၂၇-၇-၂၀၁၃
ထိုင်းနှင့် လာအိုနိုင်ငံ တို့သည် နယ်စပ်ဒေသ
ပြဿနာများ ကိုင်တွယ်ဖြေရှင်း ရေးအတွက် ၆ နှစ်ကြာ ဆိုင်းငံ့ထားခဲ့သော ဆွေးနွေးပွဲ များအား
ပြန်လည် ပြုလုပ် သွားမည် ဖြစ်ကြောင်း ဇူလိုင်လ ၂၆ ရက်ထုတ် ဘန်ကောက်ပို့စ် သတင်းတစ်ရပ်
အရ သိရသည်။
ထိုင်း - လာအို နယ်ခြား ကော်မရှင် အစည်းအဝေး
အား သြဂုတ်လ ၁၅ ရက်နှင့် ၁၆ ရက်များတွင် ထိုင်းနိုင်ငံမှ အိမ်ရှင်အဖြစ် လက်ခံ ကျင်းပ
သွားမည် ဖြစ်ကြောင်း ထိုင်း ဒုတိယ ၀န်ကြီးချုပ် နှင့် နိုင်ငံခြားရေး ၀န်ကြီး ဆူရာပွန်
တိုဗီ ချိုင်ကူးလ် က ပြောကြား ခဲ့သည်။ ၄င်း အစည်းအဝေး တွင် ဆူရာပွန် နှင့် လာအို ဒုတိယ
ဝန်ကြီးချုပ် နှင့် နိုင်ငံခြားရေး ၀န်ကြီး သောင်လွန်းစီ ဆူလစ် တို့က ပူးတွဲ သဘာပတိ
အဖြစ် ဆောင်ရွက် သွားမည် ဖြစ်ပြီး ၄င်းတို့ ၂ ဦးသည် ဆွေးနွေးပွဲများ ပြန်လည် ပြုလုပ်
သွားရေးအတွက် ယခုနှစ် အစောပိုင်း ကတည်းက သဘောတူညီ ထားခဲ့ခြင်း ဖြစ်ကြောင်း သိရသည်။
အဆိုပါ တွေ့ဆုံမှုသည် နယ်စပ် ပြဿနာရပ်များ ကိုင်တွယ် ဖြေရှင်းရေး နှင့် ပိုမို ရှင်းလင်းသည့်
နယ်နိမိတ် မှတ်တိုင်များ စိုက်ထူနိုင်ရေး အတွက် ကျန်ရှိနေသည့် ၂ နိုင်ငံ နယ်စပ်အား
တိုင်းတာ သတ်မှတ်သွားရန် ရည်ရွယ်ခြင်း ဖြစ်ကြောင်း သိရသည်။
ထိုင်း နှင့် လာအို နှစ်နိုင်ငံ နယ်စပ်
၈၀၀ ကီလိုမီတာ ရှိသည့်အနက် ၉၆ ရာခိုင်နှုန်း ခန့်အား နယ်နိမိတ် တိုင်းတာ သတ်မှတ်နိုင်
ခဲ့ပြီး ဖြစ်ကြောင်းလည်း သိရသည်။ တိကျသော နယ်နိမိတ် သတ်မှတ်ခြင်း သည် အနာဂတ်တွင် ၂
နိုင်ငံအကြား စစ်ဆေးရေးဂိတ် များ ပိုမိုဖွင့်လှစ် သွားရေး အတွက် ထည့်သွင်း စဉ်းစားနိုင်ရန်
အထောက်အကူ ဖြစ်စေမည် ဖြစ်ကြောင်း ထိုင်းနိုင်ငံခြားရေး ၀န်ကြီး ဆူရာပွန် တိုဗီ ချိုင်ကူးလ်
က ပြောကြား ခဲ့ကြောင်း သိရှိရသည်။
No comments:
Post a Comment