖုန်း ဖြင့် အချိန် ကြာမြင့်စွာ ဆက်သွယ် ပြောဆိုခြင်း တို့သည် ကလေးငယ် တို့၏ မှတ်ဉာဏ်နှင့် ဉာဏ်ရည် ဖွံ့ဖြိုးမှုကို ထိခိုက် စေနိုင်သည်။
သို့ဖြစ်ရာ ခေတ်ကာလနှင့် အညီ ပေါ်ထွန်း လာသော အခွင့်အရေး တစ်ရပ်အဖြစ် မိုဘိုင်းလ် ဆက်သွယ်ရေး ဖုန်းများကို အသုံးပြု နေသူများနှင့် အသုံးပြု ကြမည့် သူများ အနေဖြင့် မိုဘိုင်းလ်ဖုန်း အသုံးပြု ခြင်းကြောင့် ဖြစ်ပေါ် လာနိုင်သောနောက်ဆက်တွဲ ဆိုးကျိုးများ၏ အန္တရာယ်မှ လွတ်ကင်း စေမည့် နည်းလမ်း များကို ရှာဖွေကာ သတိပြု ဆင်ခြင်သင့် ပါကြောင်း အကြံပြု ရေးသား လိုက်ရပေသည်။
( အယ်ဒီတာ့အာဘော် )
#Yadanarpondaily
#ရတနာပုံနေ့စဉ်
No comments:
Post a Comment