ရန်ကုန် ၊ ၃၀-၁-၂၀၁၃
ထိုင်းနိုင်ငံ ၊ စီးပွားရေး နှင့် ကူသန်း
ရောင်းဝယ်ရေး ၀န်ကြီးဌာန ၊ အပြည်ပြည် ဆိုင်ရာ ကုန်သွယ်မှု မြှင့်တင်ရေး ဌာနမှ ကြီးမှူး
ပြုလုပ်မည့် Bangkok International Gift & Bangkok International Houseware
Fair 2013 (BIG & BIH) ပြပွဲကို ထိုင်းနိုင်ငံတွင် ၂၀၁၃ ခုနှစ် ၊ ဧပြီ ၁၉ ရက်မှ
၂၃ ရက်နေ့အထိ ကျင်းပ ပြုလုပ်မည် ဖြစ်ရာ မြန်မာနိုင်ငံမှ စီးပွားရေး လုပ်ငန်းရှင်များ
ပါဝင် တက်ရောက်ရန် ဖိတ်ကြား ထားကြောင်း သိရသည်။
အဆိုပါ ပြပွဲတွင် မြန်မာနိုင်ငံ မှ
လုပ်ငန်းရှင် များအတွက် ပြခန်း ၆ ခန်းကို အခမဲ့ စီစဉ် ပေးမည် ဖြစ်ကြောင်း နှင့် ပြခန်း
၆ ခန်းတွင် ပါဝင် ပြသမည့် ကုမ္ပဏီများ စာရင်းကို ရန်ကုန်မြို့ ရှိ ထိုင်းနိုင်ငံ သံရုံး
၊ စီးပွားရေး ဌာနသို့ စောလျင်စွာ ပေးပို့ရမည် ဖြစ်သည်။ ၄င်းအပြင် Bangkok
International Gift & Bangkok International Houseware Fair 2013 (BIG &
BIH) ပြပွဲသို့ တက်ရောက်မည့် ကုမ္ပဏီ ၊ ပုဂ္ဂိုလ် အမည်နှင့် ပြသမည့် ပစ္စည်း စာရင်း တို့ကို
ပြည်ထောင်စု သမ္မတ မြန်မာနိုင်ငံ ကုန်သည်များ နှင့် စက်မှုလက်မှု လုပ်ငန်းရှင်များ အသင်းချုပ်
သို့ ၂၀၁၃ ခုနှစ် ၊ ဖေဖော်ဝါရီ ၅ ရက်နေ့ နောက်ဆုံး ထား၍ ပေးပို့ကြ ရမည် ဖြစ်ကြောင်း
သိရှိရသည်။
No comments:
Post a Comment