ရန်ကုန် ၊ ၂၂-၇-၂၀၁၃
ရုပ်ရှင် ရိုက်ကူးမှု၏ အဓိက လိုအပ်ချက် ဖြစ်သော ရုပ်ရှင် စတူဒီယိုများ ပေါ်ထွက် လာစေရန် ပြည်တွင်း ပြည်ပ လုပ်ငန်းရှင် များနှင့် ပူးပေါင်း ဆောင်ရွက် သွားရန် စီစဉ်ထားပြီး ရုပ်ရှင် စတူဒီယို တည်ဆောက်ရန် ပထမ အဆင့်အနေဖြင့် ပြင်ဦးလွင်မြို့ ၀က်ဝံရွာ အနီးရှိ မြေဧက ၃၀ ကို ရုပ်ရှင် အစည်းအရုံး ပိုင်အဖြစ် ပေးအပ် ထားကြောင်း သိရသည်။
ရုပ်ရှင်စတူဒီယို တည်ဆောက်မှု နှင့် ပတ်သက်၍ " ပြင်ဦးလွင် ၀က်ဝံရွာ အနီးမှ ရထားတဲ့ မြေဧက ၃၀ ကို ရုပ်ရှင်စတူဒီယို ဆောက်ဖို့ စီစဉ် ထားပါတယ် ၊ လောလောဆယ် မြေကွက် ရပြီ ဆိုတာနဲ့ စတူဒီယို တည်ဆောက်ဖို့ စီစဉ် သွားမှာပါ ၊ ပြင်ဦးလွင် မှာက ရုပ်ရှင် ဇာတ်ကား အများစု ကို သွားရောက် ရိုက်ကူးနေကျ ဆိုတော့ ရုပ်ရှင်စတူဒီယို ရှိလာမယ် ဆိုရင် ပိုပြီး အဆင်ပြေ လွယ်ကူ သွားမယ် ထင်ပါတယ် ၊ ပြင်ဦးလွင် မှာတစ်ခု ၊ ရန်ကုန်မှာ တစ်ခု ရုပ်ရှင်စတူဒီယို တွေ ပေါ်ပေါက် အောင်တော့ ကြိုးစား သွားမှာပါ .... " ဟု မြန်မာနိုင်ငံ ရုပ်ရျင် အစည်းအရုံး ဒုတိယ ဥက္ကဋ္ဌ (၂) ဦးအေးကြူလေး က ပြောကြား ခဲ့သည်။
" ရုပ်ရှင်လုပ်ငန်း ဖွံ့ဖြိုး တိုးတက်ဖို့ လုပ်ငန်းစီမံချက် များ ချမှတ် ဆောင်ရွက်ရာမှာ ရုပ်ရှင်စတူဒီယို တွေ ထွက်ပေါ် လာဖို့ အရေးတကြီး လိုအပ် ပါတယ် ၊ ဒေသတွင်း နိုင်ငံများကို သွားရောက် လေ့လာ ခဲ့ရာမှာ နိုင်ငံတိုင်း မှာ ရုပ်ရှင်စတူဒီယို တွေရှိတာကို လေ့လာ တွေ့ရှိ ရပါတယ် ၊ ရုပ်ရှင်စတူဒီယို တွေ ရှိခြင်းဟာ ရုပ်ရှင် ရိုက်ကူးမှု အပိုင်းမှာ ပိုမို လွယ်ကူစေပြီး ခမ်းနားမှု ၊ စနစ်ကျမှုလည်း ရှိစေတယ် ၊ ဒီအတွက် ရုပ်ရှင်စတူဒီယို တွေ ရှိဖို့ လိုအပ်တယ် ၊ ဒါကြောင့် လုပ်ငန်းစဉ် တစ်ခု အနေနဲ့ ရုပ်ရှင်စတူဒီယို တွေ တည်ဆောက် ဖို့ကို ထည့်သွင်း သွားမှာပါ ၊ ဒီလို တည်ဆောက် ရာမှာလည်း ပြည်တွင်း ပြည်ပ လုပ်ငန်းရှင် များနဲ့ ပူးပေါင်း တည်ဆောက်ဖို့ စီစဉ် ထားပါတယ် ၊ လုပ်ငန်းစဉ် ကာလကိုတော့ ၂၀၁၄ ခုနှစ်အတွင်း အကောင် အထည်ဖော် နိုင်အောင် ကြိုးစား သွားမှာပါ .... " ဟု မြန်မာ့ ရုပ်ရှင် လုပ်ငန်း မှ တာဝန်ရှိသူ တစ်ဦးက ပြောကြား ခဲ့ကြောင်း သိရှိရသည်။
No comments:
Post a Comment