အသိဉာဏ်ပွင့်လင်းရန် စာဖတ်ပါ

အသိဉာဏ်ပွင့်လင်းရန် စာဖတ်ပါ

စာဖတ်တတ်လျှင် စာတတ်သည်ဟု သာမန်အားဖြင့် ဆိုနိုင်သော်လည်း စာတတ်တိုင်း စာဖတ် တတ်သည်တော့ မဟုတ်ပေ။ စာပေဖြင့် မိမိဘဝကို အကျိုးရှိအောင် အသုံးချ နိုင်ပါက စာဖတ် တတ်သည်ဟု ဆိုနိုင်သည်။ အကျိုးပြုသော စာပေကို ရွေးချယ် ဖတ်တတ်မှ သာလျှင် စာဖတ်တတ် သည်ဟု ဆိုနိုင်သည်။ စာဖတ်၍ ထူးကဲသော အကျိုးများ ခံစားရပါမှ စာဖတ်ရ ကျိုးနပ်သည်။

'' လူကို စိတ်က ချုပ်၏ စိတ်ကို ဉာဏ်ပညာက ချုပ်၏။ ဉာဏ်ပညာ ကို ဗဟုသုတက ချုပ်၏။ သို့ဖြစ်၍ ဗဟုသုတ ဖြစ်အောင် စာအုပ်စာတမ်း အမျိုးမျိုးကို ဖတ်ကြကုန် ''ဟု ဆရာကြီး ပီမိုးနင်း က ဆိုခဲ့သည်။ စာပေ အသိ ပညာရှင် အတတ် ပညာရှင် များသည် မိမိတို့၏ ဝါသနာ၊ စေတနာ၊ ယုံကြည်ချက်များအပေါ် အရင်းခံ၍ နှစ်ကာလ ပေါင်းများစွာ ရင်းနှီး ပေးဆပ် ရေးသား ခဲ့ကြသည့် စာပေများသည် အသုံးချ တတ်လျှင် ဘဝအတွက် များစွာ အကျိုးရှိမည် ဖြစ်သည်။

စာပေ ပညာရှင်ကြီး များ၏ ဘဝရှုထောင့် အမျိုးမျိုးမှ ဘဝပေး အသိများ၊ အတွေးအခေါ် များကို စာပေဖြင့် မီးမောင်း ထိုးပြ ထားရာ စာဖတ်သူတို့ အတွက် မိမိတို့ လမ်းကြောင်းမှန် ကို သိမြင်နိုင် သည့် ဉာဏ်ပညာ ကို ရရှိ စေနိုင်သည့် ဘဝတွင် အောင်မြင်မှု အတွက် အချိန်သည် တန်ဖိုးရှိသည်။

''အချိန်နှင့် ဒီရေသည် လူကိုမစောင့်'' ဟူ၍ ဆိုစကား ရှိသည်။ ကုန်လွန် ပြီးသော အချိန်ကို ပြန်လည် ရယူ၍မရ၊ လူတိုင်းသည် မိမိတို့၏ အားလပ်သည့် အချိန်ကို အကျိုးမဲ့ ဖြုန်းတီးခြင်း မပြုဘဲ စာပေ ဖတ်ရှုခြင်းဖြင့် ဘဝ၏ တိုးတက်မှု အတွက် အသုံးချ ရမည် ဖြစ်သည်။

ယနေ့ ကမ္ဘာ့ နိုင်ငံများသည် သိပ္ပံနှင့် နည်းပညာများ တစ်နေ့တခြား တိုးတက် ပြောင်းလဲလျက် ရှိသည်။ သတင်းနှင့် ဆက်သွယ်ရေး နည်းပညာ များလည်း အလျင်အမြန် ပြောင်းလဲ တိုးတက်လျက် ရှိသည်။ တိုးတက် ပြောင်းလဲမှု များနှင့် အညီ ပြည်သူများ ကလည်း နား၊ မျက်စိ ဖွင့်ထား ကြရမည် ဖြစ်သည်။

နိုင်ငံတကာနှင့် ရင်ပေါင်တန်း အမီလိုက် နိုင်ရေး အတွက် အသိပညာ၊ အတတ်ပညာ၊ အတွေးအခေါ် ဗဟုသုတများ ပြည့်စုံ နေရန် လိုသည်။ ဘာသာရပ် ပေါင်းစုံကို လေ့လာ ဆည်းပူး နေကြ ရမည် ဖြစ်သည်။

ယနေ့ နိုင်ငံတော်သည် ဒီမိုကရေစီ နိုင်ငံတော် အဖြစ် ခေတ်မီ ဖွံ့ဖြိုး တိုးတက်ပြီး အေးချမ်း တည်ငြိမ်သော နိုင်ငံကို ပုံဖော် တည်ဆောက် လျက် ရှိသည်။ ထိုသို့ နိုင်ငံတော်သစ် တည်ဆောက် နေချိန်တွင် ပညာတတ်များ ပေါများမှသာ နိုင်ငံတော် တည်ဆောက်ရေး လျင်မြန်စွာ အကောင်အထည် ပေါ်မည် ဖြစ်သည်။ နိုင်ငံတော် တည်ဆောက်ရေး အတွက် ပြည်သူများ အသိပညာ၊ အတတ်ပညာ များ ရရှိရန်မှာ စာအုပ် စာပေများ ကို ဖတ်ရှု မှတ်သား၍ ပညာ ယူခြင်းမှာ အဓိက ကျသည်။

လောက နီတိ၌ '' သူတစ်ပါး ထံ၌ ရှိသော ဥစ္စာသည် မိမိ၏ ဥစ္စာမဟုတ်၊ စာအုပ်စာပေ များ၌သာ ရှိသော အတတ် ပညာသည် အတတ်ပ ညာမဟုတ်'' ဟူသော လမ်းညွှန်ချက် ကဲ့သို့ စာအုပ်စာပေ များ၌ ဖော်ပြ ထားသည့် အတတ်ပညာ၊ အသိပညာ များကို စာအုပ်စာပေ များ၌သာ မထားဘဲ ဖတ်ရှု လေ့လာ ကျင့်သုံး သွားမှသာ အတတ်ပညာ၊ အသိပညာ အစစ်အမှန် ဖြစ်သည် ကိုလည်း သတိပြု သင့်သည်။

သို့ဖြစ်ရာ ကမ္ဘာနှင့် အဝန်း သိပ္ပံနှင့် နည်းပညာများ အရှိန် အဟုန်ဖြင့် ပြောင်းလဲ နေချိန်တွင် ပြည်ထောင်စု သမ္မတ မြန်မာ နိုင်ငံဖွား ပြည်သူများ သည်လည်း တိုးတက် ပြောင်းလဲ လာမှုများကို သိရှိ၍ နိုင်ငံတော်သစ် တည်ဆောက်ရေး တွင် အားဖြည့် ဆောင်ရွက် နိုင်ရန် ဗဟုသုတ၊ အသိဉာဏ် ပညာ ပွင့်လင်း စေရေး စာအုပ်စာပေ တို့ကို အချိန်နှင့် တစ်ပြေးညီ ဖတ်ရှု လေ့လာပါဟု အကြံပြု ရေးသား လိုက်ရ ပေသည်။

( ၂၇-၂-၂၀၁၄ ရက် ရတနာပုံနေ့စဉ်သတင်းစာ အယ်ဒီတာ့အာဘော် )