ဒဏ်ရာများဖြင့် သတိမေ့နေသော လာနူးအား တွေ့ရစဉ်
သောင်းကျန်းသူ အဖွဲ့တစ်ဖွဲ့၏ တိုက်ခိုက်မှုကြောင့် သေဆုံးနေသော
ထန်ဝူး ၊ ခေါပုံ ၊ ရန်ချန် နှင့် ခွန်ဆန် တို့အား တွေ့ရစဉ်
နေပြည်တော် ၊ ၂၉-၁၁-၂၀၁၃
နိုဝင်ဘာ ၂၇ ရက် မွန်းလွဲ ၁ နာရီ ၃၅ မိနစ် ခန့်က ရှမ်းပြည်နယ် (မြောက်ပိုင်း) မုံးကိုး အခြေပြု ပြည်သူ့စစ် တပ်ဖွဲ့မှ အဖွဲ့ဝင် လာနူးနှင့် အတူ ပူးတွဲ လုံခြုံရေး တာဝန် ထမ်းဆောင်သည့် မုံးကိုး ရွာသား လေးဦး စုစုပေါင်း ငါးဦး တို့သည် ကျင်းထုံရွာ ရှိ ဆွေမျိုးနာရေး သို့ သွားရောက်ပြီး ပြန်လာရာ မုံးကိုး ချောင်းကူး တံတား သို့ အရောက်တွင် သောင်းကျန်းသူ အဖွဲ့တစ်ဖွဲ့ မှ စောင့်ကြို တိုက်ခိုက် ခဲ့သည်။
ထိုသို့ တိုက်ခိုက်မှုကြောင့် မုံးကိုး ရွာသားများ ဖြစ်ကြသည့် ထန်ဝူး ၊ ခေါပုံ ၊ ရန်ချန် နှင့် ခွန်ဆန် တို့ လေးဦးမှာ သေဆုံး ခဲ့ပြီး ပြည်သူ့စစ် အဖွဲ့ဝင် လာနူးမှာ ရရှိဒဏ်ရာ များဖြင့် သတိမေ့လျက် ရှိရာ ပြည်သူ့စစ် တပ်ဖွဲ့ဝင် များက မုံးကိုး ပြည်သူ့ ဆေးရုံသို့ ပို့ဆောင် ကုသပေးလျက် ရှိကြောင်း သိရှိရသည်။ (၁၀၀)
No comments:
Post a Comment