ငွေတာရီမဂ္ဂဇင်း လစဉ်ဓာတ်ပုံပြိုင်ပွဲ

ငွေတာရီမဂ္ဂဇင်း လစဉ်ဓာတ်ပုံပြိုင်ပွဲ

Outing အစီအစဉ် (ငွေဆောင် ခရီးစဉ်)

ယခုလအတွက် မြန်မာနိုင်ငံ ဓာတ်ပုံအသင်း ၏ Outing အစီအစဉ် အဖြစ် ငွေဆောင် ခရီးစဉ် ကို သတ်မှတ် ထားပါသည်။ မကြာမီလ များတွင် ကျင်းပ ပြုလုပ်မည် ဖြစ်သော ငွေဆောင် ဟိုတယ် လုပ်ငန်းရှင်များ အသင်း၏ ငွေဆောင် ဓာတ်ပုံပြိုင်ပွဲ အတွင် အကြို ခရီးစဉ်လည်း ဖြစ်သည်။ နှစ်စဉ်လိုပင် မြန်မာနိုင်ငံ ဓာတ်ပုံ အသင်းနှင့် ငွေဆောင် အသင်းတို့ ပူးပေါင်း ကျင်းပသော ငွေဆောင် အလှအပ ရှုခင်း ဓာတ်ပုံ ပြိုင်ပွဲ ဖြစ်သည်။

ငွေဆောင် ခရီးစဉ်သို့ လိုက်ပါမည့် ဓာတ်ပုံ အသင်းဝင် များနှင့် မိသားစုများ အတွက် ဟိုတယ် တည်းခိုခန်းခ ၊ စားသောက် စရိတ် နှင့် ကားခအပြီး အငြိမ်း အထူး သက်သာသည့် နှုန်းဖြင့် သွားလာနိုင်ရန် စီစဉ် ပို့ဆောင် ပေးသည်။ ယခု ခရီးသို့ လစဉ် ပုံမှန် ပြိုင်ပွဲဝင်သူများ သာမက အသင်းဝင် မိသားစုများ အပါအ၀င် လူဦးရေ ၄၀ ခန့် သွားရောက် ခဲ့ပါသည်။

ငွေဆောင် ခရီးစဉ် ဓာတ်ပုံပြိုင်ပွဲသို့ ပြိုင်ပွဲဝင် ၂၇ ဦးမှ ဓာတ်ပုံပေါင်း ၅၅ ပုံအထိ ပေးပို့ ယှဉ်ပြိုင် ကြသည်။ အသင်းဝင် ဖြစ်သူ ပင်လောင်းမြို့မှ ကိုကျော်သန်း (ပွင့်လန်း) မှ ပထမဆု နှင့် နှစ်သိမ့်ဆု တစ်ဆု တို့ကို ရယူသွား ပါသည်။ ကိုကျော်သန်း (ပွင့်လန်း) ပင်လောင်း မှာ မကြာမီက ရွေးချယ် ပြီးစီးခဲ့သော ၂၀၁၃ ခုနှစ် မြန်မာနိုင်ငံလုံး ဆိုင်ရာ ဓာတ်ပုံပြိုင်ပွဲ All Myanmar တွင် ကဏ္ဍနှစ်ခု၌ ပထမဆုကြီး နှစ်ဆု ရယူ သွားသည်ကို သတိပြုမိ ပါသည်။ ကိုကျော်သန်း အနေဖြင့် အထက်မြန်မာနိုင်ငံ ဓာတ်ပုံအသင်း ပြိုင်ပွဲများ နှင့် စီးပွားရေး အထူး ဓာတ်ပုံပြိုင်ပွဲ များတွင် ပထမဆုကြီးများ မကြာမကြာ ရယူခဲ့သည် ကိုလည်း အမှတ် ထားမိပါသည်။ မြန်မာနိုင်ငံ ဓာတ်ပုံအသင်း ၏ လစဉ် ခရီးစဉ် ပြိုင်ပွဲများ တွင်လည်း ခရီးစဉ် ကြုံကြိုက်ပါက လိုက်ပါ ရိုက်ကူးပြီး ဆုများ ရယူသည်ကို သိရှိရသည်။ သို့ပါ၍ နယ်အဝေးမြေ မှ အသင်းဝင် တစ်ဦး အနေဖြင့် အောင်မြင်သော ဓာတ်ပုံသမား ဖြစ်ရန် အားပေး တိုက်တွန်း လိုက်ရပါသည်။

ပထမ - ကိုကျော်သန်း (ပွင့်လန်း ) ပင်လောင်း

ကိုကျော်သန်း ၏ ပထမဆုရပုံမှာ ကျောက်မောင်နှမ စေတီငယ် နှစ်ဆူ နှင့် အုန်းပင်တန်း များအား ငါးမျက်စိ မှန်ဘီလူး ( Fish Eye ) ဖြင့် ရိုက်ယူ ထားသော ပုံဖြစ်သည်။ နေလုံး ၀င်ပြီးခါစ အချိန် အလင်းရောင် အနည်းငယ်သာ ကျန်ရှိသည့် အခိုက်အတန့် တွင် နေ၀င်ဆည်းဆာ အလှအား အမြင်ဆန်းစွာ ရိုက်ကူး ထားသည်။ မိုးပြာပြာ ကောင်းကင် နှင့် ဆည်းဆာ လက်ကျန် အရောင်တို့မှာ ပြေပြစ် လှပလျက် ရှိသည်။

ဒုတိယ - သော်ဇင်

အသင်းသား လူသစ်တစ်ဦး ဖြစ်သူ ကိုသော်ဇင် ၏ ဒုတိယ ပုံမှာ ပင်လယ် ကမ်းခြေ ကျောက်ဆောင်စွန်း နှစ်ခု၏ အလယ်တွင် ရေလုပ်သား တစ်ဦး ပိုက်ကွန်ဖာထေး ပြုပြင် နေပုံ ဖြစ်သည်။ ၀င်စပြု နေသည့် နေလုံးကြီးအား အလင်းတံခါး ( Aperture ) ကျဉ်း၍ ဖြစ်စေ ၊ စတားရောင် စစ်မှန် ( Star Filter ) အသုံးပြု၍ ဖြစ်စေ ရိုက်ယူ ထားသည်။ ပုံ၏ ရှေ့ပိုင်း လှိုင်းထနေသော သဲသောင်ခုံ ပေါ်တွင် ညနေ၏ အလင်းများ လျှပ်ကျနေပုံ ကို အားပြု ရိုက်ကူး ထားသည်။ ဓာတ်ပုံ ဆေးသား အနေဖြင့် လှပ ကောင်းမွန် သော်လည်း လှိုင်းတွန့် သဲသောင်ခုံ များတွင် အလင်းကျ နေသည်ကို ယခုထက် ပေါ်လွင်အောင် ပြသနိုင်ပါက ပိုမို ကောင်းမွန်မည် ဖြစ်ပါသည်။

တတိယ - အောင်ပြည့်ဖြိုး 

တတိယဆုရှင် အောင်ပြည့်ဖြိုး မှာ ဓာတ်ပုံအသင်း ၏ လူသစ်ပြိုင်ပွဲဝင် တစ်ဦးဖြစ်ပြီး ၀ါရင့် အသင်းသားများ အမြဲ ပြိုင်လျက် ရှိသည့် လစဉ်ပြိုင်ပွဲတွင် ယခုကဲ့သို့ တတိယဆု ရယူနိုင်သည်ကို ကြိုဆို ဂုဏ်ပြုအပ် ပါသည်။ ဆုရပုံမှာ ညနေပိုင်း နေ၀င် စပြု တော့မည့် အချိန်တွင် ရေလုပ်သား နှစ်ဦး ပိုက်ကွန် ပစ်နေဟန်ကို စီစဉ် ဖန်တီး ရိုက်ကူးထားသော ပုံဖြစ်သည်။ ဖန်တီးသော ပုံဖြစ်သည်နှင့် အညီ သဘာဝကျမှု များ လိုအပ်နေသည် ဟု ထင်မိပါသည်။ ရိုက်ယူ ထားသည်မှာလည်း အတန်ငယ် ချောင်နေ ပါသည်။ ပုံ၏ ညာဘက် နှင့် အောက်ပိုင်း တို့ကို ယခု အနေထက် ပြုပြင် ဖြတ်တောက် ကူးချဲ့ ပါက ပိုမို ကောင်းမွန်မည် ဖြစ်ပါသည်။ ဓာတ်ပုံ ဆေးသားမှာလည်း သင့်ရုံမျှသာ ရှိပါသည်။

ညောင်ဦးဖိုးချို ( Hon: MPS, FMPS, PMPS )

မြန်မာနိုင်ငံ ဓာတ်ပုံအသင်း

#Themyawadydaily