စာကြည့်တိုက်ပညာ ဆင့်ပွားသင်တန်းနှင့် မီဒီယာသင်တန်းများ ဖွင့်လှစ်မည်

စာကြည့်တိုက်ပညာ ဆင့်ပွားသင်တန်းနှင့် မီဒီယာသင်တန်းများ ဖွင့်လှစ်မည် ဒီဇင်ဘာ(၁၈)ရက်နေ့ ရခိုင်ပြည်နယ်၊ ပြန်ကြားရေးနှင့် ပြန်သူ့ဆက်ဆံရေး ဦးစီးဌာနမှ ကြီးမှူး၍ ပြည်နယ်အတွင်း မြို့နယ် ပြန်ကြားရေးနှင့် ပြည်သူ့ဆက်ဆံရေး ဦးစီးဌာနများမှ ဦးစီးမှူး များနှင့် စာကြည့်တိုက် လက်ထောက် (၃) ၀န်ထမ်းများ၊ လုပ်ငန်းခွင် အရည်အသွေး မြင့်မားရေး အတွက် စာကြည့်တိုက်ပညာ ဆင့်ပွားသင်တန်း နှင့် မီဒီယာ သင်တန်းများကို ၂၀၁၃ ခုနှစ်၊ ဇန်န၀ါရီလ အတွင်း ဖွင့်လှစ်ပို့ချ ပေးသွားမည် ဖြစ်ကြောင်း သိရသည်။ စာကြည့်တိုက် ပညာ ဆင့်ပွား သင်တန်းနှင့် မီဒီယာ သင်တန်းများကို ဇန်န၀ါရီလ ပထမပတ်၌ စစ်တွေခရိုင်၊ ပြန်ကြားရေးနှင့် ပြည်သူ့ဆက်ဆံရေး ဦးစီးဌာန၊ စာကြည့်တိုက် ခန်းမတွင် စစ်တွေခရိုင် နှင့် မောင်တောခရိုင် အတွင်း မြို့နယ် ဦးစီးမှူး များနှင့် စာကြည့်တိုက် လက်ထောက်(၃) ၀န်ထမ်းများ အားလည်းကောင်း၊ တတိယပတ်၌ ကျောက်ဖြူ ခရိုင် ပြန်ကြားရေး နှင့် ပြည်သူ့ဆက်ဆံရေး ဦးစီးဌာန ရုံးခန်းမ၌ ကျောက်ဖြူခရိုင်နှင့် သံတွဲခရိုင်များမှ မြို့နယ်ဦးစီးမှူးများနှင့် စာကြည့်တိုက် လက်ထောက်(၃) ၀န်ထမ်းများအား လည်းကောင်း ဖွင့်လှစ်ပို့ချ ပေးသွားရန် စီစဉ်ထားရှိ ကြောင်း သိရှိရသည်။