မြန်မာ - တောင်ကိုရီးယား ဒေသဆိုင်ရာ သတင်းဌာန ရန်ကုန်တက္ကသိုလ်၌ ထားရှိ

ရန်ကုန် ၊ ၂၈-၁-၂၀၁၄

ယခုနှစ်တွင် ပြန်လည် ဖွင့်လှစ်ခဲ့သည့် ရန်ကုန်တက္ကသိုလ် အတွင်း၌ ကျောင်းသား ကျောင်းသူများ ဗဟုသုတ တိုးပွားစေရန် အတွက် တောင်ကိုရီးယား နိုင်ငံ ဟန်ယန်း တက္ကသိုလ် နှင့် ပူးပေါင်း၍ မြန်မာ - တောင်ကိုရီးယား ဒေသဆိုင်ရာ သတင်းဌာန တစ်ခု ဖွင့်လှစ် ထားကြောင်း သိရသည်။ အဆိုပါ ဌာနတွင် ကျောင်းသား ကျောင်းသူများ စာပေများ လေ့လာ ရုံသာမက သိရှိလိုသော ဘာသာရပ် များကို Downloads ဆွဲနိုင်ရန် ကွန်ပျူတာများ ကိုပါ ထားရှိ ပေးထားပြီး အင်တာနက် အသုံးပြုနိုင် ရန်ပါ စီစဉ် ပေးထားကြောင်း သိရသည်။

" ဒီ စင်တာကို တောင်ကိုရီးယား နိုင်ငံ ဟန်ယန်း တက္ကသိုလ် နဲ့ ဆရာမတို့ Anthropology Department တို့နဲ့ ပူးပေါင်းပြီး ဖွင့်ထားတာပါ ၊ Sponsored ကတော့ KOICA ကပါ ၊ နှစ်နှစ်စာအုပ် နဲ့ပါ ၊ ဒီစင်တာ လေးမှာ ကျောင်းသား ကျောင်းသူတွေ အတွက် အင်တာနက် အခမဲ့ သုံးရမယ် ၊ စာအုပ်တွေလည်း ဖတ်ဖို့ အများကြီး ရှိတယ် ၊ ဆရာမတို့ Anthropology က ကွင်းဆင်း ထားတဲ့ စာအုပ်တွေ ၊ တခြား Development တွေ အများကြီး ရှိပါတယ် ၊ ကျောင်းသားတွေ အနေနဲ့ ကျောင်းသားကတ် ပြရုံနဲ့ ကွန်ပျူတာ သုံးလို့ ရမယ် ၊ ကွန်ပျူတာ ကို စာနဲ့ ပတ်သက်တာ တွေကို လေ့လာဖို့ ပြောထားတယ် ၊ တခြား ကျောင်းသား ဟောင်းတွေ အနေနဲ့ လေ့လာချင်ရင် မှတ်ပုံတင် ပြရင် လေ့လာလို့ ရပါတယ် ... " ဟု တာဝန်ရှိသူ ဆရာမ တစ်ဦးက ပြောပြ ခဲ့သည်။ အဆိုပါ LKC ကို University of Yangon နှင့် Honyon University တို့ ပူးပေါင်းပြီး " Twell Let Myar " ဟု အမည် ပေးထားကြောင်း သိရှိရသည်။