ရန်ကုန် ၊ ၂၆-၉-၂၀၁၃
ရန်ကုန်မြို့အပါအဝင် မြန်မာ တစ်နိုင်ငံလုံးရှိ
အထပ်မြင့် အဆောက်အအုံ များအနေဖြင့် တိုက်များတွင် အသုံးပြုသော အများပိုင် ဓာတ်လှေကား
များကို တစ်လ ငွေကျပ် ခုနစ်သောင်း ဝန်းကျင်ခန့် အသုံးပြုပြီး စောင့်ကြည့် ထိန်းသိမ်းမှ
သာ ယင်း ဓာတ်လှေကား များသည် ရေရှည် တည်တံ့ နိုင်မည်ဖြစ်ပြီး အန္တရာယ် ဖြစ်ပွားမှုများကို
ကာကွယ် နိုင်မည် ဖြစ်ကြောင်း သိရသည်။
ယင်းဓာတ်လှေကား ထိန်းသိမ်း စောင့်ရှောက်
စရိတ်များကို တိုက်တစ် တိုက်လုံးရှိ နေထိုင်သူများက အချိုးကျ ကျခံပြီး မိမိတို့ တိုက်တာ
အိုးအိမ် ကာကွယ်ရေးကို ပြုလုပ်ထားမှသာ ဓာတ်လှေကား အတွင်း ပိတ်မိခြင်း၊ ဓာတ်လှေကား စနစ်များ
ချို့ယွင်းခြင်း နှင့် ဓာတ်လှေကား ကြိုးများ တာရှည် ခံနိုင်ရည် ရှိခြင်းစသော အချက်များကို
လုပ်ဆောင် နိုင်မည် ဖြစ်ပြီး အဆောက်အအုံ တွင် အဆင့်မြင့်စွာ နေထိုင် နိုင်မည် ဖြစ်ကြောင်း
ရန်ကုန်မြို့တော် စည်ပင် သာယာရေး ကော်မတီ၏ တာဝန်ရှိသူ တစ်ဦးက အကြံပြု ပြောကြားခဲ့သည်။
ထို စရိတ်စကမှာ တစ်လစာသာ ဖြစ်ပြီး ဝန်ဆောင်မှု ကုမ္ပဏီများနှင့် ၆ လတစ်ကြိမ် သော်လည်းကောင်း
စာချုပ် ချုပ်ဆို ထားခြင်းသည် အကောင်းဆုံး ဖြစ်ပြီး ယင်း ဓာတ်လှေကား ဝန်ဆောင်မှု ကုမ္ပဏီများ
ကလည်း ထိုစာချုပ် ချုပ်ဆိုထားသော အဆောက်အအုံ များရှိ ဓာတ်လှေကား များကို တစ်လတစ်ကြိမ်
လာရောက် စစ်ဆေးခြင်း ၊ လိုအပ်သော စက်သုံးဆီ ၊ ချောဆီများ ထည့်ပေးခြင်းနှင့် အခြား ဓာတ်လှေကား
ကြံ့ခိုင်မှုများ ကိုပါ စစ်ဆေးပေးခြင်း များကို ပြုလုပ်ပေးမည် ဖြစ်ပြီး တစ်စုံ တစ်ခု
ဖြစ်ပါက ထို ကုမ္ပဏီမှ တာဝန်ယူ ပေးခြင်းများ ဆောင်ရွက် ပေးကြောင်း သိရသည်။
ယင်း ဓာတ်လှေကား ထိန်းသိမ်းမှု များတွင်
နှစ်ကာလ အလိုက် လိုအပ်မည့် ပစ္စည်းများကို ဝယ်ယူတပ်ဆင် ရသည့်အပြင် ထိုကုန်ကျမှု များကို
အဆောက်အအုံ များရှိ ပြည်သူများ အနေဖြင့် အချိုးကျ စိုက်ထည့် အသုံးပြု ခြင်းဖြင့် အဆောက်အအံ
သာယာရေး အဖွဲ့များလည်း အသက်ဝင် လာပြီး အဆောက်အအုံ ဆိုင်ရာ မလိုလား အပ်သော ပြဿနာ များ
ဝင်ရောက် လာနိုင်ခြင်း မှ ကာကွယ် နိုင်မည် ဖြစ်သကဲ့သို့ ယင်း ဓာတ်လှေကား များတွင်
CCTV များပင် တပ်ဆင် ထားခြင်းဖြင့် အမျိုးသမီး များ၏ လုံခြုံရေး ဆိုင်ရာ ကိစ္စများကို
ကြိုတင် ကာကွယ်ပြီး ဖြစ်သွားမည် ဖြစ်ကြောင်း ကျွမ်းကျင် အဆောက်အအုံ ပညာရှင် တစ်ဦးက
ပြောကြား ခဲ့ကြောင်း သိရှိရသည်။
No comments:
Post a Comment