ရန်ကုန် ၊ ၄-၈-၂၀၁၄
မြန်မာ - ဂျပန်အသင်း ( MJA ) က ဦးစီး၍ ၂ဝ၁၄ ခုနှစ် တက္ကသိုလ်ဝင် စာမေးပွဲတွင် ထူးချွန်စွာ အောင်မြင် ခဲ့ကြသည့် ကျောင်းသား၊ ကျောင်းသူများ အနက် ၂ဝ ဦးအား ရွေးချယ်ပြီး ဖြစ်၍ '' မြန်မာ - ဂျပန်အသင်း ပညာရည် ထူးချွန်ဆု ဂျပန်နိုင်ငံ လေ့လာရေး ခရီး အစီအစဉ် ၂ဝ၁၄ '' အဖြစ် ၂ဝ၁၄ ခုနှစ် စက်တင်ဘာ လဆန်းတွင် ဂျပန်နိုင်ငံသို့ ၇ ညအိပ် ၈ ရက် လေ့လာရေး အား စေလွှတ် သွားမည် ဖြစ်ကြောင်း သိရသည်။
ထို အစီအစဉ် အတွက် နေပြည်တော် ကောင်စီ နယ်မြေ အပါအဝင် တိုင်းဒေသကြီး နှင့် ပြည်နယ် အလိုက် သတ်မှတ် ထားသည့် အဆင့်ဝင်သူ သိပ္ပံ ဘာသာတွဲမှ ၈ဝ နှင့် ဝိဇ္ဇာ ဘာသာတွဲမှ ၂၁ ဦး စုစုပေါင်း ၁ဝ၁ ဦးထံ အဆိုပြုလွှာများ ခေါ်ယူခဲ့ရာ ၉၉ ဦးထံမှ အဆိုပြုလွှာများ လက်ခံ ရရှိခဲ့ကြောင်း၊ ထိုသူများ အနက်မှ အသင်းက ချမှတ် ထားသော ထူးချွန် ကျောင်းသားများ ရွေးချယ်ရေး အခြေခံမူများ နှင့်အညီ စိစစ်ပြီး သိပ္ပံ ဘာသာတွဲမှ ၄ဝ၊ ဝိဇ္ဇာ ဘာသာတွဲမှ ၁၂ ဦး စုစုပေါင်း ၅၂ ဦးအား လူတွေ့ စစ်ဆေးရန် ခေါ်ယူ၍ ရန်ကုန်၊ နေပြည်တော် နှင့် မန္တလေး တို့တွင် လူတွေ့ စစ်ဆေးမှုများ ပြုလုပ်ခဲ့ကြောင်း သိရသည်။
လူတွေ့ စစ်ဆေး ပြီးနောက် အသင်း၏ ထူးချွန် ကျောင်းသားများ ရွေးချယ်ရေး ကော်မတီသည် သိပ္ပံ ဘာသာတွဲမှ မောင်ရန်အောင်ဖြိုး (ထ-၃၊ မြစ်ကြီးနား) ၊ မခင်ပြည့်စုံထွန်း (ထ-၁ လွိုင်ကော်)၊ မယွန်းရွှေလွှာ (ထ-၁ ဘားအံ)၊ မဘွေနှဲမ်းဆုန် (ထ-၃ ဟားခါး)၊ မဝတ်ရည်နန္ဒာ (ထ-၈ မော်လမြိုင်)၊ မစိုးစန္ဒီ (ထ-၂ စစ်တွေ)၊ မောင်ကောင်းထက် သူကျော် (ထ-၄ တောင်ကြီး)၊ မစိုးစန္ဒီသိန်း (ကပက၊ မြပန်းသဇင်၊ ရေဦး)၊ မောင်ဆန်နီအေးဝင်း (ထ-၁ မြိတ်)၊ မခန့်ဆွေထက် (ထ-၁ ပြည်)၊ မသွယ်သွယ်စိုး (အထက၊ဆိပ်ဖြူ)၊ မောင်လင်းထက်အောင်(အထကတွဲ၊ စလေ (ဘက) ချမ်းမြသာစည်)၊ မသီရိထက်နိုင် (အထက လေ့ကျင့်ရေး၊ ကမာရွတ်)၊ မောင်စိုးပြည့်မောင် (ထ-၂ ပုသိမ်)၊ မောင်သီဟထက်နိုင် (ထ-၁ နေပြည်တော်၊ ဇေယျာသီရိ ) တို့ကို လည်းကောင်း၊ ဝိဇ္ဇာ ဘာသာတွဲမှ မတင့်တင့်လှိုင် (အထကခွဲ ရွှေကျောင်း၊ ဇလွန်)၊ မစုမြတ်သူ (အထကခွဲ သပြေချောင်း၊ ညောင်တုန်း)၊ မသင်းသင်းခိုင် (အထက လုံးတုံ၊ နမ့်မွန်း၊ မိုးညှင်း)၊ မအေးချမ်းမေ(အထက မော်လူး၊ အင်းတော်)၊ မဇင်မိုးထက် (အထက ရွာတော်၊ အောင်လံ) တို့ကို လည်းကောင်း အတည်ပြု ရွေးချယ် ခဲ့ကြောင်း သိရသည်။
အဆိုပါ အစီအစဉ်ကို မြန်မာနိုင်ငံ နှင့် ဂျပန်နိုင်ငံ တို့အကြား သံတမန် ဆက်ဆံရေး ထူထောင်ခဲ့မှု နှစ် ၆ဝ ပြည့် အထိမ်းအမှတ် လှုပ်ရှားမှု အဖြစ် ဆောင်ရွက်ခြင်း ဖြစ်ကြောင်း သိရှိရသည်။
#Themyawadydaily
No comments:
Post a Comment