အခြေခံစိုက်ပျိုးရေး နည်းပညာပေး သင်တန်းများ စဉ်ဆက်မပြတ် ဖွင့်လှစ်ပေးလျက်ရှိ

အခြေခံစိုက်ပျိုးရေး နည်းပညာပေး သင်တန်းများ စဉ်ဆက်မပြတ် ဖွင့်လှစ်ပေးလျက်ရှိ ဒီဇင်ဘာ(၁၈)ရက်နေ့ ရန်ကုန်မြို့၊ ဗဟန်းမြို့နယ်၊ မြေပဒေသာကျွန်း စိုက်ပျိုးရေး ပညာပေးဇုန် သင်တန်းခန်းမ၌ စိုက်ပျိုးရေး ပညာရှင်များ သည် အခြေခံ စိုက်ပျိုးရေး နည်းပညာပေး သင်တန်း များကို စဉ်ဆက် မပြတ် ဖွင့်လှစ် ပို့ချ ပေးလျက် ရှိကြောင်း သိရသည်။ အဆိုပါ သင်တန်းများ အနက် သစ်သီးဝလံ တိုင်တူး ကိုင်းဆက် သင်တန်းကို ဒီဇင်ဘာ ၁၈ ရက်မှ ၂၁ ရက် အထိ လည်းကောင်း၊ ဟင်းသီး ဟင်းရွက် စိုက်ပျိုးနည်း သင်တန်းကို ဒီဇင်ဘာ ၂၆ ရက်မှ ၂၈ ရက်အထိ လည်းကောင်း၊ ပရဆေး စိုက်ပျိုးနည်း သင်တန်းကို ၂၀၁၃ ဇန်န၀ါရီ ၁ ရက်မှ ၃ ရက်အထိ လည်းကောင်း၊ ပန်းမန် စိုက်ပျိုးနည်း သင်တန်းကို ဇန်န၀ါရီ ၈ ရက်မှ ၁၀ ရက်အထိ နှင့် ပိုးသတ်ဆေး စနစ်တကျ အသုံးပြုခြင်း သင်တန်းကို ဇန်န၀ါရီ ၁၅ ရက်မှ ၁၇ ရက်အထိ ဖွင့်လှစ်မည် ဖြစ်ပြီး စိုက်ပျိုးရေး နည်းပညာ များကို စာတွေ့ လက်တွေ့ ပို့ချ သွားမည် ဖြစ်ကြောင်း သိရသည်။ အဆိုပါ သင်တန်းကို နေ့စဉ် နံနက် ၉ နာရီမှ မွန်းတည့် ၁၂ နာရီ အထိ ပို့ချမည် ဖြစ်ပြီး အသေးစိတ် သိရှိလိုပါက မြေပဒေသာကျွန်း၊ ခြံဦးစီး အရာရှိရုံး ဖုန်း၀၁-၅၄၉၇၃၀ သို့ ဆက်သွယ် မေးမြန်း နိုင်ကြောင်း၊ သင်တန်း တစ်ခုချင်း အလိုက် ပို့ချ စာရွက် စာတမ်းကြေး အပါအ၀င် ငွေကျပ် ၄၀၀၀ ဖြစ်ကြောင်း၊ သင်တန်း တက်ရောက် သူများအတွက် မြေပဒေသာကျွန်း ၀င်ကြေး ပေးရန် မလိုကြောင်း သိရှိရသည်။